الـطــيــب فـــــرصـــــه
 

[poem=font="Simplified Arabic,5,black,bold,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
الطيب فرصه والجمايل توافيق = ومن لا توفق ماكتب له جماله
ومن لارقى للطيب روس الشواهيق =مازان له وقته على مابداله
ومادام لفعول الجمايل عشاشيق = كسب الجمايل مايجي بالسهاله
ولو انها تشرب مع فكة الريق = كلن خذاله كل ما أصبح بياله
والطيب منوه للقلوب المشافيق = كلن يتوق ومنوته راس ماله
والمدح مايزهي على الرجل ويليق =الا لاصارت وافيات خصاله
يستاهله رجلن يفك المزانيق = اللي يقال ونعم لا جا مجاله
ومن ساقته نفسه وهو مابعد سيق = لأجل الجميل يزين الله فاله
والمرجله ماهي بتحتاج تنسيق = من بين قلب اللي عشقها وباله
ومن عادة الدنيا تخون المواثيق = تفتر مكرتها سوات المحاله
ولولا اللوازم ماعرفنا المخاليق = مانعرف الرجال لين انعناله
والكفؤ تظهر فزعته حزة الضيق = وينشاف في الشده بعين العداله
نسل الرجال متعبين الملاحيق = متوسطن من بين عمه وخاله
واللي يطيق ولابغى قال ما أطيق = تحرم عليه المرجله والشكاله
والهينه تكبر على اللاش والهيق = له في الرخا قاله وفي الضيق قاله
والطيب شاره والضماير صناديق = واللاش طيبه ما تعدى ظلاله
وأنا أسبر قلوب الرجال المغاليق = والصامت أقطع غايته من مقاله
ومادام في الدنيا رجال ومطاليق = نصيتهم واللاش مالي وماله

وســـــلامـــتـــكـــم[/poem]

وأنت سالم وغانم...


وتسلم على النقل الجزل...


وياليت تكتب إسم شاعرها...

الشاعر/سعد مناحي بن شفلوت...


حسب الرابط......[url=http://www.mshaheer.com/vb/showthread.php?t=2674]هنا[/url]

صح لسانك ياساري ولسان أبن شفلوت

قصيدة جزلة

تحيااااااتي


السيف الصقيل

تسلم يمينك ياساري وصح لسانك ولسان قايلها

لاهنت عالقصيده وصح لسانك

ساري صح لسانك على النقل وصح لسان شاعرها

ومن عادة الدنيا تخون المواثيـق .. تفتـر مكرتهـا سـوات المحالـه
ولولا اللوازم ماعرفنـا المخاليـق .. مانعـرف الرجـال ليـن انعنالـه

تحياتي

سلمت يمناك اخوي ساري وصح لسان شاعرها

صح لسانك اخوي ساري

وصح لسان شاعرها

وبيض الله وجهك يا الغالي

على هذا الاختيار الرائع

تحياتي لك ،،،،

صح لسانك والله يعطيك العافيه