قصيدة خلف بن هذال العتيبي بالجنادرية20
[poem=font="Simplified Arabic,4,white,bold,normal" bkcolor="teal" bkimage="" border="double,9,darkred" type=0 line=0 align=center use=ex num="0,black"]
السلام ولا سهى القلب عن ذكر الإله =ربنا اللي نزّل اقرا و علّم بالقلم جل شانه في جلاله تبارك في علاه =منفرد بالغيب يعلم ولا غيره علم نسأله عفوه و لطفه صمد ما احدٍ سواه =صوّرالانسان وانشأ وجوده من عدم نطلب الجنة و نرجي من النار النجاة=في نهارٍ فيه خصمٍ اذا خاصم خصم فوق عرشه مطّلع يستجيب لمن دعاه =ناصر المظلوم منزل عقوبة من ظلم القمر خمسة عشر مستهل ٍ في سماه =في جماله في كماله تهلل و ابتسم و الوطن بايدي امينة تربّت في حماه =ذخر فتّاك الركايب اليا ازبد و التطم البطل يذكر و يشكر على سعي ٍ سعاه=بالعزيمة جاب ما غاب يوم انه عزم اعلن الوحدة بيوم ٍ ملى الدنيا صداه =رُسمت الخطّة على عين رسّام ٍ رسم ثبّت المبنى على ساس يرحم من بناه =صرح شامخ ما تزعزع كيان ولا انقسم المؤسس من نشد عنه تكفيه الرواة=و اسأل التاريخ و الوسم و أسم اللي وسم استرحنا تحت امانه و نمنا في ذراه =تو ذقنا العافية تو ما ارتد النسم البشير يجيب بشرى و يفرح من نصاه =ابشروا بالخير و الشر ولّى و انهزم الوطن عهدة فهد ما مشى الوالد مشاه =حارس ٍ مامون دون المحارم و الحرم له علينا مبايعة و الولاء والله ولاه =من وفى بالعهد للفهد والله ما ندم يوم جندنا المبدا رفيع ٍ مستواه =نخدم الاسلام و لخادم الكعبة خدم مرخص الغالي لشعبه وهذا من وفاه =رافع المبنى للاوطان يبني ما هدم مكرم ٍ يعطي و نعط العطايا من عطاه =كاسب المعروف رجل المروة و الكرم الكريم ليا حلب في قدح فاضي ملاه =راعي الكرما فهد و الفهد حر و شهم دين ما مثله ترعرع و حلّق في صباه=يافعي ٍ ينزع الحق وان غار انتقم طلعته طلع السعد نادر ٍ يحمد ثناه =بالشجاعة و البراعة تحلّى و اتسم داهية واله الدواهي تخضّع من دهاه =ما تردد في قراره ليا قرّر حسم الوطن ينخى فهد وا هني اللي نخاه =نخوته في ساعة الضيق نخوة معتصم الوطن يندب فهد في رجا الله ثم رجاه =ينقذه من غدر قوم و عميل ٍ متهم للوطن حنا فدا و الملك حنا فداه =الزعيم اللي عن الدين فسّر و احتزم يا ملك نعم الملك يا ملك نخوة و جاه =بالممالك يا ملك كنك الطود الاشم عادتك يا ثالم السيف من روس الطغاة =يا عساه الكسر سيف ٍ يعلق ما انثلم خل شامان يعلج لا ترده في خباه =لين يروى من حجامة سقيم ما احتجم عند باب الحكم سيّاف و الحكم اصطفاه =من تهاون و استمع شور غيره ما حكم المواضي تنشر العدل و تعمر الحياة =يستتب الامن بالسيف و ذراع ٍ عسم حفلنا الليلة يليق بمكانة من رعاه =نايب القايد ولي العهد راعي الشيم مرحبا باللي حضر و اسعد ( الباري ) مساه =ركن نجد و ركن من يزهمه وقت الزهم شيخنا عدل المناكب وقاه الله وقاه =سلمه ربي لخدمة بلاده و العلم في سبيل العز بالعز معقود ٍ لواه =مجذم الهيجا ليا عودوا خلف الزخم طيب الذمة كساه التواضع و اكتساه =ما تباهى و افتخر بالتبجّح و الفخم ان زعل نزعل و نزعل و نرضى من رضاه =وان تألمنا تألم و شاركنا الالم له عهود وله جنود تقدّر له غلاه =في لزومه يتبع الصف صف ٍ منتظم سيدي يزهى بك الشعر ما مثلك زهاه =شاعر ٍ ينظم من الشعر و اسمع ما نظم مخلص ٍ يبعث شعوره يا عله يا عساه =يشبع المعنى و يحظى برغبة محترم سرت بالتوفيق و يسير من سارت خطاه =في طريقك يمسح الدرب عن شوك السلم ابو خالد كم يتيم ٍ تبناه و رباه =متّعه عن والدينه و سلّي و انسجم يرحم المحروم سلطان و يخفف عناه =سخرة الرحمن والله يرحم من رحم طال عمره ما يسويه من خير ٍ كفاه =عن صواديف الليالي و دسعات الرمم ما يخطط للعروبة يثير الانتباه =يا رجال ان الفرص يوم تسنح تغتنم انظروا بالوضع و استمعنوا ويش السواة =لا يضيع الراي و نضيع و يطيح الهرم يجري الماء من تحتنا نراه ولا نراه =العرب تسبح على امواج بحر ٍ ما هضم العليل ان طوّلت علته يصعب دواه =يسهر الممروض و يموت من طول السقم و الورم يكبر و ظني طبيبه ما احتواه =كل ما ينزع ورم بالجسد يطلع ورم الوطن ماهو بمرتع خراب لمن بغاه =نحتميه وقد حميناه من ( روم ) و ( عجم ) انتفانا له و نملى المقابر في ثراه =و الزوايد من نصيب الحنادي و الرخم من توهق بمغزانا لعن غزو ٍ غزاه =ارضنا ما للعدو فوقها ماطا قدم الوطن منّا و فينا ولا نلحق جزاه =الامان و لقمة العيش من حمر النِعم امة التوحيد حنا وحنا اهل الصلاة =و الزكاة و رمز الاسلام من بين الامم لو طغى راعي الهوى ما مشينا في هواه =ما نطيع افكار ملحد ولا نعبد صنم من يقابلنا بحجّه نحجّه و نعصاه =بالدليل نخاطب الناس ( لا ) والاّ ( نعم ) ما طرقنا بالاذاني لوشوشة الوشاة=قافلين الباب عن كل كذاب ٍ هيم قامت ارباب السوابق تستّر بالعباه =عن عباة الدين يخسون هافين الذمم كيف رب البيت ما يدري الا عن عشاه =هو تعشا هو تغدا على رز و لحم و الخطر و الموت بين الغرف يطحن رحاه =ما وعى في مرقده لو يشرّك له لغم الابو مسؤول عن ما يدبّر من وراه =سارح ٍ في غفلته لا هموم ولا همم لو يضيّع شاه كدّر على اهله و إقصراه =و الشباب يضيع و يقول ما ضاعت غنم الولد يطلع ولا قيل وش اسم زملاه =اجتماع الذل و العار و التفكير اهم صنّع التخريب شين الطبوع ومن خزاه =انطلق به و انتحر بعد ما ظن و زعم انه اقرب للنبي وانه اقرب من عصاه =من هباله في خيال الشهيد ليا هجم الشهيد اللي عن الدار ياقف ويحماه =من يمينه في صدور العدا يرسل سهم كان ما للجاهل أحد ٍ يرده عن خطاه =ما بقى عاقل ولا صار للدنيا طعم غايب الاحساس يذهب حياته في شقاه =الشقي ما يدرك الحلم خيبة من حلم مس سرج ابليس و اطلق عنانه و امتطاه=بالخراب الخايب اما سرى ولا جهم منحرف مفسد مراهق موجّه من اعداه =غرّروا به و اغدروا به عساهم للوهم امسحوا مخّه و ساقوه عكس الاتجاه =و اصبح المخدوع و امسى عمى و ابكم و اصم العمى عمى البصيرة هذا والله عماه =العمى ماهو كفيف البصر دين و قسم بس في فعل الردى من أمره ومن نهاه =الغبا واهل الغبي لو يفهّم ما فهم رايح ٍ للهاوية سرمدة ليل ٍ سراه =يسري المنجوم و يكذّب انه ما انّجم الهدف مشبوه و المشتبه بيّن رداه =للخساسة طافي النار سلّم و استلم خارج الملّة مرق يوم ربي ما هداه =بالمصايب و الكوارث نسف كل القيم تاجب اللعنة على محدث ٍ جانا بأذاه =نشهد انه خان بامانته و اجرم و اثم ومن أواه ومن رضي فعلته تبّت يداه =وجهه اسود كحت و اقوى سواد من الفحم ما درى كبش الفدا لو يقاد لياالذكاه =و الكلام بخاتم الانبيا تم و ختم [/poem] خلف بن هذال العتيبي [/align][/B] |
[align=center][size=4]نقل رائع شكراياقايد الغزلان ( لاكن استخدم منسق القصيدة لتظهر بشكل اروع ) العريدي[/size][/align]
|
قصيدة بمنتها الروعه و لاهي غريبه على ابوهذال صح لسانه و شكراًلك ياقايدالغزلان
|
مشكور اخوي الغالي قايد الغزلان
على النقل الرائع وصح لسان شاعر الوطن / خلف بن هذال تحياتي لك ،،،،،، اخوك النـايـــــــــــــف |
نقل رائع جدا ياقايد غزلان ناس كثار يدورون هالقصيده منهم انا
وماهي غريبه على ابو هذال وصح لسانه |
مشكور يأخ قايد الغزلان على هذا المجهود الرائع منك.........تسلم يمينك ياقايد وجعلها يمين ماتعطب
|
[color=#0000FF][align=center][B][size=5][font=Simplified Arabic]صح لسانك ولسان إبن هذال ، ولاهنت على هالنقل الجميل
.. . ما ننحرم [/font][/size][/B][/align][/color] |
شكرا لك يا قايد الغزلان على اتحاف المنتدى بهذه القصيده الرائعه لشاعر الوطن ابو فيصل
تحياتي |
قصيدة رائئئئئئئئئئئئئئئئئئئئئئئئعة
|
[B][align=center]الحصان اخوي
اشكرك كل الشكر على تنسيق القصيدة بهذا الشكل الرائع والله يعطيك الف عافية تحياتي لك[/align][/B] |
جميع الأوقات بتوقيت GMT. الساعة الآن 07:52 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها