لحظة حبيبي قبل يسبقني النوم
 

0
0
[poem=font="Simplified Arabic,5,black,bold,normal" bkcolor="transparent" bkimage="backgrounds/13.gif" border="ridge,4,black" type=1 line=0 align=center use=ex num="0,black"]
افتح شبابيك الهـوى جيتـك اليـوم =
بحساس من زود الوله عده ايطيـر
0
جيتك مثل طفلن له ايـام محـروم =
عن حضن امـه بعدتـه المقاديـر
0
وجيتك مثل عودن له ايـام مهمـوم =
وده يلاقـي باخـر الوقـت تقديـر
0
وجيتك حضن عاشق وهايم ومغروم =
وده يضمك لين تصبح علـى خيـر
0
متى تحس ان الهوى شـي مقسـوم =
من قسمة الخالق على خلقه يصيـر
0
ومتى تحس اني لك اطيـح واقـوم =
واتعب على شانك واقدرك وآغيـر
0
لي في هواك احلام وامال وعلـوم =
واحزاب واصحاب وقصيد وجماهير
0
وهموم وافكار وهواجيـس وحلـوم =
وادروب واخطار وعذاب ومشاوير
0
وحب وغلا واخلاص ومعاند ولوم =
واحساس واللهام وشعور وتفاكيـر
0
وصحبة سهر ومقاطعة لـذة النـوم =
واشواق جياشـه وعشـق وتعابيـر
0
في ذمتك مابان لـك شـي مكتـوم =
من بعد ماصورت الاوضاع تصوير
0
لاتحسب انك شي عابـر ومعـدوم =
وتاريخ حبك فـاق كـل الاساطيـر
0
كنـي لقيتـك بأغنيـه لأم كلثـــوم=
كني قريتك فـي روايـة شكسبيـر
0
في كل شي اتخيلك واسمعـك دوم =
واتأملك في الوقت الأول ولآخيـر
0
من ماضي الأيـام لايومـك اليـوم =
وغلاك عندي ماحصل فيـه تغييـر
0
وانا لك الله مأقبـل البيـع والسـوم=
ولا ارضى علي ولاعليك المخاسير
0
لاْني الوحيد اللي على بحرك يعـوم =
واللي عرف مرساه في رحلة السير


لحظه حبيبي قبـل يسبقنـي النـوم =
بضم صدرك لين تصبح على خيـر [/poem]

شعر / [mark=CC0000]فارس الساير[/mark]

سلمت يمينك أخوي مخاوي النشامى على النقل الرائع وصــح لسان قايلها

تسلم يامخاوي النشامى على حسن الاختيار
تحياتي

تسلم يا مخاوي النشامى على النقل الرائع

تحياتي

اخوي برقاوي هواوي
سلم غاليك ولاهنت على المرور والرد

اخوي بن ثعلى
مشكووووور على التواجد والرد
تحيااااتي لك

افتخر إني عتيبي
سلمت يالغالي على التواجد والرد
لاعدمناك

الغالي


مخاوي النشامى


تسلم يمناك على نقل ماهو رائع وجزل...


وصح لسان شاعره.................؟


وعندي إستفسار عن قائلها من...؟



لأن القصيده سمعتها مراراً وتكرارا...! ودار جدال حول إسم شاعرها...

ياليت تخدمنا.....وتشرح م/الزين



ودمت ولاعدمناك....

اخوي ناص بن سعدي
صــــــــــــح بدنك ولاهنت على المرور والرد
قد سألتني قبل كذا عن قائل القصيدة
وتعلم اخي العزيز أغلب المنتديات تكون فيهاالقصائد مدونة بدون اسم قائلها
وحرصا مني على الطرح الجيد لم أستطيع معرفة قائل القصيدة
كتبت لك اسم المنتدى الذي وجدتها فيه وهذا مايفسر ماتسألت عنه وسبب
استفسارك!!!!!!!!!!!!!!!!!!!!!

صح لسانك اخوي مخاوي النشامى

وصح لسان الشاعر فارس الساير

وبيض الله وجهك يا الغالي

على هذا الاختيار

تحياتي لك ،،،،