منتديات عتيبه - (( لو يقال مهايطيه وش يهز الجبال ))

مساء الخير ..

هـذي قصيـدة أهديها للناس اللي يقولون عن الكريم (( مهايطي ))

أو بالأصح (( مبذر )) وآتمنى تعجبكم ..

_____________________________________

مــثل ما لـلـمال فالــشــرع والسـنّه زكـاه
خلفــة الأجــواد يحـسـب زكــــاةٍ لــلــرجـــال

والــمـراجــل لــو لـهــا وجــه عـدونا جباه
أقلــط .. أقلــط يالـســنافــي على صفــر الدلال

وهــاك ردي لاعــدمتـك وأخذ فوقه وصاه
يــا نــديــبي يــوم جــتــني خرابيط(ن) تقـــال

الكـــرم لــولــه خـــلافــه غــديــنا له ولاه
دام لـــي ربـــعٍ يــــوصــــف كـرمها بالـخـبال

ماكــنزنــا الـمــال فقــران ونــدور غــناه
نـــكــســبه مــنّــا ومـنّــا .. وتشــرابــه جــــزال

وماجمـعــنا المــال من حـرص وإلا نقــص جاه
صـيتـنا مــعــروف من قــبـل تـسمــية الــريـــال

من زمـــان الــشـّح والــهــاجري جـزلٍ عــطاه
كـــم مــطــيه أخــلجـت مــن كــريـمـين الــســبال

والكــرم كــانه مــرض جعـــل مانلقــى دواه
ولــو يقـــال مـهـايــطــيّه ..وش يــهـــز الــجــبال

كــان هــذا عـيـبنا جعــل مــافيــنا ســـواه
أطــبخــوا ذي فمــرقـة ذي وزيــدوا بالهــبال

هــايطـــوا وإن عـيـّرونا مجـمـهـرة الحــكاه
بالكـــرم عـــزالله إنهـــا مــديحــه لــلــثقــال

الــكــرم يمـنى الفـضــيـلـه وحـنّا لـــه دعــاه
شــــاربــيــنٍ مــن قــــراحــه ومـروين الجمال

ورعنا لا من تغرب ســمـع الأقـصـــى نــباه
وإن رجــــع لــديــارنا صـار من جيــز الـرجال

ولا زهمته قالك : لبيه ماهوب هاه .. هـاه
ورفقــتــه عـند الـمطـاليــق تحـســب راس مـال

وفي القــبايل حقـــها كـل عـد(ن) فيه ماه
مــادح ربعـــي ولا أذم وافـيـن الــخـصـــال

وكل رجــلٍ دون وجهـه وماقــدم لـقـــاه
ويكـــرم إللي يشـرب الصفو ويكب الحثال

وقبل لانسى زبدة الهرج مافيها زكاه
واليمين يمين لو جادلوك أهل الشمال

وســـلامتكم

أخوكم
( الغيـــور )