الشــــ*ـ*ـ*ـ*ـ*ـــروكي
 

الشروكي

--------------------------------------------------------------------------------




يا راعي الجمـس الجـديد السمـاوي *** سـلم على راعي الشـروكي وقلـه

لاصـرت للـمـنـهـاج يـاهــوه نـاوي *** تـل الشـروكـي يــم الاحــباب تلــه

حــتى لــو مـورد قـطـاعه غــلاوي *** يرخــص لمـن تهــواه دقـه وجـلــه

تـراه يـبـري عـلـتــك يـا الهــواوي *** يــومٍ غــيــره لـلـمـطـالـيـق عـلــه

وان كــنت للتـغـييـر عـازم وقـاوي *** علـيـك بالجـمـس المـجــرب محـلـه

يـقــرب ديـار البعــيـــد النـحــاوي *** لا افـتـر ويلـه كـل شيٍ حـصـل لـه

الضـلـع عنـده والطـمـان متسـاوي *** والجـو جــوه واصعب الـوقت حلـه

يـفــز فــزات العـطــيــب النــداوي *** يـا زيــن فــزاتــه ويــا زيــن دلــه

نعـم الخـوي للـي حـيـاتـه خـلاوي *** صـلفـات الاريـا بين وطــه وشـلـه

يبعـد عن الزحمه وصـوت القهـاوي *** وينصـى زبارٍ مقـدم الوســم علـه

وفـنجــال بـنٍ زاهــبٍ للشـفـــاوي *** انا اشهـد انها يا ابيض الوجه فلـه

والـوقت ما يرحــم ولا هـوب ياوي *** اغنـم كـثـيره قـبل ساعـات قـلـه

خــذ مـا تيسـر لك وخـل الهـقـاوي *** وان ما حصــل كله فلا يفوت جلـه

اقدم على الجمس الجديد السمـاوي *** وخـل الشـروكي لا تطــريه خـلـه

وجهت نظر والراي مقدي وغـاوي *** ولا هـوب لغـزٍ وانتظـر منـك حلـه

صح لسانك اخوي الشاعر الفهري


وبيض الله وجهك يا الغالي


ومشكور على هذا الاختيار الرائع


تحياتي لك ،،،

صح لسانك ولسان شاعرها يالشاعر الفهري ولاهنت على الاختيار
تحياتي

[size=5]يا جماعه انا اعتذر منكم انا جديد على عالم المنتديات والقصايد هذي لي وانا نزلتها في ها المنتدى قبل ما اقرى الشروط والظاهر من ردودكم ان القصايد اللي تنزل في هالمنتدى تكون منقوله فاعذروني على هالخطأ الغير مقصود وانا بحاول اني انزل الجديد في المكان المناسب انشاء الله .
وشكرا لكل من مر على مشاركاتي واتحفني برايه .[/size]

[color=#0000FF]
صح لسانك

وسلم بنانك

[color=#FF0000]الشاعر الفهري[/color]

على الرائعه

لاهنت

مع
اجمل المنى
شامل[/color]

صح لسانك يالفهري

قصيدة جزله من شاعر جزل

وحياك ربي

صح لسانك أخوي الشاعر الفهري
مع تحياتي