(( كل ماكبرت وضاقت على عيال الرخوم .... نحتزم لأكبـر مصيبـه وناطا خدّهـا ))
 

[size="5"][color="navy"]واهني الصخره اللي مايحرقها سمـوم
الزمان اللي يهـد العـزم مـا هدهـا
الزمان اللـي تحـدا قوييـن العـزوم
لين مشاهـا علـى ود ماهـو ودهـا
والمجامل بعض الأحيان ما يقضي لزوم
لابو النفـس الضعيفـه ولابـو جدهـا
مير تجبرنا العوايـد وتجبرنـا السلـوم
نكتم الأسـرار ياليـن تاصـل حدهـا
الردي لا طاح جعله يطيـح ولا يقـوم
باح سده والنشامـا مـا بـاح سدهـا
كل ماكبرت وضاقت على عيال الرخوم
نحتزم لأكبـر مصيبـه وناطـا خدهـا
جعل قسمي عند ربي من خيار القسـوم
واحـد يعطـي العطايـا ولا يرتـدهـا
ياعيال آدم وحـوا تراهـا مـا تـدوم
دورة الأيــام لابـدهــا لابـدهــا
ياوليد البـط وشلـون ماتقـدر تعـوم
وانت ابوك يعوم جزر البحـور ومدهـا
وانت ياحلم حلمته مهو مثـل الحلـوم
ياضحية مزح الأحـلام مـدري جدهـا
ادري ان فالناس معطى وفالناس محروم
ايـه يابيـض النوايـا ويامسـودهـا
وياضميري لا يهمك من الدنيـا همـوم
الصعيبـه حلهـا والبسيطـه عـدهـا
جات في سد الشوارب وفي سد الخشوم
كبر الضيفه وعش الضيـوف وغدهـا
والمراجل ماتوفـى بضافيـة الهـدوم
كود بسيوف يشـوق النواظـر حدهـا
والردي لو درس المرجله في كل يـوم
المراجل عنـد اهلهـا يذعـذع ندهـا
يعتبر قسمه مثل قسم زاهيـة الرقـوم
يوم تكحل رمشهـا والقـرون تكدهـا
ماكسبت الا رضا اهل النمايم والعلـوم
يارسول الحكي هـات العلـوم وودهـا
الصفوف اثنين هذا دفـاع وذا هجـوم
وانت اظنك لانت معها ولا انت بضدهـا
شرهة الطيب تعـداك للغـوج العـزوم
وانت صلفات المشاريه ماانـت بقدهـا
وانت في سود الأظله تريـح ومخـدوم
وان ذبحك الجوع كد التكاسـي كدهـا [/color][/size]

[size=5][color=#000080]والمجامل بعض الأحيان ما يقضي لزوم
لابو النفـس الضعيفـه ولابـو جدهـا
الردي لا طاح جعله يطيـح ولا يقـوم
باح سده والنشامـا مـا بـاح سدهـا [/color][/size]

[size=5][color=#000080]جعل قسمي عند ربي من خيار القسـوم
واحـد يعطـي العطايـا ولا يرتـدهـا [/color][/size]
[size=5][color=#000080][/color][/size]
[size=5][color=#000080][/color][/size]
[size=4][color=red]الله راااائعه [/color][/size]
[size=4][color=red][/color][/size]
[size=4][color=red]مدري من شاعرها ؟؟[/color][/size]
[size=4][color=red][/color][/size]
[size=4][color=red]صح ايرادك النايف [/color][/size]
[size=4][color=red][/color][/size]
[size=4][color=red]لاهنت [/color][/size]

[size="5"][color="red"]ياهلا ومرحبا

ابحثي عن شاعرها في قوقل

واعذرونا ما تعودتنا نخاطب النساء الاجنبيات في كل شي

او في غير القسم الاسلامي والنقاشات الجاده

وبحدود ... وكلن باصله يعمل

والحمدلله اللي مانرضاه لاهلنا مانرضاه لغيرهم

والله يعنينا على كل خير

تحياتي , نايف بن نايف [/color][/size]

[color=red]نسأل طال عمرك لانه من القوانين ذكر صاحب القصيده [/color]
[color=red][/color]
[color=red]وانت ماانت مجبور ترد على النساء على قولتك [/color]
[color=red][/color]
[color=red]ومشكور على غاريتك واذا كان هدفك الاختلاط عندك منتدى الهيلا مافيه نساء تاخذ راحتك اكثر [/color]
[color=red][/color]
[color=red]بارك الله فيك ..[/color]

[size="5"][color="red"]اعتقد فيه مشرف هو المسئول

اما بالنسبه للمنتدى فاقسم بالله اني اريد به كل خير

ولا اريد ان يكتب عنه شيء سيء ويذكر بسوء وان وقف احد ضدي في هذا الموضوع

سوف يحدث مالا يحمد عقباه ويسذكر الجميع بالسوء وانا اولكم

اتمنى من الجميع مراجعة قوانين وشروط مشاركة الفتيات في المنتديات المختلطه

واسال الله ان يرفع قدرك وينور دربك بالايمان

شكرا جزيلا [/color][/size]

[size=5][color=purple]صح السان الشاعر سلطان الهاجري[/color][/size]
[size=5][color=purple]ولاهنت على النقل يانايف[/color][/size]