المشكله !!
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المشكله لاصار حبك لايزال ومن قديم!=ثم شفت من حبيتها تمشي بوسط عيالها في وقتها تعرفْ مذاق النار و إ/تعرفْ الجحيم=وتقول هذي عادت الدنيا وهذا حالها تبا تمنا وقتها ماعشت وان أمك عقيم=ودنيا البشر تصغر بعينك برّها وجبالها كنت آتحرى وادعي الله( بين زمزم والحطيم)=وأثر العمانيّه سرت بخطامها وعقالها جالي ثلاث اسنين انادي من خبرلي عنز ريم؟=ولّا ذلول لا قربتوها يزيد جفالها مرباعها بين الرياض وبين شقراء والقصيم=ولو آتكلم طول ليلي ما ذكرت أخصالها عذرىٍ يناديها ابوها يامزعّلت الحريم=أليا قبلت والليل يقفاها وجات لحالها مثل العبيّه يوم تنصى الخيل والليل العتيم=صوت العزاوي دونها (والخيل من خيّالها) كانت على خبري منول لاتظام ولاتظيم=لين انقطع رد الرسايل وانقطع جوالهـا أقفت وشلفا جدّها في وسط قلبي بالصميم=(وابو محمد) من سببها حالته يرثالها لو استباحت دمعة الأيتام في عين اليتيم=ماساقت غيوم المواجع لين صك إخيالها الله يبيح اللي مضى ويصبر القلب الحطيم=مانيب ناشدها وش ابطاها / ولا وش حالها مغير أصبّر خافقي / وأقول لاهب النسيم=ياليتها في عيد الأضحى ماعطتني شالها خيالها بين الضلوع العوج وعروقي مقيم=أنا أقرب الها من شفاياها وحبة خالها ياهيه يالعقل السليم اللي يسمونك سليم=لا ضاقت الدنيا عليك (يحلّها حلّالها) ماني معارض للقدر / وأستغفر الله العظيم=ياليتني زوج الهنوف وليتنـي رجالهـا [/poem] |
صح السانك يااخ عادل ولاهنت على هذه القصيدة الرائعه بحق
تحياتي لك |
كانت على خبري منـول لاتظـام ولاتظيـم
لين انقطـع رد الرسايـل وانقطـع جوالهـا ياسلام عادل صح لسانك قصيدة رائعة وإحساس برتم شعري عالي كل التقير |
[size=4]الله الله
ياعادل العتيبي ابداع بمعنى الكلمه صح لسانك وسلم بوحك ودمت مبدع تحياااتي[/size] |
[I][B][font=Times New Roman][size=4]عادل العتيبي
صح لسانك وعلاشانك مبدع بكل حرف مشاءالله عليك دام نبضك قلمك ونورت همس القوافي كل التقدير والاحترام تقبل مروري .. شــمـــوخ عـــتــيــبـــه..[/size][/font][/B][/I] [img]http://www.up-00.com/azfiles/XAw59772.gif[/img] |
الله يعينك اخوي عادل وصح السانك على هالقصيده الجزله
|
[align=center]صح السانك
ياعادل ولاغرابه ابدعت وامتعت ولكن توهت ماجلان بحداثيات المرباع ههههههه تقبل اطيب تحيه[/align] |
جميع الأوقات بتوقيت GMT. الساعة الآن 08:24 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها