انــا مهـبـول وجايـزلـي هـبـالـي
 

البيت المشهور لمسلط بن شعيفان ابو اثنين السبيعي . وهو اقرب خوي للوليد بن طلال الامير هو من قال له انت مهبول وليس الاخويااء اللي معهم .. قصة هذه الابيات هو انهم كاانوا مجتمعين فسأل الوليد بن طلال مسلط من اطيب جدك ولا جدي ومن المعروف ان سبيع لهم دور كبير في فتح الرياااض .. رد عليه بن شعيفان وقاال جدك ونعم فيه لكن مارساه على الحكم الا جداااني.. بعدهاا زعل الوليد وقاال انت مهبووول وضجره في الكلالام .. بعدهاا زعل مسلط وارسله هالابياات ومااكان من الوليد الا ان ارجعه مع مبلغ كبير من المااال .. وهذه هي القصه الحقيقيه...

وهذي الابياااات بالضبط :

[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
يا أمير أنـا عنـدك حشيـم وغالـي "" ولا احب انا شئ يمـس الكرامـه
نفسي تـروم المرجلـه والعوالـي "" هـذا هـدف نفسـي وهـذا مـرامـه
تاجرت في بـاب الشكالـه بمالـي "" بعت الرخامه وأشتريت القرامـه
انــا مهـبـول وجايـزلـي هـبـالـي "" هبال طيـب ولا صحـاوة رخامـه
هـذي تفاصيلـي وهـذي خصالـي "" يقول اللي مـا زهـف فـي كلامـه
أن جزت لك فأنا الرفيق الموالي "" وأن عفتني مسموح ومع السلامه
دور وتلـقـالـك رفــيــق بــدالــي "" وكـل يبـي رفقتـك تـرفـع مقـامـه [/poem]

اخوي العريدي مادام ابو ثنين خوي للوليد لاتبكيله0 ولكن كلامك فيه مبالغه عن رد ابو ثنين على الوليد

فمستحيل خوياء الامراء يردون على معازيبهم بهالكلام 0 وبعدين وش دور سبيع في فتح الرياض

رافقوا عبدالعزيز ثلاثة اشخاص منهم ولاتعلم وش المهمه المؤكله لهم 0 الدور في التحرير ل[عبدالعزيز]
وابن جلوي 0 علماً انهم لم يلقوا مقاومه شرسه من عجلان000

والله طال عمرك هاذي القصه الي وصلتني وحبيت اطرحها في المنتدي

انت ماقصرت يااخونا العريدي على النقل0 لكن شيئ يعقل وشيئ لا يعقل000

صحيح طال عمرك

اخي العريدي 11

مشكور على النقل

ومشكور يبو شامه على التوضيح

العفو اخوي فواز

اسعدني مرورك الكريم

مشكور يالعريدي على نقل هذه القصة والقصيده
تحياتي

العريدي 11

يعطيك العافية على النقل الرائع

و نعم بسبيع و جميع القبايل

تحياتي لك يا ابن العم

العريدي

صــح لسانك اخوي العريدي وصح لسان شاعرها وسلمت يمناك على النقل الرائع