منتديات عتيبه - تركي والقرقاح واقوى محاوره؟؟؟؟؟؟؟؟؟؟؟؟

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="none,4,gray" type=2 line=0 align=center use=ex num="0,black"]
تــــــــركـــــــــي:

تعـال يالشاعـر القرقـاح لاتـسـري
الليـل بـدري مثلـك لاسـرا بـدري
انا طرالي علوم اجـداد فـي صـدري

والراس مرفـوع والرايـات مرفوعـه

ابسري علي القرقـاح وبليـس ملعـون =
لو انه يصيـح ويزهـم اعيـال ريفـه

وابا اطلع اجنانـه ليـا صـار مجنـون =
وهـاذي وقايـع والخواطـر نضيـفـه

الـــــقـــــرقــــــاح:

اذهـن تـرا ريفـه اللـي قلتهـا جـده
الله يغفـر لهـا ماتـت قـبـل مــده
وعرفت وبعض العرب محدن عرف جده

والراس مرفـوع والرايـات مرفوعـه

ترانا هـل الطـالات والنـاس يـدرون=
مابين العـرب مثـل الجبـال المنيفـه

تغلب عصا موسي علي سحر فرعـون =
واضـن الخليفـه مالقـولـه خليـفـه

تــــــــركـــــــــي:

انا ابن عباد هذا اسمـي واسـم جـدي
ولا انت حضـك مـع الايـام متـردي
ومن اسـم جددتـك متعشـي ومتغـدي

والراس مرفـوع والرايـات مرفوعـه

تقـولـون ولا يـاعـرب ماتقـولـون =
نعـرف الحمـول ثقـال ولا خفيـفـه

طوينا حزوم الارض فالعسـر والهـون=
ولا همنـا راعـي العيـون الكثيـفـه

الـــــقـــــرقــــــاح:

ملاسمـع تبـع ونتـا حضـرت التابـع
خل ابـن عبـاد منهـو جـدك الرابـع
تـرا ابـن عبـاد لا سـادس ولاسابـع

والراس مرفـوع والرايـات مرفوعـه

ياتركي لو اموالـك مثـل مـال قـارون =
الامـوال تنقـص والمسـافـه كليـفـه

كثير العرب ركب علي راسـه قـرون =
وهو من حـلال الـزاد ماشبـع ضيفـه

تــــــــركـــــــــي :

جدي سميليل راعي العـرف والطالـه
وحنـا ليـا جـا نهـار الخيـل خيالـه
ياقـرب منزالـك ويابـعـد منـزالـه

والراس مرفـوع والرايـات مرفوعـه

انا مغتنـي ولا انـت فالنـاس مديـون=
تذكـر تـذكـر فاليـالـي المخيييـفـه

عليـك الحنايـا والـنـاس يشـوفـون =
وهـذي وضيفتكـم ياراعـي الوظيفـه

الـــــقـــــرقــــــاح:

جدك سميليل محـدن يعرفـه غيـرك
ونـا اشهـد انـه افعولـك وســارك
ياللي تجـر اللحـن والعجـه اتديـرك

والراس مرفـوع والرايـات مرفوعـه

زمانـن مـضـا روحــت من نجد مغـبـون =
عـسالله يعـز اهـل الفعـول الطريفـه

ياللفين من اللي شال منـك الشطرطـون =
وخـلاك تسبـق لافـحـات السفيـفـه

تــــــــركـــــــــي:

جدي فعولـه علـي التاريـخ مكتوبـه
والبيـت بانيـه طوبـه فوقهـا طوبـه
انشدك جدك مـن اللـي سالبـن ثوبـه

والراس مرفـوع والرايـات مرفوعـه

زمانـن مضى راسـك علـي النفـد مدفـون =
يـاوادي لبـن عينـت وادي حنيـفـه

اظنـك عـن الدنيـا مكرتـن بكرتـون =
ياليـت القطيفـي مايـفـارق قطيـفـه

الـــــقـــــرقــــــاح:

ان جـات لفعـول جـدانـك جـدانـي
لاترفع الصوت عندي وانـت ميزانـي
جدي فعولـه تنومـس كـل قحطانـي

والراس مرفـوع والرايـات مرفوعـه

يومن العرب في نجد طاعن ومطعـون =
قالعنـا مداكـم فالسـيـوف الرهيـفـه

مـادام الخبـل متجـود فالدركـسـون =
عـزالله قـدا الحنتـور شيفتـه شيفـه

تــــــــركـــــــــي:

اهـل الاسامـي نميـزهـا بساميـهـا
والخيل ماتصلـح اللـي عنـد راعيهـا
ولا انـت مالـك فعـول تضدنـا فيهـا

والراس مرفـوع والرايـات مرفوعـه

ونـا اقـول والله عزوتـن ماتـذمـون =
ولاكـن حنـا اهـل الفعـول الشريفـه[/poem]ورجوا المعذره اذا كان هناك بعض الاخطاء

منقوله