إنحـــناء @ القلــــــوب . com
 

إنحـــناء @ القلــــــوب . com

--------------------------------------------------------------------------------




أنـا قلبي غــدا مـابين وصـلٍ ما أنفتـح لـه بـاب

وصــدودٍ يـرتـجـي علــه يـزول وينقفـل بـابــــه

تقـاذفـه البلاوي والمصــايب لين عجــز وشــاب

ولاعــاد التفـت للحــب وأهــل الحــب وأحــبـابه

غـدا في زحمـة همومـه ونجـم أفراح عمره غاب

دفــن راســه بكفــه وأنحـنى للســيف ونصــابه

يســير وكل خطــوه تدفعــه يم الشــقا باسـباب

يســير وكل لحـظــه تنـهــب مـن أيامــه نـهـابـه

يقـولـون الهـوا ظــالم . ويقــول لهم بعــد غـلاب

تراه إن حــل في قلـبٍ صحيـح وركــز أطــنابه

رعــاه وغـير أحـوالــه وخـلاَ صـاحـبـه منصــاب

وحجــز له قـبر شــاغر مع قبور الحب وأصحابه

ويقولـون الزمـن قاسي . وأقول إن الزمن كذاب

ولــو يضحــك يكشــر بعـدهــا ويعـض بانيــابه

لبســنا وقـتنا بكيفــه مـثل لبـس العــرب لثيـاب

وأكــيد يـمــر وقــت وينتـهي ويفســخ ثيـابـه

ولو تاب أكبر المخطين عن درب الخطــا ما تاب

تـربـى بالخـطــا ويعيــش بــه ويمــوت بتــرابـه

جرح ناس وغدر ناس وغدت بأسباب ظلمه رقاب

ولا أذكـر فيه حيٍ ماأنكـوى من حــر مشـهابه

وأنـا قلبـي غــدا مـابين وقــتٍ كـاذبٍ نصــاب

ونـاسٍ ماتحـفــظ عـهـودهــا والحــب لحـبـابـه

صح لسانك ياخوي الشاعر الفهري


وصح لسان شاعرها


وبيض الله وجهك يا الغالي


على هذا الاختيار


تحياتي لك ،،،،

صح السانك يا الشاعر

صح لسانك والله

جزله وانت اجزل

ويقولـون الزمـن قاسي . وأقول إن الزمن كذاب

ولــو يضحــك يكشــر بعـدهــا ويعـض بانيــابه

الشاعر الفهري
صح لسانك ولسان شاعرها ولاهنت
تحياتي

[size=5]يا جماعه انا اعتذر منكم انا جديد على عالم المنتديات والقصايد هذي لي وانا نزلتها في ها المنتدى قبل ما اقرى الشروط والظاهر من ردودكم ان القصايد اللي تنزل في هالمنتدى تكون منقوله فاعذروني على هالخطأ الغير مقصود وانا بحاول اني انزل الجديد في المكان المناسب انشاء الله .
وشكرا لكل من مر على مشاركاتي واتحفني برايه .[/size]

صح لسانك أخوي الشاعر الفهري
مع تحياتي