منتديات عتيبه - قصايد حب منثوره

[glint][color=#000000][align=center]الشاعر / محمد الدحيمي[/align][/color][/glint]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
تقهويتك وله ... لومـا تقهويتـك بصفـر دلال =
تهيلتـك هواجيـس .. وقصائـد حـب منـثـوره

اهيجن لك .. بطرقٍ .. غار من مسحوبه المـوال =
حديت اغلى مغاتيـر الغـرام .. وجتـك منحـوره

تذكـرت الجديـل اللـي تمـوّج كنّـه الـشـلال =
وخد ٍّ يجهر البـدر بسنـاه .. ويجـرح غـروره

وطهور الرمش يرسم له على الوجنه غطى وظلال=
واذا سلهم يجرِّحه النعـاس .. وينقـض طهـوره

حبيبي ... ما بقى للشعر شيٍ يوصـف وينقـال =
ليا أختال الحور بعيـون .. مفضوحـه ومستـوره

سحرني كلّ شيٍ فيك .. والسحـر أغلبـه قتـال =
وتماديت وذنوب السحـر فـي القـرآن مذكـوره

حبيبي ... عاشقك معذور والله لو يجيـه هبـال =
اليا صار العشق شيـخٍ يسيـر العاشـق بشـوره

احبك ايه احبـك ياغنـى عمـري وراس المـال =
لك بقلبـي بساتيـن .. ومشاتـل حـب ممطـوره

لطيفك من سموم القيض في عين الولـه مقيـال=
واذا قصّرت .. يعذرني .. تـرى كلـن وميسـوره

أهلّي بالجروح اللي غـدا صـدري لهـا مدهـال =
واقلّطهـا بـروحٍ مـن رداة الـحـظ مـقـهـ‏وره

واداري حيرة العبرة .. واكابـر واقهـر العـذال =
واذا طرّوك قدامي .. نخيت وقلت .. أخـو نـوره

انـا والله لزومـات العـواذل والرجـال رجـال =
وهل الأمثال قالوا .. يبخـص القنـاص بطيـوره

ماحد يقدر يعلّق فـي خيـوط العنكبـوت جبـال =
ماحـد يقـدر يهـدّ ديـار لـك بالقلـب معمـوره

يجونك ناس والدنيا .. معاك ريال تسـوى ريـال =
واجيك ولا معـاي الا ّ... قصايـد حـب منثـوره [/poem]