منتديات عتيبه - تكفى ترا تكفـى تهـز الرجاجيـل **ولولا صروف الوقت ما قلت تكفى

[color=#000000]للشاعر محمد الدحيمي الشهري ( [color=#FF0000]اخو تكفى [/color])[/color].
.
.
.

[color=#000000]علم العفا وعفاك .. يا وافي الكيـل **ببساطه أبشّرك .. في خيـر وعفـا
نكفي بعضنا ,, وانتكافا على الشيل **واللي تعب من الحطّ والشيـل يكفـا
من ذاق حرّ القايلـه يعشـق الليـل **ومن شبّ ضّوه ليلة البرد .. يدفـا
لاعاد ليلٍٍ نمت به في حرى سهيـل **وخايلت نوضٍٍ يخطف العين خطفـا
امسيت من جيل ٍ ولاهوب ذا جيـل **واصبحت ... والاّ ديرتي شبه منفا
كنّا على فـال الشحـم والمعاميـل **ونفوسنا انقى من نقى العدّ .. واصفا
وانا ولو راحت بقولـة : تساهيـل **صلف وصروف الوقت تحتاج صلفا
ياترج جدّاني .. زحول الرجاجيـل **يحرم فلا لي عنك ياتـرج .. مقفـا
إمّا لطمنا العيل .. والاّ الطم العيـل **مادام شبّ النار منـدوب الأطفـاء
خل ابرهه الأشرم على ذمّـة الفيـل **وانظر لشيٍ .... مايوصفّه وصفـا
ياذيـل والله ماتجـي راس ياذيـل **علمٍ ماهو يغبـى ولاهـوب يخفـا
واللي حمـا بيتـه بطيـرٍ ابابيـل **ماجيتـك ادوّر لمـن راح واقـفـا
ولا جيتك اطلب منك بن ٍ ولا هيـل **جيتك وجرح الظلم .. غاديه يشفـا
جيتك بكلمة .. كنّها صعقـة الويـل **إن قلت[color=#FF0000] تكفا [/color]... لا تهـاون [color=#FF0000]بتكفـا[/color]
[color=#FF0000]تكفا[/color] .. تراها كلمـةٍ تقطـم الحيـل **لا بالله الا تنسـف الحيـل نسـفـا
تكفا .. ماهـي لمعقبيـن الفناجيـل **[color=#FF0000]تكفا[/color] لصلف وعـادة القـرم صلفـا
[color=#FF0000]تكفا[/color] .. ترى تكفا لها هدرة السيـل **في صدر حرّ .. ينتف الطيب نتفـا
[color=#FF0000]تكفا[/color] .. ترى تكفا لها تسرج الخيـل **إن كان لك باالخيل سرج ٍ و عسفـا
[color=#FF0000]تكفا[/color] .. تبيّـن كـلّ لاشٍ وحلحيـل **تسمع لها بالصـدر هبـدٍ ورجفـا
[color=#FF0000]تكفا[/color] .. [color=#FF0000]وتكفـا[/color] ماتسـاق لمهابيـل **[color=#FF0000]تكفا[/color] .. تخلي القـرم لاشٍ وهطفـا
[color=#FF0000]تكفا[/color] .. تجنّبني هل القـال والقيـل **مانيب من ينكف علـى كـل ملفـا
[color=#FF0000]تكفا[/color] .. تراني من قـروم ٍ مشاكيـل **حمّايـة الساقـه .. بسيـفٍ وشلفـا
[color=#FF0000]تكفى[/color] ترا [color=#FF0000]تكفـى[/color] تهـز الرجاجيـل **ولولا صروف الوقت ما قلت [color=#FF0000]تكفى[/color]
ما قلت [color=#FF0000]تكفى[/color] غير من فترة الحيـل **وانته ولد من يفعل الطيـب [color=#FF0000]تكفـى[/color]
انخاك من كثـر العنـا والبهاذيـل **الفقر حطمني .. وانا ازريت [color=#FF0000]تكفـى[/color]
غديت مثل اللي برك ضامه الشيـل **تضحك بي ضعوف الرجاجيل [color=#FF0000]تكفى[/color]
يومٍ لك وقفه .. وجاه .. ومداخيـل **ما غنتني عن مثل شـرواك [color=#FF0000]تكفـى[/color]
افزع ترا وقتي غـدى كنـه الليـل **والعلم مـا يخفـاك يالقـرم [color=#FF0000]تكفـى[/color]
ما عاد بي شده ولا عاد بـي حيـل **ضدتني الايـام ... والقـلّ [color=#FF0000]تكفـى[/color]
اروح وارجع ما حصلي محاصيـل **والرجل بادت .. يا فتى الجود [color=#FF0000]تكفى[/color]
واليوم عندك يـا رفيـق المشاكيـل **العذر ما ينفـع وانـا قـول [color=#FF0000]تكفـى[/color]
حيثك من اهل الطيب واهل المفاعيل **يا زبن من جاله ومن قـال [color=#FF0000]تكفـى[/color]
الجيب فاضي .. واليالـي مقابيـل **عجزت اعيش مع الرجاجيل [color=#FF0000] تكفـى [/color]
والراتب المحدود .. يروح تحويـل **من الاداره .. لاهل الديـن [color=#FF0000] تكفـى [/color]
حتى عيالي ما قدرت الهـم الكيـل** والازمه لا جات .. صديت [color=#FF0000] تكفـى [/color]
ارجى الفرج والله يجيب التساهيـل ** واعيش في راحه مع النـاس [color=#FF0000]تكفـى[/color]
والله كريم .. يبـدل الحـال تبديـل **وما قلّ دلّ .. وصامل الهرج [color=#FF0000] تكفى [/color][/color]

[color=#FF0000]و سلامتــكـــم[/color]