الرياحي والاماره والشعر
[frame="7 80"]
[center]قصيده رثائيه في فقيد الشعر وقبيلة البقوم الشاعر الكبير/فيصل بن منصور الرياحي الله يرحمه ويسكنه فسيح جناته[/center] [poem=font="simplified arabic,5,black,bold,normal" bkcolor="transparent" bkimage="backgrounds/17.gif" border="double,10,crimson" type=0 line=0 align=center use=ex num="0,black""] الله يادنيا العنا اللي تفرحين وتحزنين=وتبدلين اجواء السعاده بالهموم وبالكدر تبكين ناسٍ قبل ساعه وانتي لهم تضحكين=وتغيّرين حبال وصلك بعد وصلك بالهجر وتقربين اللي بعيد وتبعدين وتقربين=فيك التناقض والعجايب والغرايب والفكر فيك المنايا للبرايا اللي تروع الغافلين=تشتت جموع الخلائق سبق لمحات البصر الخلق زرعٍ للفنا ويدوم رب العالمين=عساه يهدينا ويرحم ضعفنا يوم الحشر والعيش عيش الآخره والموت في حبل الوتين=مادامت الدنيا لأحد ولاصفى لأحدٍ دهر وين الملوك اللي على عرش الممالك جالسين=الانبياء والرسل زاكين المناهج والسّيَر راحوا وحنّا مع طريق اللي تقدم لاحقين=هاذي حياةٍ ذاهبه ماتبقي احد ولا تذر وين الريـاحي فارس الميدان شيخ الفاضلين=راع الشجاعه والبراعه والامـاره والشعر امسى بقبرٍ فيه ماله لاونيس ولاقرين=إلاّ جميل اعماله اللي يشهدون إبها البشر فقده علينا يوم ودّع فوق وصف الواصفين=ياصعب فرقى فيصل الوافي وياشين الخبر بدراً تجلّى ثم توارى عن عيون الناظرين=كذلك الدنيا تدور وينتهي عمر البدر انا اشهد أنه كان بدر وقدوةٍ للمقتدين=وانا اشهد إنه للخصوم اصلب ضلوع من الحجر يلين في وقت اللزوم وفالقساوه مايلين=قاسٍ على القاسين قلبه من فلاذ ومن صخر راع الدروب الناصعات الي على تقوى ودين=وجهه من الايمان نوره مثل وهّاج القمر ماغرّته شهره ولا غطرس مع المتغطرسين=متواضعٍ لله ومع درب التكبر ماحدر رجل المرؤات الجسام وصاحب العقل الرزين=غير الكرم فيه الشجاعه والحميّا والسطر الله يسقي قبر فيصل كل وقت وكل حين=ولاسقى الله مفرق الخرمه ولا الحزم الحمر ولاسقى الله يوم هاك السبت والصبح الحزين=في مبتدأ العام الجديد وسادس ايام الشهر الله يبيحك يالرياحي ياعشير الغانمين=ياللي سكنت قلوبنا قدّام سكناك القبر لك فالقلوب بيوت معموره ولك شوق وحنين=ماغبت من وسط الضمائر لو تغيب عن النظر ميّت وحيٍّ فالقلوب وبعض الاحياء ميّتين=رفعت لك من بعد موتك مع هل الطاله ذكر من خيرة الحيين قبل ومن خيار الراحلين=من لارثاك ولابكاك اخطأ ولا آجد له عذر اسمك مثبّت يالرياحي في سجل الطيّبين=ياراعي النوماس قاس الرأس ينبوع الظفر حياتك تسر الصديق وموتك ابكى الحاسدين=حياتك وموتك ملئه بالدروس وبالعبر يامحيي امجاد البقوم مطوّعين العايلين=العزوه اللي تفتخر بك وانت يافيصل فخر فقيد وازع والمحاميد البقوم الاكرمين=اللاّبه اللي مايهابون المنايا والخطر اللي ليا عدّوا هل الطاله يجون الاولين=قومٍ يهدّون الصعاب وللعدأ علّة نحر والنعم بسهوم المنايا فألقديم وهالحين=امجادهم في معجم التاريخ مسطوره سطر بسم عتيبه يالبقوم انقل تعازينا اجمعين=في فيصل اللي غيّبه عنا قضى الله والقدر وانتم وحنّا كلنا على الفقيد محزنين=لكن نوصيكم بتقوى الله ونوصي بالصبر واخص بدر بتعزيه واخوان بدر الفالحين=الله يجبر قلب بدر وكل من يغلي بدر يابدر ابوك ان غاب راسه حاضر مع الحاضرين=غاب الجسد لكن ماغابت فعوله والاثر تسلّحوا بالصبر والمولى لنا ولكم يعين=والصبر فيه الخير كلّه والمثوبه والاجر وابوك حيٍّ فالقلوب وبعض الاحياء ميّتين=وابوك وسط قلوبنا لو أن جسمه فالقبر [/poem] [center]محمد بن دغيم السميري[/center] [center]الشاعرالكبير زيد بن راجح البقمي{المنتظر} يرد علي مرثية الشاعر/ محمد بن دغيم السميري العتيبي في الشاعرالكبير/ فيصل بن منصورالرياحي ويشكر جميع المؤاسين في وفاة الشاعر فيصل الرياحي يرحمه الله [/center] [poem=font="simplified arabic,5,black,bold,normal" bkcolor="transparent" bkimage="backgrounds/17.gif" border="double,10,crimson" type=0 line=0 align=center use=ex num="0,black""] يامحلا يامحمد بن دغيم القــول الثــمــيــن =مشاعرٍ سطرتها وأرسلتها مثــل الــــــدرر تنقل عزا الهيلا هل الفزعة كـعام المــعــتدين=أهل المناخات الكبار اللي مثل موج البحــر في فيصل اللي مسكنه في كل قلب وكل عــيــن= فقيد سكان الجزيرة من شيوخ ومن جبــــر المملكة وأهل اليمن وأهل الكـويت مشـاركـين =وعمان والبحرين والسبع الإمارات وقطــــر الله يبيحه والله إن القـلــب لـفـراقــه حزيـن=والمرجله والطيب وأهل الشعر لاحقهم ضرر نجمٍ تعلي في سماء الإبــداع فــوق الفرقديــــن=والطيب اخذ واكتال منه بدون عد ولاحصر سيفٍ ليا جاء لازمه حطه علي الجنب اليميــن=ذراً عن الاّهوب وحزاماً يشد بــه الظــهــر لعل قبرٍ حط به فيصل يساقيــه الغــشــيــــن =ينثرعليه من المزون المردمه صبح وعــصــر عزا لله إن الجرح مهما قلت في قلبي مكيــــن =لاوالله الا صار له في القلب يامحمد مــقــــر حنا بشر وقلوبــنا يــاصاحبي بين اصبعيــــن=الله يثبتنا وحــنـــا نعرف الدينــا مــمــــر لكن فقدان الشجاع وهدت الحصن الحـصيـــن=مأقول عنها الا انها في الواقع اكبر من كســـر دنياك ماتصفي لحد مابين زين وبين شــيـــن=تفاجي الغافل عن اسباب المنايا وتــغــــــدر براقةٍ دراقةٍ يخدع بــهــا حتي الــذهـيــــن=ايامها واحداثها من طبعها مـــد وجــــــزر يعرف مكايدها الخطـيره صاحب القلب الفطين=لوكان ماينفع من اسباب المقاديـــر الحـــــذر واخير مافيها مثل ماقــال تركي ركعتــيـــن=لاكبر نوم اللي يعشق النوم في وقت السحـــر شكراً من الأعماق لشعور الجميع مقــدرين=اللي بعث برسالته والمتــصـل والــلي حــضــــــر واللي يشاركنا مشاعرنــا نمــد له اليديـــــن=ونفتح له قلوب الوفاء ونمد له منهــا جــسر والواقع إن هذا التلاحم من صفـات المسلـمـيـن=جميعنا مثل الجسد اليا اشتكي عضو ســهـر علي جميع أرجاء الوطن شفنا الجميع موازرين=في الواقع الملموس والا مانــقــل عبــر الصور يامافقدنا قبل فيصل والقـــبايل فـــاقـــديــن=ولسان حال اهل الفكر ماطال من عــودٍ قصر يارب ثبتنا علي نهج الهداة المهــتـــديــــن =الصابرين الحامدين أمثال ابوبكر وعـــمــــر لعلنا نمشي علي سيرة سلفنا الصــالحيــــن=اللي لهم في قلوبنا حشمه وتبجـــيــل وقـــدر وانك تعين أبناء الفقيد ومن يحبه يامعيــن=وعن كل سياته علي الدنيا تجاوز وتــغــفــــر واعود لعتيبه هل الموقف خيار الخــيريــن=اللي مواقفهم مع أهل الطيب دايم في الصـــــدر لطامة العايل عمي عينه مقدمة السمــيـــن=الضيف في حللهم يرحب بـه تراحيب المطــــر انــتم وحــنا بينا جيره علي مر السنـيـــن=ومن اشركانا في العوايـــد وحــددانا في الديـــر برقا وروق أهل الشوايــع والفعول المذهلين=سواقة العطفه هل النخوه عــشــا شيــق النــصـــر المتعبين الموجعين المشبعين الغـــارمـيــــن =نوٍ ليا نــاضــت بــروقـــة هل و بــلــه وانهـمـر صداقة الوافي و وقفاته مــع الشـــده تبيــن=واليا زرعــة الطيب في أهل الطيب يظهر له بــذر ياقف مواقيف الشجاع اللي تسر الناظريـن=والحق يــنطــق كلــمــته في سـر والا في جــــهـر وانتم عتيبه لومدحنا فوق مــدح المادحيــن=قومٍ علي كسب المعالي تدفع الانفــس مهـــــــــر في الجيره وفي الخوه وفي المعرفه متمـيــزين =والطيب يجري في دماكم مثل جـريـــان الــنهــــر كانت مشاعركم تواسينا وكنتم حاضريــــن=بحساسكم وشعوركم يأهل الــوفاء كــل شــعـــــر واهل الوطن علي اختلاف أطيافهم متضامنين=هاذي عوايــد مجـتمــعــنا كلهـم بدو وحـضــــر لعلهم من مكر الأيام وخــطـرها ســالـمـين =والله يحمي مملــكــتنا وأهلها مـن كــل شــــــــر باسم البقوم اللي علي رد الجمايل سابقين=شكراً لكم مليون والمــلــيــون مايــكــفي شــكـــــر [/poem] [center]الشاعر زيد بن راجح البقمي{المنتظر}[/center] [/frame] |
[color=#000000][size=4]حجــز لـ القراءه ..
والله يرحم الشاعر الكبير/ [color=#FF0000]فيصل الرياحي[/color] ويسكنه فسيح جناته ولي عــوده ..[/size][/color] |
[color=#000000][size=4]شاعرنا الرائع
[color=#FF0000]محمد بن دغيم ..[/color] صح لسانك ولله درك .. قصيده مؤثره وعصماء في فقيد يستحق الرثاء ..وينتظر دعائكم ..الخالص .. الله يرحمه ويسكنه فسيح جناته .. والله يتجاوز عنه .. ودمت بخيــر إخــوي [color=#FF0000]أبو عمــر[/color] ..[/size][/color] |
صح السانك يابن دغيم والله يرحم الرياحي بصراحه مرثيه رائعه
وتحياتي لك |
شاعرناالكبير محمد بن دغيم السميري صح لسانك مليار وبيض الله وجهك على هذه المرثية العصماء في شاعر ٍ له مكانه في قلوبنا رحمه الله رحمه واسع واسكنه فسيح جناته
تحياتي لك يابو عمر |
مديرنا القدير
ناصر بن سعدي حجزك مؤكد وننتظر عودتك |
[color=#990000][size=7][font=Comic Sans MS]وفيت وكفيت
عصماء ويستاهلون البقوم والرياحي رحمه الله تقديري لك ياشاعرنا الكبير[/font][/size][/color] |
الله يرحم فيصل وامواتنا واموات المسلمين اجمعين
|
بيض الله وجهك يابن دغيم
وصح لسانك على القصيدة الجميلة رحم الله فيصل الرياحي |
[center] مشكور يا اخي على البرنامج الرائع وللامام دلئما [/center]
|
جميع الأوقات بتوقيت GMT. الساعة الآن 12:21 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها