غلا المعيشه
 

اخواني وخواتي الله يسعد جميع اوقاتكم بكل خير

ابيات من ارشيفي عن غلا المعيشه قلتها قبل خمسة عشر سنه

ارجو ان يتم اطلاعكم عليها ودمتم سالمين





امـال فرقـــا العيــــن وش ذا الغرابيـــل ... اللــي علينـا حولت مــن سمــاها

غـلا المعيشـــه والسنيـــن المماحيـل ... دنيــا على المسـلـم كثيــر غثــــاها

وإن جاء المطر ينبت نباته سماليل ... مع الشـكاعي اللي تدق مــن وطـــاها

وعدت بنــــا ناسن تقـش المحاصيــل ... رفيــق وأعـوانـــه ولعنـــــة ثـــــواها

وشيوخ الفلوس أهل الثياب المسابيل ... اللي تكــوت نفـوسـها من خنــــــاها

ناســن من النعمـــه سوات الـدرافيـــل ... ماتحمـــد الله يـــوم ربــي عطــــاها

كثـــر الحسـد فيهـا مع القـــال والقيـــل ... وإبليس في اخرها ويركض عــــلاها

واللــه يكافينــــا شــــرور المهـــــابيـــــل ... ولايـواخذ الأمــه بفعـل أسفـهـاها

عبدالعزيز الحشيان


صح لسانك وبيض الله وجهك لامست الموضوع بكل صراحه ووضوح

صح السانك يابن حشيان ولا هنت ابيات
رائعة جدا

صح لسانك ابن حشيان

تقبل مروري

[quote=إبن ثعلي;1263615]صح السانك يابن حشيان ولا هنت ابيات
رائعة جدا[/quote]

ابن ثعلي



صح بدنك يالنشمي اسعدني مرورك الرائع

[quote=عهود;1263621]صح لسانك ابن حشيان

تقبل مروري[/quote]

عهود


صح بدنك يالشميه اسعدني مرورك الرائع

[quote=المغوار;1263612]عبدالعزيز الحشيان


صح لسانك وبيض الله وجهك لامست الموضوع بكل صراحه ووضوح[/quote]

المغوار


صح بدنك يالنشمي اسعدني مرورك والك الشكر