ون ابن جدلان من لايعن لاعه
 

[size="6"][size="5"][b][center]


السلام عليكم ورحمة الله وبركاته

اليوم جايبلكم قصيدة الشاعر الكبير/ سعد بن جدلان الاكلبي
وهذه القصيده لعلها تنال الى اعجابكم



ون أبن جـدلان مـن لايـعٍ لاعـه...كن فـي كبـدي دوافيـر صناعـي
ألعب المنكـوس وأحـب روباعـه...مملٍ في الوقـت والوقـت خداعـي
مادريت أن ضحكة الوقـت خداعـه...شفت مدخالي ولاشفـت مطلاعـي
لابغيت أسـج والا انبصـط ساعـه...دق قلبي من وراء حدب الأضلاعـي
كم من بين الضلـوع آلـة طباعـة...تشتغـل لانمـت وأقـوم مرتاعـي
هـم قلبـي مايـفـرق تجمَـاعـه...غير جر الصوت والنـاس هجاعـي
فاقدٍ لـي سلعـةٍ وأكبـر أبضاعـه...سلعـةٍ تشـراء ولاهيـب تنباعـي
رفقة الطيـب ليـا غيـر أطباعـه...أشهد أنهـا كيـةٍ توجـع أوجاعـي
راكب إلي صممه صاحب أصناعـه...جمس بيك أب من حديثات الأنواعي
الغريب الـي جديـدٍ مـن أنواعـه...حوض رفرف مايبي شد وشراعـي
لا أنس البنزيـن عجـلٍ تفرقاعـه...مخطرٍ من سرعته يقلـع أقلاعـي
لاتحرك شفت في القـاع مشلاعـه...والتواير تظهر الماء مـن القاعـي
ينعش القلـب الحزيـن أبتهملاعـه...لامشـا قـام يتهملـع تهملاعـي
لاوطى الأرض العتش كن تهزَاعـه...بنت شيخٍ طامحٍ مـن ولـد راعـي
في رجاء الغايب تحَـرا لمرجاعـه...تنقد العشـاق وتطـق الأصباعـي
نفسها من جملة النـاس منصاعـه...ماتبـي إلا واحـدٍ ذكـره أيشاعـي
ينحر اللي يأخـذ الطيـب بذراعـه...الصديق الصافي الصامـل الواعـي
الوفاء والطيـب ساسـه ومنباعـه...يوم بعض الطيب تقليـد وصناعـي
لاوصلتوا فأخبروني عن أوضاعـه...وأخبروا راعي السمارا عن أوضاعي
أنشدو ويـش السبايـب بمهزاعـه...لاعلـي ناقـص ولا أبيـه فزَاعـي
ودَنـا نرضيـه ونحـاول أقناعـه...كان بن مهمل بعد يسمـع الداعـي
كـان يبغـا حـق للحـق قطَاعـه...نقعـة والحـق ماعنـه مجزاعـي
وكان مبغضٍ في الرياجيـل بتَاعـه...لايجـي ناقـد ويلحقنـي أرياعـي
لصَديـق نخلَـي النفـس خضَاعـه...مانوريـه الجـفـا والتمطَـاعـي
الصداقـة عندنـا ذخـر وطماعـه...صحبـةٍ ماهيـب صحبـة تمتاعـي
حد جدتهـا علـى البـرق لماعـه...وإن خذت يومين مفعولهـا ضاعـي
فإن تليمنا علـى العـز والطاعـه...وأن تفرقنـا فجـوج الله أوساعـي
ما أطرد المقفي ليا صفط أشراعـه...مخبـل اللـي للمقفيـن تبَـاعـي
من يحط أذنه علـى كـل سماعـه...جـاه فرقـاً مابعدهـا تجمَـاعـي
والزباد أختـام هرجـي ومطلاعـه...يدفعه من ريحة المسـك ذعذاعـي[/center][/b][/size][/size]

شكراً لك [color="red"]امون ولاهون[/color] على النقل الجزل ..

وصح لسان الشاعر الكبير / [color="red"]سعد بن جدلان[/color]


وبإنتظار المزيد من الروائع ..

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ون أبن جـدلان مـن لايـعٍ لاعـه=كن فـي كبـدي دوافيـر صناعـي[/poem]

جميل فعلت وصح لسان القائل والناقل وياهلااوغلاااا

[font=decotype naskh variants][size=6][color=#000000]صح لسآن ابن جدلان[/color][/size][/font]
[font=decotype naskh variants][size=6][color=#000000][/color][/size][/font]
[font=decotype naskh variants][size=6][color=#000000]ولاهنت أخوي ع النقل[/color][/size][/font]
[font=decotype naskh variants][size=6][color=#000000][/color][/size][/font]
[font=decotype naskh variants][size=6][color=#000000]تحيآتي لك[/color][/size][/font]