منتديات عتيبه - رساله من بدوي وحضري

وقعت يدي على رسالتان.
الاولى:(رساله من بدوي)للشاعر الامير بدر بن عبد المحسن.
الثانيه:(رساله من حضري)للشاعر جمال الساير.
فوددت أن يطلع على هاتين القصيدتين أعضاء المنتدى والزوار الكرام
فيستلهم القارىء في خياله معانبيه الخاصه وتصوراته الشخصيه, ولنبدأ بقصيدة البدر
يا بنت أنا للشمس في جلدي احروق
وعلى سموم القيض أن اطوي عباتي
أطرد سراب اللال في مرتع النوق
ومن الظما يجرح الساني لهاتي
عاري جسد..والليل هتان وبروق
رعشة شمال البرد تسكن اشفاتي
لاجا الربيع أنبت خزاما ورقروق
وكأنه دهر تيبس فيافي حياتي
ان عذربوني بعض خلانك اصدوق
يا بنت أنا عشق الخلا من صفاتي
أنا بدوي ثوبي على المتن مشقوق
ومثل الجبال السمر صبري ثباتي
ومثل النخيل أخلقت أنا وهامتي فوق
ما أعتدت أنا أحني قامتي إلافصلاتي
إلى افتخر بفعال يمناه مخلوق
يا بنت أنا فعلي اشهوده أعداتي
الله جعلني وكلمة الحق بفوق
وملكت الارض..وراس مالي عصاتي
[align=center]ثم أقرأوا معي قصيدة جمال الساير[/align]
يا بنت أنا للبحر في خافقي شوق
ومن السفر والغوص هذي صفاتي
أتبع نجوم الليل وسط السما فوق
وتاقف على حد المنيه حياتي
في غبة وسط البحر عيشتي بوق
والملح كنه في لساني حلاتي
إن كان طعتي بي..مطاييش وطفوق
ولاسمعتي ما حكوا بي وشاتي
أنا حضري بيتي من الطين ملصوق
ولاهمني سيل المطر من رهاتي
ما دام لي بين المخاليق معشوق
لاجله أنا حملت كفي وفاتي
أكتب عليه من الشعر كل طاروق
واللي يجي كله على مشتهاتي
وإن كان يجهلني أنا اليوم مخلوق
منكي أنا..ماظن هذي جزاتي
ولو كان لي يم البحر دم وعروق
تاج البداوه فوق راسي..غناتي

(وسلااااااااااامتكم)