قصيدة يا معذربين اهل القنص
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا معذربين اهل القنـص بالبهاذيـل=اخذو اهـروج الـي لقاكـم يعلـه
ان سهـل الله بالليالـي المقابـيـل=ديوانكـم مـا عـاد رجلـي تدلـه
باكـر لمنـه بـدل الجـو تبديـل=وجه الشمال والوثب بالكوس غلـه
لا قام من عقب البطا يزحف اليـل=علـى النهـار بساعتيـن ويسـلـه
عقـب التوبيـع وكلابيـن وسهيـل=لاصرت بظلال الضحى مـا تملـه
لا فارقن خضر جديـد المحاصيـل=لا شفت مقعاد العصر طـال ظلـه
هـذاك والله دورنـا يـا العواذيـل=يالـي طربكـم صورتـن بالمجلـه
انا طرب قلبـي هذيـك المداهيـل=لا صـارت الحـره علينـا مطلـه
غربي مهيل بيـن ذيـك الشخاليـل=وقت العبور وصيدهـا حـل حلـه
لا جيت من جليقم علوم ومراسيـل=وجابوا علوم الصيـد دقـه وجلـه
ثـم انتوينامـه ارجـال حلاحيـل=النفـس معهـم دايــم مسفهـلـه
كلـن جهـز مـوتـره التدابـيـل=يبي الـي لا راحـت عليهـم يتلـه
ربعن نشامـه بالمواقـف رجاجيـل=والا الـردي معنـا شحيـح محلـه
وقـت المغـذا كلبوهـم شواغيـل=محدن حسب خدمـه خويـه مذلـه
اكبرهـم لا دار ببيـض الفناجيـل=من خف روحـه بينهـم زان دلـه
منزالنا قاعـن عسـا فالـه السيـل=عقب الحروره وكـل روض يبلـه
عاقـن توسـع خاطـري بالتعاليـل=الشيح فيهـا مـا كـل الخـد كلـه
يا عاذلين القلـب والله مـا اشيـل=عديـت كـل نجومنـا المستحـلـه
راعي الولع من كثر ما يرغب سهيل=كنـه خليـل فاقـدن شـوف خلـه[/poem]




الشاعر حمد السعيد

صــح لسانك اخوي عبد الله وصح لسان قايلها وسلمت يمناك على النقل الرائع

صح لسانك ابوعابد وبيض الله وجهك على القصيدة
وصح لسان قائلها

صح لسانك اخوي عبد الله

وبيض الله وجهك على الاختيار المميز

تقبل خالص تحياتي

مشكور اخوي عبدالله على القصيد
وصح لسان قائلها

صح لسانك يابوعابد الله يعطيك العافيه

عبدالله الحافي

مشكور على النقل وصح لسانك ولسان شاعرها

تحياتي

أختيار طيب وجزل يالحافي

لاهنت وسلمت يالغالي

تحيااااتي

صح بدنكم وشاكر لكم تعليقكم

تنقل إلى قسم الشعر الشعبي


تحياتي