خافـوا مـن الله لاتجيبـون طاريـه
 

[color=#FF0000][size=2][frame="7 80"]قالوا حبيبك يسمع الشعـر قلـت إيـه
يقـراه بعيونـي قـبـل تسمعـونـه

لولاه حتـى طـاري الشعـر مابيـه
ميراكتبه مـن شـان خاطـر عيونـه

هو روح شعـري وامنياتـه وماضيـه
جذع الشجر وش كان لـولا اغصونـه

اكتب لغيـره والقصايـد تجـي فيـه
كـن القصايـد حالـفـه ماتخـونـه

هـذاك لامنـه زعـل قمـت اهاديـه
حتى وهـو مخطـي تعـذرت دونـه

يمكن لوانـه يلمـس الجـرح بيديـه
يستغـرب ان اللـي لمسهـا طعونـه

ابطى وهو غايـب وزلـت حراويـه
وأنـا مـن العـام اتحـرى مزونـه

هومادرى انـي فـي غيابـه محاتيـه
ليتـه نشّدعـن حالـي اللـي يجونـه

وقلبـي اللـي تـوه افلـت عراويـه
كيف انسرق وضلوع صدري حصونه

عجـزت ارده كـن مانـي براعيـه
يوم انتثر شوقـه وهاضـت اشجونـه

يبسـن عروقـه لكـن اللـي يعزيـه
ان اكثـر العالـم تــردد لحـونـه

خافـوا مـن الله لاتجيبـون طاريـه
لاصـرت انـا موجـود لاتذكرونـه

لـو كـل غالـي جابـه الله لغالـيـه
ماشفت لـك مخلـوق تبكـي عيونـه [/frame][/size][/color]




[size=1]
شعر متعب التركي[/size]

صح لساااااااااااااااااانك يابرقاوي وقصيده رائعه

اخوي برقاوي

سلمت يمناك على النقل الرائع والجزل

وصح لسان الشاعر متعب التركي

صح لسانك يا برقاوي

وتشكر على حسن الاختيار

وصح لسان قالها

تقبل خالص تحيات وتقدير

ابو مطلق

صـح بدنك اخوي رمح عتيبة وتسلم على مرورك

سلم غاليك اخوي مخاوي نورت الصفحه بمرورك

صــح بدنك اخوي ابو مطلق وتسلم على المرور

صح لسانك اخوي عبدالرحمن النفيعي

وصح لسان الشاعر متعب التركي

وبيض الله وجهك يا الغالي

على هذا الاختيار الرائع

تحياتي لك ،،،،

صح لسانك والله يعطيك العافيه

تسلم ياخوي على النقل الرائع