تزوج الأبــكار مادمت شبعــــــــان *** وأم العيال في بيتها والبزارين
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تزوج الأبكار مادمت شبعـان=وأم العيـال فـي بيتهـا والبزاريـن ياسامـع منـي نصيحـة وبرهان=لشبابهـا وشيبانهـا والبخيليـن خسران ياللي تجمع المال خسران=ماتنفعك دنيـاك والعمـر سبعيـن ولدك مرتاح بها وانت شقيان=عندك عجـوز وجامـع لـك ملاييـن تجي من اعمالك إلى البيت زهقان=,تبي قدوع وقهوة وشاهـي زيـن تطلب غداك من الفجر وانت جوعان=قطعة دجاج مثلج ورز بصحيـن زوجتك عجوز كالهزيلة من الضأن=تلج وتخاصم تقـل تطلبـك ديـن تشكي ضهرها والمفاصل وسيقان=والضغط والسكر مع منطق شيـن وعيال بنتك عندها تقل فيران=تخرب كما خرب سد مأرب شياطيـن تكسر فناجيل ودرايش وبيبان=صجة ولجة عنـد وجهـك وبزاريـن قم واستعذ بالله من كل شيطان=اظهر وخل البيـت وانـص الدياييـن تلقى سماط وكبسه ولحم خرفان=من رأس مالك يخصمونه من الديـن متع حياتك قبل يارثك قطعان=لاشاف جثمانك علـى القبـر بكفيـن يأخذ بناتك والمهر منه طفران=يتهنى بمالـك وأملاكـك والملاييـن ويفرش له فراشك وبيتك له اسكان=يتنعم بثروتك وحلالك يامسيكيـن تزوج الأبكار مادمت شبعـان=وأم العيـال فـي بيتهـا والبزاريـن اغنم وخذلك بنت بكر علـى شأن=تلقـى بساتيـن ثمرهـا فيتاميـن وكل مااقبلت تفز ولو انت تعبان=تعطف عليك وتهمزك بملس اليديـن رشف العسل بين الشفايا والأسنان=الله جعل فيها الشفـا للمصاخيـن ورص النهود وصك فتنة بفتنان=ينزل عطاس الرأس وصماخ الأذنين الذ من البارد على كبد عطشان=وأحلى من الوجبة بعد جوع يوميـن همهم وحبحب وارتعش تقل سكران=محروم من شوف البنات المزايين انسامهن عنبر ومسك وريحان=من جرب الأبكار عاف ام خمسيـن وإن جاء عجوزه نام عند ام عثمان=من ذاق لحم الريم عاف البعارين يرجع شبابك والمنولن كما كان=يـدق سلـف مايبـي دف بيديـن تمتع بدنياك حيـد العمـر فان=اكـرم عيالـك والرحـم والمساكيـن لابد من يوم تحزم بالأكفان=وتحط فـي قبـر علـى عمـق متريـن اموالك جمعتها بمساهمات وبنيان=وتراك مسئول عن الزين والشيـن ينعم بها الوارث بنات وصبيان=وعيال بنتك يـوم الأحـزان فرحيـن مالك سوى ماأكلت وأبليت وإحسان=على الفقير وطعت ربك على الدين وصلوا عدد ماعلت السحب وديان=على النبي اللي هدانا إلى الدين [/poem] |
صح السانك والسان الشاعر
قصيده رائعه يعطيك العافيه |
تـزوج الأبكـار مادمـت شبعـانوأم العيال فـي بيتهـا والبزاريـن
اغنم وخذلك بنت بكر علـى شـأنتلقـى بساتيـن ثمرهـا فيتامـيـن عينت الدراهم أخوي عبد الله الدراهم ولا الريجيل فيهم الخير إن شاء الله مشكوووووور أخوي على الروائع التي لاتأتي إلا من رائع |
صح لسانك اخوي عبدالله الحافي وقصيده جزله تحريضيه على ام العيال 0 ولكن في وقتنا هذا يالله واحده
وتخب على الاغلبيه00000 |
صح بدنكم وشاكر لكم مروركم
|
صح لسانك ولا هنت
عزالله انها تحكي عيشة شيبانا بضبط ولا هنت ويعطيك العافيه |
صح لسانك اخوي عبدالله الحافي
وصح لسان شاعرها وبيض الله وجهك يا الغالي على هذا الاختيار الرائع تحياتي لك ،،،، |
الله يعطيك العافيو وصح لسان قايلها ولا هنت على النقل
|
صح لسانك ولا هنت
ياويلك من الحريم بيحقدن عليك |
لا هنت يعطيك العافية
|
جميع الأوقات بتوقيت GMT. الساعة الآن 03:48 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها