منتديات عتيبه - ستين عام وكل يوم بعدوان

[poem=font="Simplified Arabic,5,black,bold,normal" bkcolor="transparent" bkimage="backgrounds/14.gif" border="double,10,red" type=0 line=0 align=center use=ex num="0,black"]

هذه القصيده للشاعر الكبير/غويزي بن عريمط الاسعدي العتيبي
قالها تضامناً مع اخواننا المسلمين في لبنان بعد العدوان الغاشم من قبل الصهاينه خذلهم الله

صدري تضايق من حروف القوافـي=تزاحمت وانا مـع الخـط عجـلان
ماهو طرب لكن شايـف خـلافـي=واصبحت في ترتيب الابيات حيران
شفت الارامـل والثكـالا الضعافـي=هـذاه جوعانـا وهـذاك ضمـيـان
لازاد لامسكـن ولابــه لحـافـي=وشفت الدموع تسيل من فوق الاوجان
وشفت الجثث تسفي عليها السوافـي=وفالجو طياره وفـي الارض دخـان
ليـه التخـاذل والجفـاء والتجافـي=وين العرب ياناس عن شعب لبنـان
متى على الله يصبح الجـو صافـي=راح العـراق وقبلهـم راح الافغـان
واللي مضى للقـدس يانـاس كافـي=ستيـن عـام وكـل يـوم بعـدوان
وانفوسنا جاهـا ألاسـاء والجفافـي=هزايـم تلاحقـت طـول الازمـان
والله يعلم وش بقـي مـن خوافـي=بكره يبا يطلع لهم شخـص غلطـان
والـدور دائـر والظوامـي عيافـي=يأل العجـب ماباقـي شـي ماكـان
وين الرجال اهل السيوف الرهافـي=اللي لهم في صفحت المجـد عنـوان
اللـي فعايلهـم مـنـول تشـافـي=اللي لهم تاريـخ فـي كـل ميـدان
علـى الخيـول يقطعـون الفيافـي=ويبلغون الدين فـي كـل الاوطـان
قفـت بهـم غبرالسنيـن العجافـي=وحنـا بقينـا بعدهـم مالنـا شـأن
تفكيرنـا لبـس الثيـاب النظـافـي=ونروح يـم فـلان وفـلان وفـلان
ونقـول هيـن مابـه الاالعـوافـي=اهم حاجـة يصبـح البطـن مليـان
ويالله ياللـي عالـم كـل خـافـي=احفظ ملكنا واحفـظ اخـوه سلطـان
اللـي ليامـدوا يـمـدون وافــي=ماقصروا في نصرة الديـن شجعـان
زال انهـم حييـن مابـه خـلافـي=كل العرب في انظارهم ربع واخوان
وصلوا عدد من حج مكـة وطافـي=على النبي المصطفى نسـل عدنـان

ابو ولــيـــد الاسعدي[/poem]