ياغـبـيـش بن خـلـيــل
 

[poem=font="Simplified Arabic,5,black,bold,normal" bkcolor="transparent" bkimage="backgrounds/40.gif" border="none,4,gray" type=0 line=0 align=center use=ex num="0,black"]
ياغبيش ابن خليل سلم علـي عميـر = بلـغ سلامـي لبـن عمـي وقـلـه
المعـذرة لـو ماتفـيـد المعـاذيـر =عن موقفاً اكبـر مـن العـذر كلـه
ميـر الظـروف الطاريـه يامناعيـر=ماهـي علـي كيـف المخالـيـق لله
حركت من الافلاج حزت عشاءعصير=عقب العصر يوم الشجر مـال ظلـه
وقبل العشاء متعديـاً حوطـه سديـر=ورن جوالـي وبسـرعـه وشـلـه
(الو نعـم سـلام مسيـت بالخيـر ) =( ولياه صوتـاً جعلنـي فـدوه لـه)
قالت وهي فيها مـن الحـزن تاثيـر=خالـك منـوم فـي محـلاً ممـلـه
ولا انتبهت اللي وانا عاكس السيـر= كني اعمـى والا العقـل فيـه خلـه
هذا يعذرني مـن غبيـش واعميـر=اثـبـتـه وواثـقــه بـالاادلــه
سـلام ياراعـي النيـاق المغاتـيـر=اللي عشق لـه مركـزا و استحلـه
كانه على الجبهـه يقـود الطوابيـر=فـي نحـور حكـام وقومـاً مهـلـه
وحنـا اذا هبـت عجـاج ومعاصيـر=نجـي مـن اقصانـا برمـح وسلـه
كل ابلـج يونـس براسـه سعاطيـر=مـوت العزيـز ولا حيـاة المـذلـه
مثل السحاب اللـي قنوفـه مزابيـر=أمـا نعـقـد الحـبـل ولا نحـلـه
انورد الضامـي علـي جمـه البيـر=ونخلـي سـروج معـاوزات الاظلـه
(((ميقافنا واحد علي الشر والخير )))=(((يطلق علينـا دولـه مستقلـه)))
دوله مضيـم مسطريـن الاساطيـر=فـي معظـم التاريـخ دقـه وجلـه
مركاضنا يشبع بـه الذيـب والطيـر=وينصر بنا مـن حطنـا محزمـاً لـه
وليـا بطشنـا بالسيـوف البواتيـر=نبطش ولا نبطش علـي غيـر ملـه

للـشــاعــر/ ســلــطــان الــهـــاجـــــــــــري[/poem]

صح لساااااااااااانك يعطيك العافيه

صح لسانك يا ساااااااااااااااااااااري وشاكر لك حسن اختيارك

صح لسانك اخوي ساري

وصح لسان الشاعر الكبير سلطان الهاجري

وبيض الله وجهك يا الغالي

على هذا الاختيار الرائع

تحياتي لك ،،،،

صـح لسانك اخوي وصح لسان قايلها