مساجله شعريه/ بدون سابق معرفه بين الشاعرين
 

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]





الشاعر المحنشي ارسل هذه القصيده عبر احدى المنتديات
لمرضي القيفان دون ان يكون لي معه سابق معرفه يقول فيها

يالله ياللي لـك المخلـوق محتاجـي = يافارج الهم قاضـي الديـن والحاجـه
ياكاشـف الغـم للضيقـات فراجـي = الطف بعبدك ومـن بساعـة افراجـه
افرج لمن في فواده ضيق وازعاجـي = قامت لليالي زمانه ترسـل ازعاجـه
البارحه ساهرن جفني مـع اسراجـي = بس آتقلب وغيـري طافـي اسراجـه
لاجيت ابرقد لياكنـي علـى صاجـي = والنار من تحت جسمي تحرق الصاجه
آدوج مع همي الـي صـار دواجـي = في ظلمت الليـل انـا ويـاه دواجـه
اضحك لوقتي لعله يضحك احجاجـي = وآشوف وقتي قبالي عاقـد احجاجـه
آشوف جرحي واجيب لجرحي اعلاجي = وآشوف وقتي ولا ادري وشهو اعلاجه
صبرت حتى تسبب صبري احراجـي = وانا بعد صبـري اتسببـت بحراجـه
يقول منتـه علـى الايـام حجاجـي = ولى زمان الرخـى وانهـار حجاجـه
واقبل زمانن سـوات الليـم مواجـي = ياخذك مع من خذا في غبت امواجـه
عزي لحالي غدالـي الهـم منهاجـي = وعزي لمن صار طول الهم منهاجـه
يامرضي القاف جيتك بالـذي هاجـي = وسط الحشى كنـه النيـران وهاجـه
يومن مثلـك لبـس للمعرفـه تاجـي = واعي مجرب وتـاج المعرفـه تاجـه
انشد ظميرك يدلـك ويـن مخراجـي = عيا زمانـي يبيـن ويـن مخراجـه

وارسلت له بهذا الرد








الأخ المحنشي حياك الله واخذ الرد لاهنت
وأســـف عـلــى التقـصـيـر 0

عسَـرت قافـك وكملـتـه بالانتـاجـي = والشعر حرف ابجديه حدد انتاجه
انته لعُسـر القوافـي صـرت سهاجـي = وانا لعَسر القوافي صرت سهّاجه
سخرت قافي لسـان الشعـر كرباجـي = يوم ان قافك بعُسر اهداف كرباجه
بيـن المزون الثقيله برق لعّـاجـي = واحترت يوم ان برقه زاد لعّاجه
الحرف بالنظـم ناعـم تقل ديباجـي = لكنّ سم الحيايا وسط ديباجه
سـرالمعانـي طـواه الهـم روّاجــي = من حرف شعرك لقلبي صار مرواجه
والسر في وسـط بيـر وحـد بسياجـي = لوجيت ابا آصل لجمّه دونه سياجه
حديتنـي للقصـا وتـحـط مـزلاجـي = نصحك ونفعك وضعت اليوم مزلاجـه
والطيب ما حط في حق(ن) من العاجي =الطيب بين الرجال وعرفها عاجـه
والوبل دايم لسقيـا الارض ثجاجـي = وعبادةالله لدرب العـز ثجـاجـه
والعمـر لابـد فيـه دروب تنعاجـي = ميرالبلا من تعدل دربـه وعاجـه
والارض فيها دروب اطـوال وفجاجـي = وان ضاق بك دار دورواسع افجاجـه
والنوم لوهو لجفن العين ماساجـي = ما لوم جفنك لوان النوم ماساجـه
وان كان لك في سماالهاجوس معراجـي= الجـدي وسهيـل فكـري دوم معراجـه
مشاهد القصه الها انتاج واخراجـي = لو ماعسرت القوافـي جاكم اخراجـه


وســــلامــــتــــكـــــم




[/poet]