يـا صغيّـر الانهـاد طـيـرت شـوعـي
 

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="none,4,gray" type=2 line=0 align=center use=ex num="0,black"]
لـولاك يـالـورع الصغـيـر الفـروعـي=
ما جيـت لـك مـن نجـع هلـي امتعنـي
يـا صغيّـر الانهـاد طـيـرت شـوعـي=
دايـم ورجـلـي يمـكـم مــا تـونـي
لـي هرجتـك لـو هـي قليلـه قنوعـي=
لـو كـان هرجـك يسلـب العقـل منـي
حبـك تخلخـل فـي مثانـي اضلـوعـي=
حتـى بنـوم الليـل مـا غـبـت عـنـي
وان غبـت عنـي يـا مليـح الطبـوعـي=
قـامـن دوالـيـب الـغـرام يـحـدنـي
فزيـت ثـم قامـت تمـاطـر ادمـوعـي=
مثـل الخـرز مـن رشـهـن يمطـرنـي
واقنب كمـا ذيـب عـوى عقـب جوعـي=
والـى عـوى معـه الضـلـوع يعـونـي
لا قـام يقنـب فـي طـويـل الفـروعـي=
لا شـاف مخـلـوق ولا شــاف جـنـي
ارض خلا مـا بـه مـن النـاس دوعـي=
الا الـفـجـوج الخـالـيـات يـهـونـي
الذيـب يقنـب مـا حصـل لـه متوعـي=
وأنـا بــلاي الـلـي بحـبـه محـنـي
راعـي جديـل فـوق ردفـه اشـروعـي=
ذيـل أشقـر شــاف السبـايـا تعـنـي
لا شافنـي زعـلان مـا عــاد يـوعـي=
ذولــي مقابـيـل وذولــي يـجـنـي
يقـول أنـا لـك شايـم مـن اربـوعـي=
واقـول مــا فــاد الحـكـا والتمـنـي
ما أنـت متهـي لـي لـو أحـب كوعـي=
دونــك حجاجـيـر تـحـن وتـونــي
الا يجيبـك مــن يجـيـب الرجـوعـي=
مخلـي الفيـاض الممحـلـه يخضـرنـي
أو يأمـر الله مــن يـقـود الجمـوعـي=
عبدالـعـزيـز الفيـصـلـي يمتـكـنـي[/poem]الشاعر الكبير : خلف الخس المطيري

اخي الدلبحي

بيض الله وجهك على الاختيار الرائع

وصح السان الشاعر خلف الخس

يعطيك العافيه ولاهنت

فواز الشيباني

وجهك ابيض وهلابك ياغالي

تحياااااااااااااااااااااااااااااااااااااتي

صح السانك والسان الشاعر

والله يعطيك العافيه

تحياتي

طويل الذراع

صح بدنك وهلابك يابن العم

تحياااااااااااااااااااااااااااااااااتي

بيض الله وجهك على الاختيار الرائع

تحياتي

مشكور اخوي الدلبحي

على هذا الاختيار

وصح لسان الشاعر خلف المطيري

تحياتي لك ،،،،