وسم العصا لقبيلة الدواسر العريقة
 

بسم الله الرحمن الرحيم


الحمدلله والصلاة والسلام على رسول الله وعلى آله وصحبه أجمعين


موضوع أحب أوضح من خلاله أن سلم وسم العصا لقبيلة الدواسر وليس لقبيلة عتيبه كما قال خلف بن هذال العتيبي.



عندما سؤلا الباحث التاريخي والشاعر المعروف محمد بن باني المخاريم الدوسري..


ماذا تقول عن الشاعر/خلف بن هذال العتيبي عندما نسب وسم العصا لقبيلة عتيبه.


رد قاءلاً



خلف بن هذال ينطبق عليه البيت العربي




إن كنت تـدري فهـذي مصيبـة
وان كنت لاتدري فالمصيبة اعضم



لقد شاهدت احد القنوات الفضائية ورأيت الشاعر /خلف بن هذال العتيبي يلقي قصيدة نسب فيها
وسم العصا لقبيلة عتيبة حيث قال في بيتين من القصيدة






قصيرنا يامن ورا الوجه ماخاف
يرقد وتحماه السلوم الصريحـه
نأسم عصاه ولو يبا حج وأطاف
تحت الحما ماواحـد يستبيحـه




وفي الحقيقة أن اول من سن وسم العصا وعمل به في الجزيرة العربية لحماية الخوي والجار والدخيل هم قبيلة الدواسر وهو سلم من سلومهم وفخراً من مفاخرهم وليس لقبيلة عتيبة ولا لغيرهم من القبائل الأخرى بدون نقصاَ في حقوقهم لكن وسم العصا عند الدواسر شيئ تعرفه جميع القبائل إلاً من يتجاهل الحقائق علماً بأن قبيلة عتيبة قبيلة عزيزه ومن أشهر القبائل في الجزيرة ولها تاريخ مشرف ولها من السلوم وألأفعال الحميدة وألأمجاد مايبيّض الوجوه ويطلق الألسنة وليست بحاجة لأي سلم من سلوم القبائل ينسبه خلف بن هذال بالظلم والكذب سواً وسم العصا اوغيره من السلوم , وأنا في الحقيقه من المتابعين لقصص وقصائد عتيبة ولم اسمع ولو بيت واحد لإحد من فرسانهم و شيوخهم القداما ولا من شعرائهم في الماضي والحاضر من يتطرق لوسم العصا وهذا دليل قاطع على ان وسم العصا ليس لهم , وزوداً على ذلك اتصل الشاعر /حسين بن ضيف الله الكبرى الدوسري على الشاعر/ الكبير غازي بن دخيل الله بن عون العتيبي
وسأله عن وسم العصا فأجابه قائلاً انه ليس من سلوم عتيبة فأنا الحقيقة أشكره جزيل الشكر على اظهار كلمة الحق.
اما الشاعر/خلف فهو لاتخفاه سلوم القبائل وعوايدهم لكن لا ادري لماذا تجاهل هذ السلم الواضح كالشمس.
ومهما يكون الأمر لايصح إلا الصحيح علماً بأن وسم العصا عند الدواسر له شواهد من خارج القبيلة واكثرهم من قبيلة عتيبة فمن الشواهد بيت من قصيدة للشاعر/عبدالله بن نايف بن عون العتيبي في مراسله بينه وبين الشاعر/حسين بن ضيف الله الكبرى الدوسري




مانزلنا الهدب ياحسين عندك بالقصير
ولاوسمت عصينا مثل من تاسم عصاه




ويقول الشاعر /مرزوق بن معتق المقاطي العتيبي




سلام الله عليكـم يالدواسـر
أهل وسم العصا لاصرت جاني




ويقول الشاعر / سلطان بن نايف الحويقل العتيبي




عن القبائل يفرقون الشياهين
في حاجة وحدة ولابه بدلهـا
وسم العصاعند الثقات الثقيلين
مافيه حيٍ قبلهـم قـد فعلهـا



ويقول الشيخ الشاعر/علي بن بلال اليامي




بني زايد اللي تنطح الضد فـي الميعـاد
دواسر تمكـن فـي عداهـا مضاربهـا
هل العرف واهل السيف والمنسف المعتاد
واهل جيرة ياسم عصا الجار صاحبهـا




ويقول الشاعر/ مانع بن شلحاط العجمي





وصات الرسول المصطفى طبقت باحكام
وكنه يخص الدوسـري خيـرة الأمـه
يسوقون جار البيت لوصابته لاسهـام
ويدله غريب الـدار معهـم ولا همـه
ووسم العصا ماحد سبقهم عليه شمـام
هنا الفرق ياللي تحفظ العلـم وتضمـه




ويقول الشاعر عبدالله بن عجين الزعبي




يكفي الدواسر في الفخر وحده
يـوم كـلٍ يشعـب ركابـه
وسم العصا للدوسري معروف
وسـام عـز دوم يزهـابـه



ويقول الشاعر/ سيف بن سعيد الجروي القحطاني





جار الدوسري يمشي وهو ماعليه قيود
بعد مايسلم لـه عصاتـه وياسمهـا




وغير هذه الشواهد اكثر مماذكرته بكثير لكن نكتفي بماحصل
ولو استشهدنا بقصائد شعراء الدواسر فانه لايوجد شاعر من الدواسر إلاّ وتطرق لهذا الموضوع في قصائده.
اما الشاعر/خلف بن هذال فقد رد عليه شعراء من الدواسر لكن لايحضرني منها سوى قصيدة الشاعر/ ماجد بن عيسى بن خفران المساعره الدوسري الذي رد بقصيدة وافيه جزله يستحق الشكر عليها حقيقتاً وإن دلت هذه القصيدة فإنما تدل على قوة شاعريته ومعرفته الواسعه وحكمته ,,

يقول الشاعر : ماجد بن عيسى بن خفران المساعره الدوسري






يقـول مـن يـارد بقولـه وينـشـاف
قـدم الرجـال أهـل الوجيـه الفليحـه
ابني على قاف مـن الحيـد مرصـاف
وارفع صروح فـي العلالـي المشيحـه
واليا صرفت ارهي علـى كـل صـراف
فكـري ورا سبـح الكواكـب سبيحـه
طوفان جاشي لاصطفق وأعصف عصاف
تهتـز منـه الراسـيـات الرزيـحـه
عديت في شـرع المعرفـه والأوصـاف
ردٍ يخـط بـكـل بيـضـا صفيـحـه
خـذ ياخلـف هـذال ردٍ علـى القـاف
الـلـي تمثلـتـه بنـفـس بجيـحـه
وزنك طفح كيله علـى ميـل واجحـاف
زليـت لـك زلـة لـسـانٍ جويـحـه
نحسبك كـان مـن العواريـف عـراف
إليـن منـك العلـم بايـن نضيـحـه
عليـك مشـروهٍ كبـر عـوف وكتـاف
عمد الخطايـا مـن الصفـات القبيحـه
لو اختصرت بمدح مجمـول الأوصـاف
وتفصيل زيـن أم الخـدود المضيحـه
مالحقتـك شرهـه ولا منطـقٍ حـاف
ولاطحت في مـوج الخطايـا الفديحـه
لكـن فـي مدحـك لربعـك تــزلاف
على السلـوم الواضحـات الصحيحـه
وربعك عتيبه مرويـة حـدب الأسيـاف
أهـل الـوزان اللـي كففهـم رجيحـه
اهل الفخر والمدح فـي كـل الأوقـاف
وأهـل السلـوم الوافيـات الوضيحـه
لطامـة العايـل بضربـات الأعـنـاف
وذباحـة الحايـل بيمـنـاً سميـحـه
مايكتسون مـن العـواري والأسـلاف
وامجادهم مـن قبـل مدحـك مديحـه
ويش وصلك حـد الطمـع والتزهـاف
تنقش على وسـم العصـا لكـنقيحـه
وسم العصا سلمٍ لمـن مجدهـم نـاف
روس الجبـال النايفـات المصيـحـه
سلم الدواسر مـن قديمـات الأسـلاف
ولا يقـدر أحـدٍ غيـرنـا يستبيـحـه
لوياخلـف تنشـد تواريـخ الأعــراف
تشهـد بنطـق العامـي والفصيـحـه
بوسم العصا نفرق على سبع الأطـواف
سلـمٍ بطيـب العـز ينفـح نفيـحـه
وباعلى المكارم نتسـم سلـم واهـداف
والعـز يقـدح مـن سطرنـا قديـحـه
دواسـر نسقـي العـدا سـم الأتـلاف
علـى العـدا منـا هجـاد وصبيـحـه
واليـا تعلوينـا علـى كـل مـزغـاف
وعلـى النقـا واجـه نطيـحِ نطيحـه
بنحورنـا خيـل المجاويـخ تـنـلاف
ولاتنتـداوى مـن طعـنـا الجريـحـه
خطلان الأيدي ممنـة كـل مـن خـاف
فـي ضلنـا عنـه المعـادي نزيـحـه
كم بيـرقٍ جانـا جموعـه لـه ارداف
ومن فعلنـا راحـت جموعـه طفيحـه
زدنـا وزدنـا بالفخـر عـز واشـراف
وراياتنـا فـي كـل علـيـا مليـحـه
خوينـا والجـار فـي عـز واكـنـاف
عـز وفخـر مايشتـكـون الجنيـحـه
ومن سلمنا ما يـاز الأجـواد مـزلاف
وقلـب العـودو مالـه علينـا فريحـه
والا مشيـنـا بالخـفـا والتضـعـاف
وراع الخطـا مانرقـبـه يستميـحـه
نضرب علـى العايـل وراع التعجـراف
ضرب النيـازك بالشهـاب المضيحـه
من مال عـال وشـال حمـلٍ بلأكتـاف
ومن رزحتـه يكثـر رغـاه وفحيحـه
ومـن لايحسـب للعواقـب والأكـلاف
يصبـح وقـا روس النيـاب الكليحـه
والحق لـه سيـفٍ سطـي ٍ وقصـاف
يسطي علـى صـم العضـام المتيحـه
هذا الكـلام اللـي بـه العقـل يكتـاف
وعـن طـول مـاروده يكفـي مليحـه
علـمٍ يابـن هـذال يسمـع وينشـاف
واذنـك تسمـع لـه وعينـك شبيحـه


وسأورد قصيدة ايضا للشاعر

صالح بن محمد بن الصليبي ال شملان الحقباني الدوسري على الشاعر خلف بن هذال العتيبي



يالله يامنـزل تبـارك والاعــراف=ياللي نصرت اهل الوجيـه الفليحـه
طالبك يالمعبود من جـودك اسعـاف=عقب المحل تسقي الديار الشحيحـه
من رايحٍ يسقي الصحاري والارياف=يجعـل مزابيـر العدايـم جريـحـه
سلام ياعتيبه على روس الاشعـاف=تسليمـةٍ فيهـا المعانـي فصيـحـه
يا اهل الوفا والطيب في كل ميقـاف=واهـل الفعـول الوافيـات المديحـه
وان صاح صياحٍ على الهوش هتاف=نطاحـةٍ لأهـل الوجيـه الكليـحـه
واسلومكم عند المواجيـب تنشـاف=للطيـب تـاج وللمراجـل وشيحـه
لا شك بعض الهرج به زود واسراف=وان جاك من بعض الوجيه السميحه
قولٍ بدابـه شاعـرٍ يلعـب القـاف=شاعر وطن ماهوب لعـب ومزيحـه
قولٍ تقوله ياخلـف ظلـم واجحـاف=سلم الدواسر يا خلـف مـا تزيحـه
سلم الدواسر مروية حدب الاسيـاف=ومطوعيـن اللـي تزايـد جميحـه
قاسين للمخطي وللصاحب اصخـاف=وجدار جـار البيـت تـدي مطيحـه
تاسم عصا من يشتكي خوف و أتلاف=يامن و يدلـه لـو تباعـد نزيحـه
سلمٍ خذيته من هله وانـت عـراف=ولك حكمةٍ يـوم الظـروف اللحيحـه
وسم العصا للدوسري حق وانصـاف=وانشد وتعطيـك القبايـل صحيحـه
تلقى من العراف تحليـل واشـراف=تنبيك عنه اهـل العقـول الرجيحـه
ياموصف اللي تزهمك وصف مشعاف=فـي ماقـفٍ لابـد وجهـك تشيحـه
جاتك توسل وانت من يزهمك نـاف=يامن ولـو تثبـت عليـه الجنيحـه
ترى المحنك يجحد الوصف لو شاف=ولا يذيع اوصافهـا فـي الشريحـه
وحنا تحت حكم الشريعه والاعـراف=عوايـدٍ بيـن القبـايـل وضيـحـه
ناخذ حقوق ونعطـي الحـق شفـاف=ولا نجامـل كـان الاخطـا فديـحـه
والهرج ما يرجع على الزور لاطـاف=ومن يعترف بالصدق ربـي يبيحـه






تقبلوا شكري

شيخـ الشيوخـ يتحدث


ياخوي المطاليق اسعد الله اوقاتك


اول شي البيت اللي اوردته فيه خطاء ولا ادري هو مطبعي او مقصود

وهو



إن كنت تـدري فهـذي مصيبـة
وان كنت لاتدري فالمصيبة اعضم


فانت عسكت البيت الله يجزاك خير والصحيح

انت كنت لاتدري فتلك مصيبة
وان كنت تدري فالمصيبة اعضم



مؤرخكم المخاريم يقول : [color=red]وأنا في الحقيقه من المتابعين لقصص وقصائد عتيبة ولم اسمع ولو بيت واحد لإحد من فرسانهم و شيوخهم القداما ولا من شعرائهم في الماضي والحاضر من يتطرق لوسم العصا وهذا دليل قاطع على ان وسم العصا ليس لهم [/color]
ـــــــــــــــــــــ

والرد عليه ببيت شعري واحد له اكثر من مئة سنه
وهو للخرينق ويقول فيه :

أنا مع الهيلا مدلهة الغريب
[color=red]اللي يخطون الرويكب في عصاه[/color]
[color=red][/color]
والرويكب حسب علمي انه ان وسم الرباعين
وهذا البيت مشهور فكيف غاب عن مؤرخ الدواسر الكبير !!!!

وهذه القصه قديمه جداً

ياهلا وغلا ياشيخ الشيوخ

اول مابه جزاك الله خير نبهتني على الخطأ وهو خطأ مطبعي


ثانيا: من القاب الدواسر وسامة عصا الجار خطلان الأيدي.....

فلم نسمع بهذا اللقب لقبيلة عتيبة وهي ليست بحاجة من ينسب إليها بالكذب والتزوير

ثانيا انت جبت بيت واحد وانا جبت عدة ابيات من اعلام عتيبة ومنهم الشاعر الكبير غازي بن عون يقول:



مانزلنا الهدب ياحسين عندك بالقصير
ولاوسمت عصينا مثل من تاسم عصاه


ويقول الشاعر /مرزوق بن معتق المقاطي العتيبي




سلام الله عليكـم يالدواسـر
أهل وسم العصا لاصرت جاني




ويقول الشاعر / سلطان بن نايف الحويقل العتيبي




عن القبائل يفرقون الشياهين
في حاجة وحدة ولابه بدلهـا
وسم العصاعند الثقات الثقيلين
مافيه حيٍ قبلهـم قـد فعلهـا



ويقول الشيخ الشاعر/علي بن بلال اليامي




بني زايد اللي تنطح الضد فـي الميعـاد
دواسر تمكـن فـي عداهـا مضاربهـا
هل العرف واهل السيف والمنسف المعتاد
واهل جيرة ياسم عصا الجار صاحبهـا




ويقول الشاعر/ مانع بن شلحاط العجمي





وصات الرسول المصطفى طبقت باحكام
وكنه يخص الدوسـري خيـرة الأمـه
يسوقون جار البيت لوصابته لاسهـام
ويدله غريب الـدار معهـم ولا همـه
ووسم العصا ماحد سبقهم عليه شمـام
هنا الفرق ياللي تحفظ العلـم وتضمـه




ويقول الشاعر عبدالله بن عجين الزعبي




(يكفي الدواسر في الفخر وحده)
يـوم كـلٍ يشعـب ركابـه
(وسم العصا للدوسري معروف)
وسـام عـز دوم يزهـابـه



ويقول الشاعر/ سيف بن سعيد الجروي القحطاني





جار الدوسري يمشي وهو ماعليه قيود
بعد مايسلم لـه عصاتـه وياسمهـا



وقبيلة عتيبة قبيلة شهيرة ولها من الأفعال مايغنيها عن مايفعله بعضهم حيثه ينسب سلم ليس لقبيلة عتيبة
وقبائل الجزيرة العربية تعرف ذلك



خالص الشكر والتقدير

الدواسر ياسمون العصا وحنا ما انكرنا هالشي

أما ان تقول انه حكر لهم او ميزه خاصه فيهم هذا غير صحيح


فعتيبه الهيلا تاسم العصا وتزبن الدخيل وتكرم الضيف وغيرها من مكارم الاخلاق

وهذي مزايا قبائل نجد والجزيره كافه
اما عن قولك
(((ثانيا: من القاب الدواسر وسامة عصا الجار خطلان الأيدي.....

فلم نسمع بهذا اللقب لقبيلة عتيبة )))

اقول لك لقب عتيبه اعظم من ذلك وافخم وهو
[color=red]ذباحة الحايل لطامة العايل[/color]
وهذا يكفيها
[color=black]ونعم في كل القبايل وفيهم حقهم من مكارم الاخلاق[/color]

والله ونعم في الدواسر اول وتالي

لكن قلت


[quote=خوي المطاليق;846379]فلم نسمع بهذا اللقب لقبيلة عتيبة وهي ليست بحاجة من ينسب إليها بالكذب والتزوير
[/quote]

ماحد قال لا من اول ولامن تالي ان عتيبة لقبها وسامة العصا ماحد قال انه لقب لعتيبة وان كان من القاب الدواسر وسامة العصا يستاهلون ولاننكره عليهم

لكن وسم العصا سلم دارج بين القبائل النجدية يمكن تشتهربه قبيلة ويلقب لها اكثر من غيرها مثل الدواسر

[font="comic sans ms"][size="6"]شيخ الشيوخ
وفيت وكفيت يالذيب

وعتيبه للمعلوميه
الألقاب تبحث عنها

وهناك من مؤرخي شمر
د/شلاش مصفق الفنيدل
والذي اعاد الحقائق
وصنف حقائق لقبائل نجد

وقال

عتيبه هي من سنت الثلاث البيض
وهي من سنت وسم عصى الجار
وجارت الدخيل من بين قبائل الجزيره
وقال طويل العمر مشعل
انتم ياعتابه هل العوجا قول وفعل

وكفايه
الله يعزنا بالاسلام [/size][/font]