مجد العضياني وفيصل الرياحي يشهد له
 

بسم الله الرحمن الرحيم
السلام عليكم

هدية لموقع شبكة عتيبة
هذه محاورة بين الشاعر ماجد العضياني والشاعر فيصل الرياحي
كانت في قاعة المستشار في20/11/1426 حفل تخرج ابناء قبيلة عتيبة الطيارين الضباط
وبحضور الشاعر الكبير مستور العصيمي والشاعر زيد العضالة المطيري

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماجد العضياني:
مرحبا بسم الشيوخ اهل الشجاعة والحمية=
الزحول من الرجال الا طحاطيح الرجالي
اسم فيصل فالدفاتر بالحروف الابجدية=
فالدفاتر قبل اشوفه بالعمامه والعقالي

فيصل الرياحي:
البقاء لعتيبة الهيلا و الك مني تحية=
جيت اشارك ثم ابارك مع مطانيخ العيالي
لا لقيت اسمي ترا اسمي ماتحمله المطية=
مار ياماجد تجمعنا ولمتنا الليالي

ماجد العضياني
السحابة فالسماء واظن ماطرها بردية=
والرعود تحن والبراق في مزن الخيالي
والله انا يالرياحي ماندور للردية=
انتحرى الطيبة في سوقها لو كان غالي

فيصل الرياحي
السحابة لا تغيرها الرياح الموسمية=
جعلها تسق الجنوب وجعلها تسق الشمالي
انت ياماجد مزوح وشايفك تمزح علية=
مازح امطير اوعتيبة لاتمازحني لحالي

ماجد العضياني
انت عية مار ابا اقف لك ولو مانيب عية=
فالسهل والا يابن منصور في روس الجبالي
ان شعمت النار تلقى نارنا بالعز حية=
وان بغيت الكيف عان الكيف في صفر الدلالي

فيصل الرياحي
انت لهالحين في خارج نطاق الجاذبية=
لاتحط الحلو مر ولا تحط المر حالي
ما ابغي الا اطلعك فالمملكة والفيصلية=
يالعتيبي مابغا اعدك غير واحد من عيالي

ماجد العضياني
فالبنوك الداخلية والبنوك الخارجية=
للجنيه اصرف جنيه وللريال اصرف ريالي
لا نبي ولا انته بنايف وزير الداخلية=
ولا انت ابن غانم ذياب ولا انت ابو زيد الهلالي

فيصل الرياحي
صاحبي ياللي تعامل فالبنوك العالمية=
طيب الذمة يفكر فالحرام وفالحلالي
كل عام فيه عيد وكل عيد له ضحيه=
ياوزير الداخلية قول ماجد مايقالي

ماجد العضياني
فالبشر نفس فقيرة فالبشر نفس غنية=
واحمد الله يالرياحي مكسبي من راس مالي
موت قيس ابن الملوح حب ليلى العامرية=
بس ويش اتقول لن سار الرشا فوق المحالي

فيصل الرياحي
صاحبي ياللي تغني باللحون السامرية=
شد حيلك لين ترضي حضرت اصحاب المعالي[/poem]وانتهت هذه المحاورة بشهادة فيصل الرياحي مع انها اول مواجهه بينهما

اخي الدلبحي

مشكور على الاختيار الرائع

يعطيك العافيه ولاهنت

اخي الدلبحي

مشكور على الاختيار الرائع

يعطيك العافيه ولاهنت

فواز الشيباني

تواصلك يشرفني

تحيااااااااااااااااااااااااااااااااااااتي

الوليد العتيبي

تسلمن على زيارتك ولو انا اخذين في الخاطر عليك

وينك لك ايام

تحياااااااااااااااااااااااااااااااااااااااااتي

اخي الدلبحي

مشكور على الاختيار الرائع
تحياتي
أمير المنتدى

وليد الزراقي

تسلم على تواصلك الدائم

لاهنت

تحياااااااااااااااااااااااااااااااااااتي

محاوره جيده ومشكور يالدلبحي على اختيارها
تحياتي

بن ثعلي

الله يعافيك وتسلم روحك

مشكور على النقل الرائع لا هنت يا ابو حمود