قصه وقصيده
 

البجادي رجل بارع الرجوله وله عبد شجاع شهير بكرمه ومكانته لدى البجادي وله الصداره في استقبال الضيوف وتدبير الامور والاخذ والرد : فاضطر الجادي الى بيعه فباعه فحدثة فتنه تذكره البجادي وارسل له يستدعيه فاجابه بهاذه الابات:

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياعم ياللي سفرته للنضاعيد=ومن جاع في نجد تذكر متاعه
من عادكم ياعم لا عاده العيد=جعله يطوف ومخرفه في ذراعه
عبد الخطا باردى الثمن باعه السيد=ليته تغالى بالثمن يوم باعه
بيعة حصان هايت عقب ماقيد=ومن اول ما يعطي الخيل طاعه
سباق لاجناسه على صحصح البيد=مهوب اصيل مير اخذها ذراعه

[/poet] ــــــــــــــــــــــــــــــــــــــــــ
ويقال ان سبب بيعه ان البجادي اتهمه باحد محارمه ومما يؤيدذالك قول العبد:

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
كل نهار العيد بجح وبادي=على مظنة خاطره طيب الفال
وانا تكسر عبرتي في فوادي=ماكني الاواحد حط بحبال
سقوى سقى الله دار ربع البجادي=من مدلهم تالي الليل هطال
حيث ان به غرو حسين المقادي=راعي مفاتيل وطوق وخلخال
وقذيلة شقرا بوسطه تنادي=زهر الربيع الى انجلت عنه الاطلال
عصر الخمي سقيت زرع الفوادي=من مبسم راعيه ماهوب زعال
وشربت من ما عجمة ماترادي=واقمت به عامين ياطيب الفال
والحب لو شيبت ما هو بغادي=مودته ما هي بتمحى من البال
ياليتني وي مظنة فوادي=ماحولنا الا الصيد بالبر همال
ابرد غليل لاجي في فوادي=من ما ثمان كنهن ضيق الاثعال
شكواي لله ما اشتكي للعبادي=وهو الذي يشكى له السد والحال
واشكي على ابوها كمنه سنادي= ونعم الى ونيت من ضيقة البال
[/poet]
ــــــــــــــــــــــــــــــــــــــــــ

يقال ان هذه المراه التي علق بها وعلقت به قد قالت فيه هذه القصيده
بعد ان ابطا خبره عليها:

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
العبد ويش مريضه بالمسيري=كنه يتله واحد من مقفاه
عليه شققنا ثياب الحريري=كن الهراس بروس الاقدام ناطاه
يفوح من صدره سواة الذريري=عندي وكل له مع الناس مشهاه
له قذلة تشدي جناح الغويري=ونشهد انه علة القلب وادواه
يادبي ما مرك طوارف عشيري=على قنا وقني داجت رعاياه
اشوف رخه جتلد في نظيري=وعصيفره قامت تلوج المهباه
وواد الرمه من دمع عيني يحيري=وراعي الحليفه يسقي الزرع من ماه
[/poet]