منتديات عتيبه - اســـمحــيــلــــــــي

اخر الجديد اضعها في منتداي الغالي وآمل ان تنال استحسانكم
[url]http://www.alriyadh.com/2006/08/04/article176675.html[/url]
[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
سامحينـي لاتركتـك وانقطـعـت=ماقدر امشي في طريـقٍٍ مستحيـل
دام انا فـي نـار حبـك ماوقعـت=احسن احفظ عزتي وابـدا الرحيـل
دام في قربـي زهـدت ولا طمعـت=بوعدك لانساك يالطـرف الكحيـل
اتعـوذ مـن رموشـك لاركعـت=ومايخيـب اللـي تعـوذ بالجلـيـل
ياغصين البـان فينـي ماستمعـت=يوم انادي هيه يالرمـش الطويـل
تحسبني في بحـر حبـك طبعـت=لاحبيبـي ماسبـحـت الا قلـيـل
لووصلـت لقعـر حبـك مارجعـت=وان رجعت ابقى من افراقك عليـل
طحت في حبـك ولاكنـي طلعـت=وانت تحسبني بجي عنـدك عميـل
رح خلاص ارجوك من كذبك شبعت=لو تميل خصـرك الناحـل مميـل
طول عمـري للمحبـه ماخضعـت=ولاطردت الرمش والخصر النحيـل
ينقطـع قلبـي لزينـه ماتبـعـت=يوم اناظرله وانـا مسـوي ثقيـل
وانت من شفتك على طول اندفعـت=واشتعل في ضامـر مثـل الفتيـل
ماوسعت الصبر دونـك ماوسعـت=جيت كلي بالهـوى كانـي محيـل
فرصتي من يـوم ناديتـي سمعـت=قلت حاضر يوم انا شهـم اصيـل
جيت عجل ومن طرف كاسك جرعت=بس ياهو عـذب ياهـو سلسبيـل
غرك انـي بالقصايـد لـك رفعـت=يوم وادي حسنك بشعـري يسيـل
قمت تتدلـع وفـي دورك برعـت=بالدلـع والغنـج ماتلقـى مثـيـل
ياحلاتـك ياغلاتـك لـو اطـعـت=بس مال البيـض سـر ولا خليـل
بين مبدا العقل واحساسـي فرعـت=لجل وضعك جالهم عنـدي صهيـل
قال عقلي وش جرى كنك شمعـت=رد قلبـي قـال انـا كلـي غليـل
عن مدار الحب حتى لـو ورعـت=انجـذب لاشفـت نقـاض الجديـل
والله لتبطيـن وانــا مارجـعـت=وينتهي حبك علـى جـرفٍ مهيـل
دوري غيري يجيك اليـا امتنعـت=وقابليني كـان جبتـي لـي بديـل
اعتبرتك غصن يابـس وانخلعـت=عقب ماظنيـت فـي ظلـك مقيـل
اعتبرني نجـم فـي جـوك لمعـت=لاعتذرت وقلت انـا عابـر سبيـل
اعتذر لوكان فـي قـدرك وضعـت=ماقدر اتعب في هـواك بلاحصيـل
بس اببقى طول عمري ماستطعـت=اذكر البسمـات والوجـه الجميـل
اسمحيلـي عـاد اكـرر مابدعـت=ماقدر امشي في طريـقٍ مستحيـل [/poem]
عبدالله مرزوق المرشدي
نشرت بجريدة الرياض في يوم الجمعه 10 رجب 1427هـ