منتديات عتيبه - عبدالله بن شايق +فيصل الرياحي

مراحب وارحبو يا مرحبا ترحيب شوق حار
أحط ايدي على العله وآداويهـا وآعالجهـا
انا والله ما آبسط لين آثور عجـة الشعـار
وآشوف الملعبة يختـظ داخلهـا وخارجهـا

فيصل الرياحي

يدوم لك البقاء دام البقا عند اللقاء ما بـار
لنا منهج ونعرف عادة النـاس ومناهجهـا
ليا حصلت لك بستان حول وأقطف الازهار
ترى العربان تقدر تحرجك قدام تحرجهـا

عبدالله بن شايق

صدق من قال يا زين العلوم ان سلمت التكرار
وكذب من قال ترديـد السوالـف مايسمجهـا
أنا عنـدي سفينـة طايـرة ربانهـا طيـار
بحرهـا للجنايـز والمقابـر فـي مدرجهـا

فيصل الرياحي

أنا خابرك تاجر تعرف الاسواق والتجار
لكن أذاعتك منذو سنه خربـت برامجهـا
تحولت السفينه طايرة يـا لله يـا ستـار
سفينة طايرة صوب السماء وانت امتولجها

عبدالله بن شايق

انا بالشعر متنبي شهاده من طـوال اعمـار
وانا ما آهرج الكرعان بل الروس آهرجهـا
يقولون الرخوم تشك لكن الحـرار احـرار
آسمع ناس واسمعها ما تزعجني ولا أزعجها

فيصل الرياحي

وانا للشعر مثل الجامعة يا الطالب المكار
أدرسك أنت مع طلابها واحضر تخرجها
ابن شايق خطب ليلى وأظنه حلم ليل وطار
خطبها له ثلاث سنين وازرى ما تزوجها

عبدالله بن شايق

يا زين العفو والغفران يا معبود يا غفـار
عرب متشنجه واليا متى يكبـر تشنجهـا
بغيت أنسى هوى ليلى وآطلق حبها السحار
لكن ليلى حلالة قـوم ساحرنـي تغنجهـا

فيصل الرياحي

أنا بآخيرك يا خوي في المعـذار والمقـدار
ترى ظيفك ما حقه بالعلوم اللـي تمروجهـا
زمانٍ فات تغنج لك وتهرج لك بعض لسرار
وهالحينه ما تقبل لو على ظهرك تحججهـا