قصيدة مدح بالعميد فيحان ناصر الحافي
[poem=font="Simplified Arabic,5,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
بديت بسمك يا ولي المقادير = بأمرك يسير الكون يا عالي الشان بيوت مختاره من الشعر تعبير = إخترت من قيفانها غالي الأثمان صدر قرار النقل ما فيه تأخير = ثقه من القاده بعلمٍ وبرهان حان الوداع ولا تفيد التفاكير = دنيا تفرق بين ربع وخلان مبروك ياللي للعلا دايم تسير = حرٍ شهر في طلعته صيده سمان نرجي لك التوفيق والعز والخير = من واحدٍ يعلم بكونه وما كان قرار نقلك كدّر الناس تكدير = كلٍ على خوتك حرصٍ وشفقان سنين في ينبع لها جار ومجير = شجاع في الموقف وللعدل ميزان بأحداثها سطّر لك المجد تسطير = قايد حكيم حايزٍ كل نيشان برجال في اللازم سيوفٍ بواتير = كلٍ يسوق الروح دون الأوطان الفعل واضح ما يبى زود تفسير = كلٍ يشوف الفعل بالضدّ قد بان فزتوا بها بالطيب عزٍ وتقدير = وسام فوق الصدر في كل الأزمان نعمٍ بأبو فيصل تردد بتكرير = حاضر وغايب نعم تقرن بفيحان فيحان بن ناصر زبون المخاسير = متسلسلٍ طيبه وجدّه جعيلان دون الخوي ياقف كما سالم الزير = يردّ حقه كاملٍ دون نقصان ذرى الخوي عن بردها والمعاصير = مثل المحامي يشرق الخصم ما لان كتيبةٍ نالت تفوق وتطوير = حرص وتوجيه مع إخلاص وإتقان تضرب بها الأمثال قدم الطوابير = بالعلم والتنظيم ورجال شجعان من غير قاصر بالرجال المشاهير = أهل الوفاء والطيب في كل ميدان أرجو السموحة كان بالقيل تقصير = ما أوفى قصيدي مدح ذربين الأيمان وصلوا على اللي دمّر الكفر تدمير = محمد المختار من نسل عدنان [/poem] الشاعر/ فواد بن سعد بن خرصان الحافي منقووولة المعذرة اذا كانت هذه القصيدة سبق وان انزلت في هذا المنتدى لكن ابو فيصل يستاهل تكرار نقلها |
بيض الله وجهك يالجعفري على هذا النقل المميز
|
مشكور اخوي ابو فهد على مرورك العطر
|
صح الله لسان الشاعر وبيض الله وجهك
ويستاهل بن جعيلان |
يعطيك الف عافيه على النقل
|
جميع الأوقات بتوقيت GMT. الساعة الآن 08:05 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها