الحـــــــــــــــــظ
 

[poet font="Simplified Arabic,4,black,normal,normal" bkcolor="transparent" bkimage="backgrounds/6.gif" border="outset,4,gray" type=2 line=200% align=center use=ex length=0 char="" num="0,black" filter=""]
بسم الله الرحمن الرحيم


اخواني زوار واعضاء هاذا الصرخ الشامخ

صبحكم الله بالخير ومساء البختري والقحويان

اليكم هذه المشاركه ونقدكم لا عدمتكم

كم من جبيناْ كل وقته تباشير=حظه يغني له على طرق ورقا
وكم من وجيهاْحظها قاعة البير=لوهي وجيهاْفي المواقيف عرقا
ارقى در ج والحظ ينزل اصنصير=ينزل وانا من عادتي لازم ارقا
حظاْيعاكس خطوتي وين ما اسير=لامن بغيت الغرب ينحاز شرقا
حظي بوقتي صار مثل الأعاصير=بينه وبين الزين مليون فرقا
قصة عتيبياْجرى له تعاسير=قلبه مع الروقه وعينه لبرقا
انا وحظي سالفة راعي الطير=ياطير ابن برمان فرقا وفرقا
طيراْمن اكبار الطيور المشاهير=اللي لها بين المناعير طرقا
غذاه ابن برمان وبكل تبذير=طرحة يده ماجاه نهباْوسرقا
تعب عليه ودبره خير تدبير=وسرح بطيره يدرق الصيد درقا
وفكه بغاه يصيد ويجيب له خير=وعود عليه بحية الغار زرقا
حيه وصار لنابها فيه تغزير=تدفق بسم ازرق بلغ كل عرقا
وداخل وريده صار للسم تأثير=سماْ زرق في داخل القلب زرقا
طيراْ ذبح راعيه قصه وتصوير=اعروق ابن برمان بالسم غرقا
وده يصيد وراح فيها مقادير=مات وعليه اقلوب اهاليه حرقا
وياحظ ياللي نازلاْ بالأصنصير=متى ياحظي تلتفت لي وترقا؟
[/poet]

الا خ الصعاق صح لسانك على هذه القصيده الجميله

وأتحفنابمالديك من قصايدك الجميله وقصايد الشاعر مخلد الصعاق ترانا شفقين على



قصايده بلحيل

صح لسانك أخوي الغالي الصعاق



إنشاء الله نشوف منك اكثر واكثر


تحياتي لك

أخوك ذعار