ارقى دَرَج والحظّ ينزل اصنصير!!
 

[size=3]كم من جبيناً كـل وقتـه تباشيـر
حظه يغنّي له على طـرق وَرقـا

وكم من وجيهاً حظها قاعة البيـر
لوهي وجيهاً في المواقيف عَرقـا

ارقى دَرَج والحظّ ينزل اصنصير!!
ينزل وانا من عادتـي لازم ارقـا

حظاً يعاكس خَطوتي وين ما اسير
لامن بغيت الغرب! ينحاز شرقـا

حظي بوقتي صار مثل الأعاصيـر
بينه وبين الزين مليـون فرقـا!

قصة عتيبياً جـرى لـه تعاسيـر
قلبه مـع الروقه,وعينـه لبرقـا

انا وحظي! سالفة راعـي الطيـر
ياطير إبن برمان فرقا وفررررقـا

طيراً من إكبار الطيور المشاهيـر
اللي لها بيـن المناعيـر طرقـا

غذاه إبن برمـان وإبكـل تبذيـر
طرحَة يِده ماجـاه نهبـاً وسرقـا

تعَب عليه ودبّـره خيـر تدبيـر
وسرَح بطيره يدرق الصيد درقـا

وهَدّه بغاه إيصيد ويجيب له خيـر
وعَوَّد عليه إبحيَّـة الغـار زرقـا

حيَّه وصار إلنابهـا فيـه تغزيـر
تدفق بسمّ ازرق بلغ كـل عِرقـا

وداخل وريده! صار للسمّ تأثيـر
سمّ ٍ زرَق في داخل القلب زرقـا

طيراً ذبح راعيه قصه وتصويـر!
إعروق ابن برمان بالسـم غرقـا

روَّح يصيد! وراح فيها! مقاديـر
مات وعليه إقلوب اهاليِـه حرقـا

وياحظ ياللي نـازل ٍ بالأصنصيـر
متى تزيـن, وتلتفتلـي, وترقـا؟



قصيدة للشاعر / عبدالرزاق بن مخلد الذيابي العتيبي[/size]

سلمت يمينك برقاوي هواوي
وصح لسان الشاعرعبد الرزاق الذيابي
الله يعطيك العافيه أخوي

صح لسانك يابرقاوي هواوي وصح لسان الشاعر الذيابي00

صح لسانك اخوي برقاوي هواوي


وصح لسان الشاعر الكبير عبدالرزاق بن مخلد الذيابي



وبيض الله وجهك يا الغالي



على هذا الاختيار الرائع


تحياتي لك ،،،،

الله يعافيك اخوي مخاوي النشامى وتسلم على المرور

اخوي بو شامه صــح بدنك ولا هنت على المرور

صــح بدنك اخوي النايف وجهك ابيض وتسلم على المرور

ابشر بالظفر ولا عليك من الحظ حنا اللي نزين الحظ ماهو بهو اللي يزينا ارق سنود يا بن برقا000
ويا ليت تعرف عن ابن برمان اللي في القصيده اللي غذا الطير وبكل تبذير؟؟
ويعطيك العافيه على اختيارك للقصيده الرائعه ويعطي الشاعر العافيه على هذا الابداع الجيد والجديد000

الله يعافيك اخوي طامي وتسلم على مرورك

بيض الله وجهك يابرقاوي هواوي على حسن الاختيار

وصح لسانك ولسان الشاعر المبدع/عبدالرزاق بن مخلد الذيابي