ابن زويبن ورائــعه أخرى
 

[frame="7 80"][poem=font="Simplified Arabic,6,black,bold,normal" bkcolor="transparent" bkimage="backgrounds/33.gif" border="double,10,blue" type=2 line=0 align=center use=ex num="0,black"]


عدّيت فـي راس الطويـل المطلّـي=اللي يوصّف في دجى الليـل لونـه
عـن الرجـوم النايفـه مستقلـي=ترفا الحرار أوكارها فـي ركونـه
عيني على العالي وأحـب التعلّـي=والطيب عالـي والنشامـى يبونـه
وغنّيت يوم إن الغنـاء عـادةٍ لـي=اضبـط معاييـره وأخفّـف لحونـه
من خزنةٍ ماهيـب خزنـة مقلّـي=تاجر وعنـدي بالرمايـه مرونـه
أرمي ليا شفت الهـدف بيّـنٍ لـي=رمية ذريفٍ رميتـه مـن عيونـه
ليا خطر بالصيـد جـاب المجلّـي=عَـدْلٍ قطرهـا والنظـر مايخونـه
لي صاحبٍ غالي ولا أدري وش اللي=خـلاّه مـن يمّـي تغيّـر ظنونـه
ليـا عزمتـه مايشـرّف محـلـي=وليا بحثته فـي نقاشـه خشونـه
وأزريت من راع الغـوج والتغلّـي=أمّا أمدحـه وألاّ عطانـي متونـه
خلّـه يولـي .. والمولـي مولـي=ماينفع البائـق لـو إنـك تصونـه
مهف غـربٍ مارجـع يـوم دِلّـي=فـي راس حبـلٍ ذايبـاتٍ منونـه
عوّد يلولـح بالهـواء يـوم تِلّـي=والغرب بأقصى البير والجـم دونـه
ومهف طرشٍ عند الأجنـاب خِلّـي=متكانفينـه بأربعـيـن مْعَنـونـه
لقوه في وصـط المضامـي مفلـي=ماحال دونـه مـن يعقّـد ردونـه
مانـي مطيعـك يارفيـق التسلّـي=دوّر خروفٍ تسحبـه فـي قرونـه [/poem][/frame]


[align=center]الشاعرالكبير /عبدالله بن زويبن الحربي[/align]

محمد السميري صح لسانك ولسان قايلها وسلمت يمناك على النقل الرائع

صح لسانك يابوعمرولسان ابن زويبن

صحت ابدانكم يابرقاوي هواوي ويابو فهد

صح لسانك أخوي محمد
ولسان الشاعر عبد الله الحربي

صح بدنك يامخاوي النشامى

صح لسانك اخوي محمد بن دغيم


وصح لسان الشاعر عبدالله الحربي



وبيض الله وجهك يا الغالي


على هذا الاختيار الرائع


تحياتي لك ،،،،

صح بدنك اخوي النايف والله لا يهينك

الغالي

محمد بن دغيم


تسلم يمناك على النقل....الجزل...ياجزل


وصح لسان...إبن زويب الحربي....


وتقبل متابعتي المستمره...

أختيار جزل من جزل

صح لسانك يابن دغيم ولسان أبن زويب الحربي

دمت بخير