منتديات عتيبه - ((.. مختارات شعرية منوعة..))......(( ))

[align=center][poem=font="Arial,5,sienna,bold,normal" bkcolor="white" bkimage="" border="double,9,black" type=0 line=0 align=center use=ex num="0,black"]

((مشاري بن سلطان بن ربيعان))

"""""""""""""""""""""
ماني بهلباج على الوم نعاس = همه طعامه لين كرشه ملاها
لياضاق صدري جبت دلة ومحماس= دلال بيض غالي مشتراها
عده على اللي للمعادين نطاس = مودع سمان الهجن لثلع حفاها
وإلا على اللي يحتمي قحص الأفراس = ليا روحت خيل لخيل ن حماها
وإلا على اللي يثني العصب للراس= في كرمته عاش الضعافي نماها
وباقي العرب لو تقصره عنه لاباس= لطامة المجلس قليل حلاها

***********************************

((مدوخ العمى ))

"""""""""""
الكيف خله عند من يشترونه = المشكل اللي جابها من بلدها
ياحامسين الكيف لاتحقونه = حذرى عن الشعله تغير قندها
حتى يجيك أمحمر كن لونه =مجة جراده ظاهره من جسدها
صبه على اللي ربعته يدهولنه = له ربعة من راح منها حمدها
وصبه على اللي ربعته يتبعونه = مع دربه الخلفه اتضيع ولدها
وعده عن اللي واقف له بشونه = يمسي ويصبح عارف لك عددها
ماغير عنده طايرات عيونه = لاباع شاته يحتزم في ولدها

oooooooooooooo
ooooooooooo

((الحميدي فهاد الحربي ))
""""""""""""""""""
ياناقل البارود لاتذبح الذيب = ادخل على الله بالندب لاتروعه
لو أنت في رميك عطيب المضاريب= ارحم ضعيفا شملته راس كوعه
احشرته الدنيا بروس المصاعيب= في راس لولاح عسير اطلوعه
يازين صوته في طويل المراقيب= ولياعوى لجت محاني ضلوعه
ورزقه على الله ماملى البنك والجيب= عزيز نفس وراس ماله متوعه
والناس تذكر عامل الطيب بالطيب= وإلا الردي درب القصاء من طبوعه
ولا تامن الدنيا ترى غيبها غيب = أما رحلت السبت ولا ربوعه
يقولها عود ولع راسه الشيب = عود دنا شوفه وثقلت سموعه
ودنياك ماعمر بها نوح وشعيب = قبلان راحت به ومقبل تلوعه

"
"
"
"
"

((أتمنى أن تحوز على ذائقتكم الشعرية الرفيعة))[/poem][/align]