قصيدة للشاعر مطلق الثبيتي رحمه الله
 

[align=center][poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="double,6,black" type=1 line=0 align=center use=ex num="0,black"]
اختـار سمحـات الـدروب النظيفـه=
اللي غسلها رايـح المـزن برشـاش
يمشونهـا قـوم النفـوس الشـريـفه=
اللي ضمايرهـم نقيـة كمـا الشـاش
ابيوتهـم مثـل الحصـون المنيـفـة=
ما هي لطير البوم غيران واعشـاش
وحلالهـم للضيـف دايـم مريـفـه=
لو رجلهم يسرح ويضوي على مـاش
والرجـل منهـم مـا يخلـي رديفـه=
إن ما ت مثله مات وان عاش له عاش
وان مات منهم رجـل عقـب خليفـه=
يطعن نحور القـوم ويـرد الادبـاش
يعرف هدف روحه ويعـرف وليفـه=
ما يعرف الخونـة ولا هـو بغشـاش
وليـا رزقـه الله بعـذراء عفيـفـة=
ايحطها مـا بيـن نونـه والارمـاش
ماهو علـى الخفـرات يستـل سيفـه=
وان طالعوا فيـه الرياجيـل ينحـاش
حلـو النبـا سمـح المحيـا لضيفـه=
ويصير لـه خـادم مسخـر وفـراش
وان مـد مـا مـدت يمينـه قصيفـة=
مدت يمينـه تبهـر الخبـل والـلاش
واليا هـرج تلقـى علومـه طريفـة=
ما هـو لهفـوات المناعيـر منقـاش
وان شبت النيـران مـا هـو بليفـة=
في ساعة الكربـة سـواي ورشـاش
سده بعيد ولا أحـد يعـرف غريفـه=
ولا هو لعرض المكرم العرض نهاش
والشوك في جنبـه سـوات القطيفـه=
إن كان ما له بيت مامـون وافـراش
ما يرتكـي فـوق الخبـول الضعيفـة=
اللـي ليـا حركتهـا قدرهـا طـاش
وان جـا نهـار كـل قـرم يعيـفـه=
ما هو ليا ثارت على القـوم رمـاش
الكذب يعـرف بيـن الأجـواد زيفـه=
والصدق مثل السيف صاطي وحشاش
وصحيفتة يـا طيبهـا مـن صحيفـة=
ولهـا مـن العقـال كاتـب ونقـاش
حـاز المراجـل والمراجـل كليفـة=
الا على اللي كل مـا رامهـا هـاش
وان شاف له من جانب القـوم خيفـة=
تلقـاه للخيفـة مهـاجـم وبـطـاش
الصدق والمعـروف والطيـب كيفـه=
ويغبش لها مع طلعة الفجـر مغبـاش
للحمـل مـا تلقـى جنوبـه صخيفـة=
حوله بروق تعمـي العيـن وافـلاش
يصبر على جرحـه ويمسـح نزيفـه=
طبه بشبه خير مـن طـب الاحبـاش
ولا هو كمـا سبـع سنونـه ضعيفـة=
دايـم يلحسهـا وللعـظـم عــراش
وان شاف له في غيبة النـاس شيفـة=
ما هو بخبل لاخضر العـود قـراش
دنيـاه لـن صـارت ذلـول عسيفـة=
طوع علهيـا كـل عاصـي ونفـاش
وان كان قفـت مـا عليهـا حسيفـة=
ولا هو ورا هوج المعاصيـر قشـاش
وان جاع ما وقع كمـا طيـر جيفـة=
وان عري ما يلبس سماليل وأخيـاش [/poem][/align]

شعر الشاعر الكبير / [color=#0000FF]مطلق الثبيتي رحمه الله[/color]

الله يرحمه ويرحم اموات المسلمين

مشكوور اخوي

الله برحم مطلق الثبيتي رحمة واسعه ومشكور يامخاوي النشامى على اتحافنا بهذه القصيدة الرائعه للمرحوم ان شاء الله مطلق بن حميد الثبيتي
تحياتي

تسلم يمينك أخوي مخاوي النشامى على النقل الجزل ورحم الله قايلها

ولد شيوخ
لاهنت على التواجد الرائع
الله يعطيك العافيه

بن ثعلي
لاهنت ياخوي على تواجدك الرائع
وردك الأروع
الله يعطيك العافيه

برقاوي هواوي
تواجدك يشرفني ويسعدني
الله يعطيك العافيه

بسم الله ...

بيض الله وجهك يامخاوي ..


احسنت النقل ...

وابيات بالفعل .. قوية المعنى ..


تحياتي لك ّ ..

مخاوي النشامى

تسلم يمينك

والله يرحم مطلق الثبيتي

ووالديني وأموات المسلمين عامه
شكراً

هيبة عتيبه
لاهنت على تواجدكـ الرائع

يالغالي

ووجهك أبيض ياخوي....

لاخلا ولاعدم