سلامي على اللي لحيته مايجيها المـوس.. ولاشجع الكورة وصفق لـ لاعبها
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بدينا بذكر اللي خلـق جنـة الفـردوس=خلقهـا وبيـن فـي كتابـه مراتبـهـا

قريب مجيـب يعلـم السـر والهاجـوس=ومن حكمته سير الفلـك مـع كواكبهـا

الله خلق كل البشـر رئيـس ومريـوس=خلقهـا وفـي يـوم القيامـة يحاسبهـا

سلامي على أهل الدين كسابة النامـوس=سلامـي عليهـم عـد ذاري هبايبـهـا

على منهج التوحيد نأخـذ عبـر ودروس=دعـاة العقيـدة ماتقـصـر بواجبـهـا

سلامي على اللي لحيته مايجيها المـوس=ولاشجـع الكـورة وصفـق للاعبـهـا

على سنة المعصـوم ماطـول الملبـوس=عفيـف جنابـه والمعاصـي مجنبـهـا

يقرأ الكتاب ولايدانـي أهـل المنكـوس=كمل بالصفـات الطيبـة مـن جوانبهـا

فعله رفع رأسه مـع رأفعيـن الـروس=تقدم على كسـب المعالـي وفـاز بهـا

ترى راعي الطاعات عاداتـه النامـوس=علـى طاعـة المعبـود نفسـه مدربهـا

أنا أشوف بعض الناس في سيرته دنفوس=حريمه مع السـواق دايـم يـدوج بهـا

يشري لها الموتر وسواقهـا الهنـدوس=ولايشنـده لاراح متـى يـعـود بـهـا

وفي منزلـه خدامـة تعبـد الجامـوس=تربـي وراعينـه علـى خبـث مذهبهـا

وفي البيت تلفاز عليه الجميـع جلـوس=على شاشتـه كـل المعاصـي يجيكبهـا

والنوع الآخر في المكاسب ضعاف نفوس=مشوا في الربـاء ماحسبـوا مصايبهـا

شباب على درب الردى يدفعـون فلـوس=شرى غرشة الويسكي علشـان يشربهـا

ولابغى يسهـر كـل الحبـة أم القـوس=أحبـوب خطيـرة والمراجـل تخربـهـا

عيال الحمايل جوا عقب الحبوب تيـوس=وكم واحدا باع الشـرف مـن سبايبهـا

خذ العز من رأسه برجله يدوسـه دوس=جميـع المصائـب مايحسـب عواقبهـا

علامة شربه للزقايـر سـواد ضـروس=علـى فرتـه حـط النجاسـة وجاكبهـا

وصلاة ربـي عـد ماذعـذع النسنـوس=على المصطفى المختار عابـر سحايبهـا [/poem]






لشااعر مهنا بن سعد العصيمي

صح لسانك ياعبدالله

أنا أشوف بعض الناس في سيرته دنفوسحريمه مع السـواق دايـم يـدوج بهـا

يشري لها الموتر وسواقهـا الهنـدوسولايشنـده لاراح متـى يـعـود بـهـا

وفـي منزلـه خدامـة تعبـد الجامـوستربي وراعينـه علـى خبـث مذهبهـا

وفي البيت تلفاز عليه الجميـع جلـوسعلى شاشتـه كـل المعاصـي يجيكبهـا


اخوي عبدالله الحافي..اختياااار رائع سلمت

عـــــــذوب

عبد الله الحافي
صح لسانك وعلا شأنك ولسان شاعرها مهنا العصيمي
سلمت يالذيب على نقل مثل هذه القصائد الثمينه

مشكور ياعبد الله على نقل هذه القصيدة الرائعه وصح السان فائلها
تحياتي

[quote=البندري العتيبي]صح لسانك ياعبدالله[/quote]

صح بدنكي يا البندري

شاكر لكي مرورك

[quote=عذوبة نجد]أنا أشوف بعض الناس في سيرته دنفوسحريمه مع السـواق دايـم يـدوج بهـا

يشري لها الموتر وسواقهـا الهنـدوسولايشنـده لاراح متـى يـعـود بـهـا

وفـي منزلـه خدامـة تعبـد الجامـوستربي وراعينـه علـى خبـث مذهبهـا

وفي البيت تلفاز عليه الجميـع جلـوسعلى شاشتـه كـل المعاصـي يجيكبهـا


اخوي عبدالله الحافي..اختياااار رائع سلمت

عـــــــذوب[/quote]

الرائع مرورك وتسلم يمينك على تعليقك

[quote=مخاوي النشامى]عبد الله الحافي
صح لسانك وعلا شأنك ولسان شاعرها مهنا العصيمي
سلمت يالذيب على نقل مثل هذه القصائد الثمينه[/quote]

صح بدنك

وشاكر لك مرورك وتعليقك يا الذيب

[quote=بن ثعلي]مشكور ياعبد الله على نقل هذه القصيدة الرائعه وصح السان فائلها
تحياتي[/quote]

الشكر لك مرورك يا مشرفنا العام

بيض الله وجهك أخوي عبدالله وتسلم يمينك على نقل مثل هذه الرائعة وصح لسان قايلها