لغز جديد من بنت شمر الطنايا
 

السلام عليكم اخباركم ياعرب عتيبه

المهم مالكم بالطويله جايبه لكم لغز وعلى قولة اخونا وجودك يكفيني مليان

واللغز طبعا بلهجتنا لهجة شمر وطبعا اللغز له ازود من 60 سنه او اكثر يعني قديم

واكيد تختلف مسميات الاشياء عند شيبانا الله يخلي شيبانا ويخلي شيبانكم المهم انا معفيتكم

عن حل الجزء الاول من اللغز ابيكم تحلون الجز الثاني

يعني لا تقولون البنت منو لان السبب بالمسميات ابيكم تجيبون السمي منو

واليكم اللغز

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
احذركم المرقاب لا ترقبونه=ياهل القلوب اللي على الحب ضميا

يفطن عليكم واحد ترتجونه=عين العنود مجفله حس رميا

السكر البكري مفارق سنونه=ماكول للحكام زين الطعميا

سميها عسرا على الناس كونه=مار افهمو ياهل القلوب الفهميا [/poem]

صح لسان كاتب اللغز [color="red"]يابنت شمر[/color]

ولي عودة بعد القراءة والتفكير ..

[quote=ناصر بن سعدي;858672]صح لسان كاتب اللغز [color="red"]يابنت شمر[/color]

ولي عودة بعد القراءة والتفكير ..[/quote]

صح بدنك يابن سعدي

وناطره عودتك

<<<<<< جلس جنب ناصر وجاب القهوه

ناصر ها وش تقول في هاللغز ؟؟

[quote=شيخـ الشيوخـ;858676]<<<<<< جلس جنب ناصر وجاب القهوه

ناصر ها وش تقول في هاللغز ؟؟[/quote]

ترى انا ابي بس الولد مابي البنت ابي السمي

السكر !

[quote=شيخـ الشيوخـ;858682]السكر ![/quote]

مالك لوى

الله يعطيك العافيه يابنت شمر الطنايا على اللغز

وش تقولين في السيف

[quote=وجودك يكفي;858686]الله يعطيك العافيه يابنت شمر الطنايا على اللغز

وش تقولين في السيف[/quote]

الله يعافيك

ومالك لوى

بنت شمر الطنايا
الحل إللي تقولين مطلوب.. في البيت هذا

السكر البكري مفارق سنونه=ماكول للحكام زين الطعميا

[quote=وجودك يكفي;858691]بنت شمر الطنايا
الحل إللي تقولين مطلوب.. في البيت هذا

السكر البكري مفارق سنونه=ماكول للحكام زين الطعميا[/quote]

لا مو هالبيت هذا البيت وصف البنت وانا مابي البنت لان الاسم عند الشيبان قبل غير

انا ابي هالبيت

سميها عسر(ن) على الناس كونه ....مار افهمو ياهل القلوب الفهميا

ابي السمي

انا فهمت إن فيه اسم مؤنت كانوا الحكام ياكلونها ولها اسم شبيه مذكر عامت الناس ماتقدر تملكه او ما تقدر تلمسه
هل فهمي صحيح أو خاطئ؟؟

يعني قمر الدين كان يستخدمونة الحكام
والسمي هو القمر إللي في السماء الناس ما تلمسه ولا تملكه

صح إني جبت مذكر والسمي مذكر

لكن هل الشغله والطريقه مثل كذا؟

[quote=وجودك يكفي;858708]انا فهمت إن فيه اسم مؤنت كانوا الحكام ياكلونها ولها اسم شبيه مذكر عامت الناس ماتقدر تملكه او ما تقدر تلمسه
هل فهمي صحيح أو خاطئ؟؟

يعني قمر الدين كان يستخدمونة الحكام
والسمي هو القمر إللي في السماء الناس ما تلمسه ولا تملكه

صح إني جبت مذكر والسمي مذكر

لكن هل الشغله والطريقه مثل كذا؟[/quote]

برافو عليك نفس الطريقه هذي

البنت طنشها لان اسمها عند البدو قبل غير

جيب لي الولد السمي اللي عسرن على الناس كونه

غششني واحد يابنت الطنايا يقول حل اللغز النوم والمعشوقه اسمها نومه ويش رايك في الحل

[quote=إبن ثعلي;858734]غششني واحد يابنت الطنايا يقول حل اللغز النوم والمعشوقه اسمها نومه ويش رايك في الحل[/quote]

صح حلك بس من اللي علمك اكيد انه واحد من شيبانكم

صح لسانه اللي علمك وجاب الحل

البنت النوميانه وهي الليمونه البدو كانو يسمونها كذا >>>ماعلينا من البنت نبي الولد حنا

والولد هو النوم

انا مابي البنت ابي الولد وانت حليتوه

[color="black"][size="6"]
مبروك يابن ثعلي

ماشاءالله من أول رمعه

يالربع ماتدرون من اللي عطاه العين في المرة الاولى هههههههه

الله يكفيك ويكفينا شرها جميعاً


كيف حالك ياخاله

وشكراً على اللغز ولاهنتي يابنت الطنايا[/size][/color]

[quote=عبـ الهيلا ـرود;858783][color="black"][size="6"]
مبروك يابن ثعلي

ماشاءالله من أول رمعه

يالربع ماتدرون من اللي عطاه العين في المرة الاولى هههههههه

الله يكفيك ويكفينا شرها جميعاً


كيف حالك ياخاله

وشكراً على اللغز ولاهنتي يابنت الطنايا[/size][/color][/quote]

ايه ما شاء الله عليه

هلا خاله بخير

العفو خاله

لاهنت

مبروك ياإبن ثعلي وبيض الله وجهك وانا اخوك

لا هنتي يابنت شمر على اللغز والله يقويك ويعطيك العافيه وانا اخوتس

ماشالله على بن ثعلي صووب الغز الله لا يغير عليه:37:


بنت شمر
قواج الله
وترانني متابعه لألغازج من بعيد
متوهقه بالفهم <<-- تحب الالغاز بس تنطر لها مترجم شمري:11:

[quote=وجودك يكفي;858923]مبروك ياإبن ثعلي وبيض الله وجهك وانا اخوك

لا هنتي يابنت شمر على اللغز والله يقويك ويعطيك العافيه وانا اخوتس[/quote]

ووجهك ابيض

الله يعافيك ويشرفني حضورك بالغازي

[quote=الـجـادل;858932]ماشالله على بن ثعلي صووب الغز الله لا يغير عليه:37:


بنت شمر
قواج الله
وترانني متابعه لألغازج من بعيد
متوهقه بالفهم <<-- تحب الالغاز بس تنطر لها مترجم شمري:11:[/quote]

ايه ما شاء الله عليه

خلاص يابعد حيي بترجم لتس المره الجايه وربي لهجتنا سهله

ويشرفني متابعتك