حنا نعبد الله ونكفر بالاصنام - للشاعر الكبير محماس بن شميسان
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حنا نعبد الله ونكفر بالاصنام =ياعابد الاصنام ما انته بمنا


نبينا المبعوث والدين الاسلام =وكتابٍ آياته لنا يشفعنا


وحكامنا افضل من على الارض حكام =الحكم فينا عدل والاصل منا


هذا الصحيح اللي بعيد عن الاوهام =ياسامعين القول ردوه عنا

اليا نزل سوق المفاهيم سوام =حنا لنا من عرشهن خضعنا



تفسيرنا مافيه راجع وقدام =تجاربٍ منها العقول اثمرنا


من واقع المعقول هاتي يالايام =مانقبل الزوده ولاتنقصنا


الله عطى المخلوق مقياس الاحجام =بالميز لابالقول حنا وحنا


لو قيل ابن ماله تميز فالارقام =الا الفعول اليا تميز بهنا


ان كان ماله يم الامجاد درهام =يمه ترى الامجاد مادرهمنا


التبع مايشفي هداده ولو حام لو ماكره منه الحرار ندرنا


والا العديم اللي على الطلع جزام =اليا شهر عود يمينه محنا


وهايبٍ من مقدرة مجري الانسام =مخلوقةٍ ماهيب قولة لو انا


مفاخرٍ ماهيب توقيع الاختام =على الفعول نفوسهن يشهدنا


الفارق اللي فالمهمات لاقام =يردن به الهقوات ويصدرنا


اللي عصابة راس للكود وحزام =وقدمه ليا قام الكبار صغرنا


ماهوب لو طول قسى الوقت لوام =حبله عن العد الرهي ماتثنا


عن طاعة الله في هوى النفس ماهام =وعنده مزايا المرجله حضرنا


قاسي على القاسي وياصل للارحام =ويصبر وينفق لو ظروفه قسنا


يحفي على تحقيق الامجاد الاقدام =وعن قضي حاجة قاصدة ماتجنا


في منهجه مرسوم من غير رسام =عشق العلا وادراك تحقيقهنا


طبعٍ خلقه الله معه مجري الاحكام =خصايلٍ يصبح ويمسي بهنا


ماقال انا جدي بماضية الايام =ضمن الجموع اللي غزو مع مهنا

لحقت جدك كم وكم شي مادام =وين الكلام الواقعي لاتمنا[/poem]

صح لسانك مليون
وعلا شانك والله يعطيك العافيه
ولا هنت

:)

صح لسان ابومشعل وبيض الله وجهك ياأبو وافي