بحر جدّه والمدينه
 

[size=4][frame="9 80"]
[poem=font="Simplified Arabic,6,white,bold,normal" bkcolor="transparent" bkimage="backgrounds/36.gif" border="double,10,blue" type=0 line=0 align=center use=ex num="0,black"]
جيت يسبقني ظلام الشـارع اللـي تسكنيـنه=قلت افاجئ غايتي واضمّها واكسـب رضاهـا
انتظرتـك تحـت شبّاكـك لعلّـك تفتحيـنـه=وانكشف نور الصباح ولاروت عيني ضماهـا
شفت بابك مـن غيابـك تشتكيلـي قفلتينـه=والبيوت اللي ملاها الحزن وش علمه ملاهـا
عانـك الله يالمشاعـر والفـؤاد الله يعيـنـه=سافرت نبض الغرام وخلّت حطامـي وراهـا
سافرت كل الغلا زهـر الريـاض وياسمينـه=واحرقت كل القلوب اللي تغـذّى مـن شذاهـا
هالني ذاك السكوت اللي حملنـي فـي يدينـه=واخنقتنـي عبـرةٍ قشـرا وسرّانـي عناهـا
انكسر خاطر فؤادي والعيون امسـت سجينـه=للدمـوع وكـلّ دمـعٍ هلّتـه عينـي فداهـا
قمت انادي مثل طفلٍ ضـاع يبغـى والدينـه=ضاقت اسوار البيوت وضاق بالدنيـا فضاهـا
رحت ازايم حسرتي والقلب يوجعنـي ونينـه=صرت بالدنيا وحيد وصاحبت روحـي شقاهـا
كلّ لحظات الزمن عندي تشابـه مـع سنينـه=والشفاه اللي تبي الفرحـة كساهـا ماكساهـا
والشقا وجهه عبوس وقـام يرفـع حاجبينـه=للّيالي والسعادة طـول عمـري فـي حراهـا
سافر الحزن وتمـادى واتّخـذ قلبـي سفينـه=والغياب امواج بحر وسبّـة الرحلـة هواهـا
احضنه طيفك واضمّه والمسه وامسح جبينـه=واسأله ياطيف ويش اللي على بعـدي حداهـا
بشّروا جـده واهـل جـده ومكـة والمدينـه=جتهـم اللـي ماذبحنـي فالحيـاة الاّ غلاهـا
جتهم احـلام القلـوب ودرّة العمـر الثمينـه=جتهم اللي كلّ شيٍ يسكـن احلامـي معاهـا
اكتأب وجه الرياض اللي من غيابـك حزينـه=صابها لون السواد وخيّـل الحـزن بسماهـا
ارجعي واخذي حياتي واخذي اللـي تاخذينـه=يكفي انواع العذاب النفـس جاهـا ماكفاهـا
ارجعـي لعيـون بنـدر طالبـك لاتذبحيـنـه=قبل تنهيه الهموم اللي لحـق نفسـي مداهـا
اتركي ذيـك الديـار وبحـر جـده والمدينـه=وارجعي لاجل الرياض اللي طغا الحزن بسماها [/poem]






الشاعرالمبدع المرحوم إن شاء الله/بندر بن مفرس بن ماجد السميري الروقي العتيبي

[/frame][/size]

صح لسانك اخوي ولسان قايلها

صح بدنك ياهواجيس برقاوي ولا هنت

صح لسانك اخوي محمد بن دغيم
ولسان الشاعر بندر السميري
الله يعطيك العافيه

صح بدنك يامخاوي النشامى
_____ _________ ___

ومشكور على المرور
____ ____ ___________

صح لسانك اخوي محمد بن دغيم


والله يرحم الشاعر بندر بن مفرس السميري



وبيض الله وجهك


على هذا الاختيار



تحياتي لك ،،،،

تسلم يمينك يامستشار المنتيات ورحم الله الشاعر بندر السميري فقد ابدع في هذه القصيدة
تحياتي

الشاعر القدير



محمدبن دغيم




الف شكر على نقل المفيد والجزل


وصح لسانك ولسان قايلها


وعسى الله يرحمه ويسكنه فسيح جناته


وتقبل تحيــــــــــــ مغليك ـــــــــــــــــــــــات

صح لسانك يا محمد ولسان من قالها

قلبت علينا المواجع وذكرتنا بلمدينه الله يهديك بس هههههه

بشّروا جـده واهـل جـده ومكـة والمدينـه
جتهـم اللـي ماذبحنـي فالحيـاة الاّ غلاهـا
جتهم احـلام القلـوب ودرّة العمـر الثمينـه
جتهم اللي كلّ شيٍ يسكـن احلامـي معاهـا
اكتأب وجه الرياض اللي من غيابـك حزينـه
صابها لون السواد وخيّـل الحـزن بسماهـا

سلمت يمينك أخوي محمد على النقل المميز والرائع وصح لسانك

ورحم الله قايلها