هزني شوقه
 

[poem=font="Simplified Arabic,5,white,normal,italic" bkcolor="white" bkimage="backgrounds/27.gif" border="ridge,5,black" type=1 line=0 align=center use=ex num="0,black"]
هزّني شوفه وأنا اللي هقيـت أنـي بعيـد=
واحسب أني لا تنحيّت عن دربـه سليـت
ما ضعفت إلا بشوفـه وأنـا قبلـه شديـد=
واحسب اني قد نسيته مع اللي قد نسيـت
حرّك اشـواقٍ قديمـه لهـا قلـبٍ عنيـد=
رجّع الماضي وأنا اللي عن الماضي غفيت
فيه علّقت المشاعـر وهـو قلبـه حديـد=
ابتـلاه الله بزينـه وأنـا فيـه ابتلـيـت
طفل لا يدرا عواطـف ولا يفهـم قصيـد=
لا ملـت عينـه عطايـا ولا بكّـاه بيـت
يوم مرّ بناظـري ضيّـع الـراي السديـد=
قمت أهوجس به وأنا اللي على فراقه قويت
من يقول مفارق اللي تبـي فرقـاه عيـد؟=
من يقول إن الجفا ريح والنسيان بيـت؟؟
كلما طابت جروحـي لفـى جـرحٍ جديـد=
وان بغيت انهض عزومي تعثرت وبكيـت
والله ان لي عـزّةٍ تجـري بـدم الوريـد=
ما أذكر أنـي للمقفيـن ناديـت وعديـت
كم طويت آمـال وآلام واستهونـت غيـد=
روّحن بايـام عمـري ولا كنّـي دريـت
كم طمست بعزّتي نور خـد ونـور جيـد=
ارتفع بعيون حسنا وايـلا طاحـت رقيـت
لكن اللي عجّـز الفكـر هالطفـل الوحيـد=
يسكن عيوني ولع كل مـا قلـت انتهيـت
إن بغيت وصال راح الوعـد منّـه وعيـد=
وان غفيت بليل فرقا على وجهه صحيـت
أحسب أن فرقاي ناره وقربي منـه عيـد=
وأثر ما مثلـه كرهنـي ولا مثلـه هويـت
أمس كان العلم فينـي يفيـد ومـا يفيـد=
وأمس لامن نبهّوني من الهرج استحيـت
لكن اليوم انتهـى العلـم والزايـد يزيـد=
دون ذاك الطفل ما والله أثني مـا نويـت [/poem]



منقووووووووول

مخـاوي النشامى..
تسلم على النقل الرائع..

وهالبيتين:

من يقول مفارق اللي تبي فرقاه عيد؟
من يقول إن الجفا ريح والنسيـان بيـت؟؟
======>
أحسب أن فرقاي ناره وقربي منه عيد
وأثر ما مثلـه كرهنـي ولا مثلـه هويـت

ذكرتني بيتين:

فرقاك عيــد ! أقصد لميلاد حزنـي
ولا تفرح العــذال في قولتي عـيــد
وفرقاك رمحـ(ن)وسط جوفي لكزني
يامن تشابه بالحلاء شــرد الصـيــد

وتحياتي لك يالنشمي..

صح لسانك اخوي مخاوي النشامى


وصح لسان شاعرها



وبيض الله وجهك يا الغالي


على هذا الاختيار الرائع


تحياتي لك ،،،،

تسلم يمينك أخوي مخاوي النشامى على نقل كل ما هو مميز

افتخر اني عتيبي
النــــــــــــايف
برقاوي هواوي
أشكركم على التواجد الرائع والمميزلكم مني كل التقدير
تحيااااااااتي لكم

صح لسانك ولسان قايلها

ويعطيك العافية

صح بدنك اخوي هواجس برقاوي
ولاهنت على المرور والرد

مشكور يامخاوي النشاما على اختيار هذه القصيدة الرائعه
تحياتي

صح لسانك اخوي مخاوي النشامى


وصح لسان شاعرها

أخوي


مخاوي النشاما



نقل رايع وإختيار موفق....



بس ماذكرت إسم صاحب القصيده...



وتقبلي تحياتي