عز الله اني لابغيت اترك الناس
 

عز الله اني لابغيت اترك الناس
واصد عن هرج القفاء والنقيلي

ابلش بمسكينن من الناس هلاس
بين البشر بالهرج يهذل هذيلي

يميل للهفوات مع كل الاجناس
وعن منهج الشجعان دايم يميلي

ان سقت له فنجال حلتيت ينحاس
واليا تركته راح يعول عويلي

مامن وراه الا التعايس والافلاس
العقل ديك وبالتواصيف فيلي

وانا اعرف اكوي الفص واعرقي الراس
بالمشخص اللي بالمعاني دليلي

لكن يفرح به من الناس بلاس
ويهرج به اللي بالمجالس حليّلي

ويزعل علي من الطحاطيح نبراس
ركنٍ لعيد بجاد ماهو ذليلي

واشره على نفسي وانا شخص حساس
والشعر يبقى والاوادم تزيلي

عيد بجاد بن شده

صح السانك يابن شدة ولاهنت على
هذه القصيدة الرائعه

ابو فهد

صح لسانك يالنشمي دايم مبدع

صح بدنك مليون يابو خالد