قصيدة رائعة لشاعر الحكمة رشيد الزلامي
 

[align=center]هذه قصيدة رائعة جداً للشاعر رشيد الزلامي أرجوا أن تنال إعجابكم [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الوقـت يامقـسـى عـنـاه وعـذابـه "
" حطـاب ليـل ولـه معاويـن وفـزوع

احد (ن) منـه يمكـن يعالـج صوابـه "
" واحد (ن) يموت بعلته مـوت جربـوع

يروح مثـل مقـاط محـد (ن) درابـه "
" لاحبـل يرقـى ولاصـوت مسـمـوع

بغـى يجيـب رشـاه ورشـاه جـابـه "
" مـن عالـي الشفـه على ضربـه الـكـوع

هـذاه مقـاط اللـى ارشـاه التـوابـه "
" واصبح مثل للناس فـي كـل موضـوع

قصـه مـقـاط وقصـتـى ماتشـابـه "
" اسباب وقـت وكـل قصـه لهـا نـوع

مقـاط صفـى فـي زمانـه حسـابـه "
" وانا بلشت في وقـت طامـع ومطمـوع

كم واحـد (ن) وقـت اللـزوم تهقابـه "
" واليـا نصيتـه غيـر الطبـع بطبـوع

والصاحب اللى صحبتـه ضحـك نابـه "
" يبينى ابقى لـه علـى الـدوم مـزروع

ان شـاف وجهـي قـال يامرحبـابـه "
" وان غبت ينسانى علـى راس الاسبـوع

واليـا نسانـى منهـو حظـره جنابـه "
" انسـاه واجعـل دونـه الخـط مقطـوع

وعيب (ن) عليـه كـان طقيـت بابـه "
" لونى امسي بالخـلا ميـت (ن) جـوع

من خلـقـه الدنـيـا تـجـوع الذيـابـه "
" بس المهـم تعيـش والـراس مرفـوع

وتكسـب بعـز النفـس قـدر ورحابـه "
" وتمشى على خط (ن) سليم (ن) ومشروع[/poem]


للشاعر / رشيد الزلامي

صــح لسانك اخوي ابو غازي وصـح لسان قايلها وبيض الله وجهك على النقل الرائع

صح لسانك يا ابو غازي ومشكور على النقل الرائع واسمحلنا نسقت القصيده بهذا الشكل المتواضع

شكراً أخوي برقاوي هواوي وأخوي عبدالله الحافي على هذا المرور

أبو غازي
سلمت يمناك على نقل الجزل من القصائد
وصح لسانك ولسان قائلها رشيد الزلامي

تسلم يابو غازي على اتحافنا بهذه القصيدة الرائعه للشاعر رشيد الرزلامي
تحياتي

أبوغازي

تسلم على الاختيار الجيد ويعطيك العافيه.

وعيـب (ن) عليـه كـان طقيـت بابـه "
" لونى امسـي بالخـلا ميـت (ن) جـوع
مـن خلقـه الدنيـا تـجـوع الذيـابـه "
" بس المهـم تعيـش والـراس مرفـوع

تحياتي لك

صح الساانك اخوووى

القصيده روعه ,,,, صح السان من قالها وتسلم يمينه