منتديات عتيبه - رد الشمري على قصيدة العتيبي

[color=#000000][align=center][size=7]بسم الله الرحمن الرحيم [/size][/align][/color]
[color=#990000][size=5][align=center]هذه أول مشاركاتي في هذا المنتدى الشامخ والعريق وهي [/align][/size][/color]
[color=#FF0000][align=center][size=5]للشـاعر / نايف بن بندر بن محيا العتيبي 000 ويقول[/size][/align][/color]

[color=#990000][size=5][align=center]من لايخاوي شمر الجـود غلطـان
من غير نقص في جميـع القبايـل
خويهـم والله مايبلـش بالأحـزان
اليا نخاهـم يصبـح الهـم زايـل
خويهم يحظـى بتقديـر واحسـان
مع حشمه وتقديـر للفخـر نايـل
شمر هل الطولات لاقيـل فرسـان
وقت السيوف المرهفه والأصايـل
شمر طنايا يوم زيغـات الأذهـان
عدوهـم شـاف النجـوم الهوايـل
شمر اليا قلنا هل السيف شجعـان
قالوا : نعم صادق اشيوخ الحمايـل
شمر لهم تاريخ في ماضي الأزمان
فيه أطيب العربان تضـرب مثايـل
وبوقتنا الحاضر بهم بوش بلشـان
وروا علوجـه فالعـراق الهوايـل
شمر هل النوماس في وقت الأكوان
اللـي يـردون الملايـل غلايـل
الابه اللي ذكرهـم للعـرب بـان
ياكـم ثنـوا لاصيحـن الحلايـل
شمر مقر الجـود للجـود عنـوان
لايابعد حي العـرب ياهـل حايـل
شمر سناعيس على الضد بركـان
يشهد لهم فعـل السنيـن الأوايـل
بنوا اشعار الجود في طـي بنيـان
لو زالت الضلعـان ماهـو بزايـل
شمر لمن يشكي من الضيم مزبـان
لاصارت الحيـلات عنـده قلايـل
والله لايرجع بعد الأحزان فرحـان
ينزاح حملـه بعـد ماكـان مايـل
قول على حـق ودلايـل وبرهـان
يشهد له التاريـخ والشـك زايـل
مهما كتبت بشمـر الجـود قيفـان
ماني ملحق ذكـر كـل الخصايـل
ماقلت غير الحق والحـق سلطـان
قلت ومعي حجـه وكـل الدلايـل
وأنا من الهيلا هلا الطيـب عتبـان
زبن الدخيل وعوق مخطي وعايـل
في ساعة فيهـا يتسـاون الأثنـان
المـوت والا نكستـي بالجمـايـل [/align][/size][/color]

[color=#FF0000][size=5][align=center]وهذا رد الشــاعر / نهير بن نمـش الحسينــي الشمـري 000 ويقول[/align][/size][/color][color=#990000][align=center][size=5]هات القلم واكتب جديـدات الأوزان
واكتب سلامي في جديـد المسايـل
وصل سلامـي والتحايـا لحـوران
حـر تعلـى فـوق كـل الطوايـل
نايف ولـد بنـدر سلايـل كحيـلان
ابـن محيـا ياعـريـب السـلايـل
البيت مايبنى علـى غيـر سيسـان
للعـلـم نـقـال وللـقـول قـايـل
وانا دليلـي ياهـل العـرف مليـان
مليـان بعلـوم الصخـا والشكايـل
عليـك بالعتبـان ياصـرت بحـلان
لاسكـرت دونـك جميـع الوسايـل
عتبـان ياقلنـا كــلام بحسـبـان
عتبـان ستـر منقضـات الجدايـل
عتبـان لاصـارت عجـاج ودخـان
يردون علم المـوت علـم صمايـل
عتبان لاصار الحكي شيـئ وكـدان
عز الخوي لاشـاف حـر الملايـل
عتبان لاعدوا هل الطيـب والشـان
مـع اول العربـان قـول وفعايـل
عتيبه كمـا سيـل محاديـر جيـلان
لاساقـه المولـى كريـم السبـايـل
أهل النقا والجود فـي كـل ميـدان
أهـلا الحميـا والعلـوم الجزايـل
للخايف المضهـود عـزوه وخـلان
وللخايف الموت الحمـر والغلايـل
وماسب انا العـرب ظلـم وبهتـان
كـل القبايـل لـه فعـول ثقـايـل
وحنا الطنايا ماكـر الجـود يافـلان
لاعـودت للسيـف قـدح وفتـايـل
الذيـب عشينـاه حيـل وخـرفـان
للطيـب نتعـب ومانـدور بـدايـل
وهذا مـردي فيـه شكـر وعرفـان
للابـه اللـي كـل فعولـه جلايـل
لروق مـع برقـا شبـاب وشيبـان
من غير خص في فـروع العوايـل
والمعذره وان كان كان بالقاف نقصان
منـك السموحـه يارفيـع النزايـل
تم الكـلام وزبـده الهـرج نيشـان
ورد الجمايل حـق لأهـل النفايـل
وصـلاة ربـي عـد مـاهـل ودان
على الرسول اعداد عشب الخمايـل [/size][/align][/color]

[color=#FF0000][align=center][size=5]صح لسان الشاعرين العتيبي والشمري ولايهونون باقي القبائل كلن بحقه
للجميع شكري وتحياتي[/size][/align][/color]