سعدون الهرس والسياري و قبيلة بني خالد
[center]هذه القصيدة للشاعر سعدون بن فهد بن عقاب الهرس العتيبي في رجل الأ عمال المعروف سليمان بن عبدالعزيزالسياري الخالدي وفي قبيلته , قبيلة بني خالد القبيلة الهوازنية العريقة وشيوخها ال عريعر [/center]
[poem=font="simplified arabic,5,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black""] للشعـروزن وللمعاني تفاسير=والمعرفه حره ماهـيب محـدوده والعارفـه يستقـبل الشارويشير=وان خـفّـت الاشواريثبت وجـوده وللطيب ناس ٍ ترتكي للمخاسير=وخـسايرالطيب ماهـيب معـدوده نطاحة الواجب طوال الاشابير=على الفـعـول الكايـدات محـسوده والعلم يرجع يم ريف المسايير=اللي تعـوّد في هوازن عـدوده راعي دلال ٍ فالمناره مباهـير=في مجلـس ٍ كـل القـبائل تروده يذبـح لضيفـانه عيال الخـواوير=والمال مايحـسب لنقـصه وزوده والجاريلقاله كـرامه وتقـدير=من جـود قـرم ٍ مايقـصر بجـوده ماهـوب مثـل مكــثرين المعاذير=يبـذل على كـسب المعالي جـهـوده في نجـد مـذكور ٍ سليمان بالخـير=لعـلها تبطي ليالي سعـوده تشهد لـ ابوعبدالعزيزالجماهـير= من غربي الطائف لشرقي ّ جـوده ومن الشمال ليا الوديعه وخرخير= واهل الخـليج بكـل طوله شهـوده والمرجله تزها كبيرالسيايـير=بحر الندى مرخـص خزاين بنـوده ساسـه عـريب ومن رجال ٍ مشاهـير=جـبري وجبرمن الخـوالـد جـدوده ربعه بني خالـد زحـول ٍ جبابير=فـيهم على نقـالة الزوم زوده ويشيدون بيوتهم فالنهابير=للطرقي اللي كاثرات ٍ لهـوده وان جا نهار ٍ فـيه سـوق المظاهـير= رد البراء والحـرب كـثرت جـروده والماقـف الغـصاب ماعـنه تاخـير=والحرب عـصمان الشـوارب وقـوده على ظهور مثورات المعاصير=وهجـن ٍ عن الزيران فـج ٍ عـضوده بالشلـف والحـدب الرهـاف البـواتير= وبكـل رمـح ٍ حاشي الجب عـوده دقـلا تهم تكـسر كـبارالطـوابير=وحـدودهـم عـنها الجـموع محـدوده في راي خـطلان اليـديـن المناعـير=حكام هـجـر اللي تولوا حـدوده ترثة عـريعـر طيبين المـواثير=وقـفـاتهم فالمعـضلات محـمـوده وبيض الحباري فالـفـياض المـقـافـير=حـموه وبيوت الخـصوم مهـدوده ويرعـون فالخيفات سحج المعاشير=مع درب وسـمي ٍ ترازم رعـوده تشهد لهم بـ افعالهم يام ومطير=وابن صباح اللي تعاقـب وفـوده والهاجري يشهـد لهم فالمحاضير=وسبيع واللي ماتعـدد جـنوده للطيبين بكل ديره مذاكير=وحبال هافين البخوت معــقـوده [/poem] |
لاهنت ياجمران
وتسلم على النقل وصح لسان الشاعر والباحث والرواي [color="red"]سعدون بن فهد الهرس[/color] وقصيدة وافيه من وافي في وافي .. ويستاهل ..رجل الأعمال المعروف / [color="red"]سليمان السياري[/color] ويستاهلون ربعه الطيب .. ومشكور أخوي مرة أخرى .. |
صح لسان ابو فهد
على هالقصيده ويستاهل من قيلت فيه |
صح لسان سعدون
صح لسان سعدون
ويستاهلون الممدوحين وأبوفهد في هذا النص أثبت أنه ذو مقدره شعريه وتمكن يضاف لتمكنه من التاريخ والروايه |
صح اللسانه
ويستاهلون |
جميع الأوقات بتوقيت GMT. الساعة الآن 12:24 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها