قصيده مطـير وعتيـبه وشاعر المـليون <<< مطيـري ويبيكم بكلمه راس يا عتيبه
 

[align=center]يا اداره اتمنى قرائه الموضوع بالكامل وليس حذفه من عنوانه








اول شي مساكم الله بالخير يا عتيبه

ثاني شي كلنا عرفنا برنامج شاعر المليون وعرفنا وش اللي سبب بين القبايل

لكن الغريب والمستغرب مطير وعتيبه

هالقبيلتين الاكثر ترابطاً

هتيبن القبيلتين التي يربط بينهما أكثر من صله رحم

طبعا ما احد منا ينكر كثره المعارك والمناخات بين هالقبيلتين

وان كان في قبيلتين يشتهرون بالشجاعه فهم مطير وعتيبه ومهو والله قصور (ن) بالقبايل الثانيه

ولو سألت اي واحد من الشيبان وقلتله وشهي اكثر قبيلتين تحاربوا مع بعض قالك مطير وعتيبه

واذا قلتله وش اقرب قبيله لمطير قالك عتيبه

وان قلتله وش اقرب قبيله لعتيبه قالك مطير

ابي أسألكم يا عتيبه

كم عتيبي خواله مطير

وكم مطيري خواله عتيبه

يا عتيبه المطيري منا يدور على العتيبي لا راح مكان غريب والعتيبي يدور على المطيري إذا راح مكان غريب
^
^
^
^
^
ابفسرلكم وش اقصد

نقول مثلا مطيري يشتغل بالجيش وانقلوه لديره مهي بديرته

اول ما يجي لمكان دوامه بالديره اللي هو رايحلها ينشد ويقول (( فيه مطيري إهنيّه ولا لا )) إن قالوله لا رد وقال (( طيب في عتيبي بهالمركز ولا لا ))

وهالكلام ما اقوله من عندي لا والله الا شي (ن) صاير وكلنا نعرف هالشي

ما أحد كان يتوقع ان بيوم من الأيام مطير وعتيبه راح يوصلون لدرجه الكره اللي صاير (ن) الحين

لكن نبي نوقف ونسأل نفسنا وش السبب

شاعر المليون ؟؟؟؟؟؟؟

هل تعتقدون ان القائمين على شاعر المليون فكروا وش اللي يبي يصير بين مطير وعتيبه

هل المحاوره (( القلطه )) هي السبب الرئيسي لهذه المشاكل ؟؟؟

كلنا نعرف ان اقوى المحاورات في الوقت الراهن بين تركي 2000 وملفي المورقي

ولكن الذي نجهله مدى قرب هذين الشخصين من بعضهما

ام هناك سبباً اخر ؟؟؟؟؟؟؟؟؟؟؟؟؟؟

هل اصبحت قبائل الشمال والجنوب الاقرب لعتيبه من مطير

هل اصبحت قبائل الشمال والجنوب الاقرب لمطير من عتيبه

لماذا وكيف ومنذ متى ؟؟؟؟؟؟؟

أسأله كثيره لم نجد لها جوابا يقنع اصحاب العقول الرزينه

^
^
^
^
^
كل اللي طاف كلامي أنا يا عتيبه (( كلام ابن معزي المطيري ))

واتمنى ان اجد منكم الاجابه الشافيه

ولكن سبب تنزيلي لهالموضوع

هي قصيده للشاعر تركي الديحاني المطيري

والتي تتحدث عن حال مطير وعتيبه

وتتحدث عن اللي يجب ان يحصل بين هتين القبيلتين الكريمتين العريقتين المتقارتين

والحين بخليكم مع القصيده يا عتيبه


[poem=font="Simplified Arabic,6,chocolate,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياشاعر المليون حطمت الامـال=منت الطموح اللي نبيه ونريـده

سببت لك فتنه على روس الاقذال=وراحت ضحياها القلوب البليـده

ناسٍ تحسب المسأله ساحة قتال=وكلٍ على الثاني يحد الحديـده !!

ياناس ياعالم هذا الحكي بطـال=والمسأله مغيـر ذوق وقصيـده

الشاعر اللي يعجبك كـل ماقـال=ارسل على شانه رساله وحيده !!

فزعاتنا ماهي بتصويـت جـوال=فزعاتنا حطّت حكومه رشيـده !!

حنا قبايل نجـد ذربيـن الافعـال=اصغر ورع فينا عن امية وليـده

وياعتيبه الهيلا صناديد الابطـال=حنا مطير اهل العلـوم الفريـده

حنا سما عالي كما الغيث همـال=وانتو الجبال الراسيات الشديـده

وانتو فعايلكم تـدرّس للأجيـال=وحنا وصلنـا للنجـوم البعيـده

رجالكم على العدو سيف سـلال=ورجالنـا دايـم عـدوّه فقيـده

انتم وحنّا كالبناخي مـع الخـال=الطبع واحـد والعلاقـه وطيـده

مطير وعتيبه تقل نسـل رجـال=كل البدايـد تعتبرنـا بديـده !!

وان عودت شعر وقوافي ومـوال=انتم عواميـده وحنـا رصيـده

شعاركم اهل الجزالـه والامثـال=وشعارنا الشعـر نفسـه تزيـده

فيكم حبيّب والفحل ابـن هـذال=وفينا سعد سلطان وتركي الوليده

شعار صح وابياتهم كلها اجـزال=وقصيدهم يزيد سعـر الجريـده

نبقى على روس النوايف والاقذال=وياشاعر المليون ماهي جديـده

مطير والعتبان حطّـووك بالعـال=ومن دوننا رصيدكم عالحديده ؟! [/poem]
واتمنى من اداره منتدى عتيبه حذف اي رد غير لائق

ولا تنسون يا عتيبه تراني ضيف عندكم

واللي اعرفه من يوم اني صغير ان عتيبه ومطير تكرم الضيف ولا ترضى له بالمهانه

وانا ضيفكم يا عتيبه وبشوف انتم تكرمون الضيف ولا تهينونه بالردود

^
^
^
^
واسمحولي على اخر سطر كتبته وتراه مهو قصور (ن) فيكم لكن كتبته عشان ما أحد يجي ويتلفظ وعشان يحط قدام عينه عتيبه واكرام الضيف


واتمنى اني ما طولت عليكم يا عتيبه

اخوكم ابن معزي المطيري[/align]

والنعم فيك يابن معزي وكذلك النعم لحمران النواظر وكلامك طيب وجميل ولكن مثل هذه المواضيع هي مدار جدال واختلاف بين الناس خاصة عند طرح الموضوع عبر الانتر نت حيث يوجد الصالح والطالح والسفهاء كثر قي كل القبائل اما ماقلته فهو عند العقلاء هو الواقع ونحن اخوه واصحاب وجيران والله يحييك في منتدى اصحابك والضيافه ماهي عبر النت شوف اقرب بيت عتيبي واقلط عنده ان ما أكرمك وعشاك والا عشاك عندي مروبع ومثومن ههههه

كلامك عين العقل يا كحيلان


لكن يجب علينا الحد من هذه الظاهره الغريبه والمستغربه بين هتين القبيلتين على الاقل في منتدياتنا اما منتدى قبيله عتيبه او منتدى مطير


وقول وفعل يا العتيبي وانا ما عندي شكه بكرمكم

لا وازيدك من الشعر بيت تراني يلحقني عرق عتيبه

عتيبه خوالي صحيح مهم بخوالي لزم لكن خوال جداني هم خوالي يا العتيبي

وانا اعتبر نفسي راعي مكان لان عتيبه خوالي

وبيض الله وجهك يا كحيلان على هالرد الجميل اللي يدل على رزانه عقلك يا القرم

[color=#000000]
[size=4]
[font=Arial]القدير .. [color=#FF0000]ابن معزي [/color]..

اولاً صح لسان شاعرها واستمتعت بها كثيراُ هنا وهناك ..

تنم عن فكر راقي وحكيم ..

ثانياً تسلم هالانامل على هالنقل الجميل لاهنت ..

وعتيبه ومطير معروفين بقوة صلتهم بعض ..

من نسب .. وصداقهـ .. وجيره طيبهـ ..

والسفهاء كثير .. والعقلاء اكثر وراقين بفكرهم ..

ومترفعين عن هالنعرات القبليهـ ..

وبصراحهـ بنظري لا شاعر المليون ولا اي برنامج ..؟؟

يقيم او ينتقد اويرفع من شان شاعر ..

فالشاعر شاعر ...

لك التحايا ..

الشامخهـ ..

؛

[/font][/size][/color]

ابن معزي

أولا ً /حياك الله وبياك بين أخوالك

ثانياً / سلمت على هذه البادره النبيله

التي إن دلت فإنما تدل على العقل الراجح

واالتفكير السليم

وحسن التعامل ونبذ التفرقه في مجتمعا

لله درك

نحن بحاجه ماسه لهذا العقل المتزن

فأنت من طرفك ونحن من طرفنا نتعاون لنقمع المتخلفين من الطرفين

وأعتقد أن من يتكلم من القبيلتين الا طفل لا يفقه شئ

لأنا إذا رجعنا للحقيقه كلها شبكه عنكبوتيه فلا مدح ولا ذمح راح يفيد المادح ولا ذم راح ينقص من قدر المذموم

بارك الله فيك أخي على هذه اللفته الأخويه والبادره الكريمه

التي تدل على ماوصلت إليه من رقي فكرك ونضوج عقلك

دمت أخي نبراساً يقتدى به

تقبل فائق الود من أختك

حنين الماضي

[color=#FF0000][size=3]واتمنى من اداره منتدى عتيبه حذف اي رد غير لائق

وياعتيبه الهيلا صناديد الابطـالحنا مطير اهل العلـوم الفريـده
حنا سما عالي كما الغيث همـالوانتو الجبال الراسيات الشديـده
وانتو فعايلكم تـدرّس للأجيـالوحنا وصلنـا للنجـوم البعيـده
رجالكم على العدو سيف سـلالورجالنـا دايـم عـدوّه فقيـده


صح لسانك ولسان الشاعر وعلي نقل



برنامج شاعر< مليون لا هذا عاد برناج ستثماري وغير كذاا سبب فتن بين قبايل لفايدة ولغيرة

مجني لنا غير خساير وفتن وتعصب

لكن انا خوك ولللة مردن عن برنامج غير حميا علي بن عم


اطمن مارح تلقي لفظ غير لايق فنت بمنتدي عتيبة ان خوك

وحياك اللة
بين اخوانك[/size][/color]

ابن معزي بيض الله وجهك على الموضوع وهو يدل على رجل واعي يميز بين الفرقة والجمّعة
ونحنو نحتاج إلى التجمع تحت مظلة الاسلام في ظل حكومة خادم الحرمين الشريفين أطال الله في عمره
وبالنسبة للمعارك التي حصلت بين عتيبه ومطير في الماضي لها ظروف ومسببات والحال تغير وظهر جيل واعي ومتعلم يراعي الله في جميع تصرفاته بعيد عن الجهل . ولكن للاسف يوجد بواقي للجهل والتعصب الذي لا فائدة منه
وأتمنى من كل ذي عقل أن يعرض عن من يعترضه من الجهال . وهو ليس بملزوم بأن يرد على كل جاهل يشيع التعصب الجاهلي .
وحكمة الله عز وجل من جعل الناس شعوب وقبائل للتعارف فقط لا لتناحر والتباغض . ويجب على المسلم والمسلمة أن يحبوا لله ويكرهوا لله .،،،،،،،،،،،،،،،،

الحميه وراده الله لايعوق بشر

بس والله ان القلوووب نظاااااااااف

حيـــاتي مع الثبتان .. اهل الداهنة

لاشاعر مليون ولا مليون تركي يهز علاقتهم في ولا يهز علاقتي فيهم

ناخذها مزووح يابن معزي ..

بيض الله وجه قايلها وناقلهــا

وقــــــــــاريها

شكرا على الموضوع الرائع
وانا اثبت ذالك لان المطران يقربولي
ما انكر ذاللك
وشكـــــــــــــــــــــــــــــــــــــــــــــــــــــــراعلى الموضوع مره ثانيه

[align=center][B][size=4][color=#00008B]ابن معزي
انت ضيفنا وضيفنا على راسنا
وكلامك عين العقل
[color=#FF0000]......................................[/color]
العصبية القبلية تعيشك في جو من الحب المفرط والكره المفرط
[color=#FF0000]......................................[/color]
وانا اقول الشخص العاقل يكسب الناس باخلاقه الطيبه
ويصير قلبه ابيض للجميع
ولا يبني وجهة نظر سيئة عن قبيلة ما بتصرف خاطئ من احد ابناءها
او بناتها
[color=#FF0000]......................................[/color]
بالنسبة لعتيبه ومطير
هالقبيلتين متقاربات وبينهم نسب وصلة رحم كبيرة
عيال عمي خوالهم مطران ... جدي خواله مطران ... عيال واحد من خوالي خوالهم مطران ... وكثير كثير
وبينهم جيره
[color=#FF0000]......................................[/color]
وشاعر المليون .. اكتشف الناس انه كان سلبي في تأجيج النعرات القبلية
بين القبائل
[color=#FF0000]......................................[/color]
ومن منتديات عتيبه نطلقها دعـــــوة للمحبة
[color=#FF0000]......................................[/color]
احلى تحية لك يا ابن معزي على القصيدة الراقيه
واسلوبك الراقي
وطرحك الهادف الاصيل
[color=#FF0000].......................................[/color]

اخوك
بيطـــــــار نجــــــد[/color][/size][/B][/align]