منتديات عتيبه - عمار يالهيلا عمار

[poem=font="Simplified Arabic,4,darkblue,bold,normal" bkcolor="white" bkimage="backgrounds/15.gif" border="outset,6,orangered" type=0 line=0 align=center use=ex num="0,black"]

قريحتي سمي وهمـي وافزعـي سـر وجهـار=هبت ذعاديع الهجـوس تـودي البـال وتجيـب
تجـودي فيهـا وعنيهـا مثـل عـن المـهـار=الليله الماقف صعيب ولا علـى مثلـك صعيـب
وارقي سنود وشرفـي روس المراقيـب ادهـار=ماابغى بيوتي بيت بيت ابغى بيوتـي ذيـب ذيـب
وان كان شعري مابزغ كالشمس في وضح النهار=يالله عسى شمسه تغيب وشمس من قاله تغيـب
والله مالـه ذمـه ويبقـى علـى راعيـه عـار=ان ما شرح صدره وفل الطرق لعيـون القريـب
شاعر مع الجزله لزمت العهـد وموقـع قـرار=اشوم عن مد الندم واضرب على الهزله صليـب
ما جيت ابمدح لابتي وهيـه علـم فاعـلاه نـار=وشلون ابمدح وادري ان المدح للمـدوح عيـب
لكني انبت ضلع وانبـت ضلـع واحـس بوقـار=ا خلد التاريخ شعـري ولـه فاللابـه نصيـب
ومثل ماحمض الرجـال اعـلام والدلـه بهـار=حمض القصيد اللي على ربعي يزيد الطيب طيـب
يا مرحبا منهـا تراحيـب الحيـا تبطـي تغـار=ثقل الجبل غلي الذهب لون البرد طعـم الحليـب
عمـار يالهيـلا مـع الأيـام يالهيـلا عـمـار=يشيب صيت الناس فالدنيا وصيتـك مـا يشيـب
يالهيبه اللـي ماعلـى تاريـخ هامتهـا غبـار=يعلم بها اللي فاقـدن لبـه قبـل علـم اللبيـب
يا المجد ابو سيره نموت وروحها تقـدح شـرار=تمجدت بام السبيب وشـذرة السيـف الخضيـب
يالعز ابـو قنـو المراجـل كلهـا قنـو البكـار=ملبوسه خصال الفضيله من عريب ليـا عريـب
نقول السنا خير مـن ركـب المطايـا فالقفـار=واشد واندى العالمين بطون راح ومـا الغريـب
ونزيدهـا لطامـة العايـل و ذبـاحـة حــوار=ويعيدها من يعلـم ان الله علـى قولـه رقيـب
حنا السعد يوم الوعد لاصار فالدعـوى وصـار=النار في جوف الحطب والعلم فـي حـر اللهيـب
اليا زعلنا من غضب بركـان واعصـار ودمـار=وليا ركدنا مـن رضـا ودان ديـم ورش طيـب
للضيف عين فراش والاخرى غطى والقلـب دار=يعني نضيف ضيفنا فارواحنـا لـو هـو غريـب
وليا دخل فوجيهنا مـن جـار وقتـه واستجـار=في ذمتي عن علته يلقـى الـدوا عنـد الطبيـب
وليا انتخى من صكته بقعا مـن يميـن ويسـار=قدام لا يكمل عتيبي بـس كلمـة يـا عتيـبـ..
نصير له يمنا الرضـاء ونحلهـا حـارن بحـار=وتقـر عينـه ويتهنـى بالـه ونفسـه تطيـب
وان كانها بانساب واحسـاب وتفاخـر واعتبـار=حنا خوال المصطفى ... صلوا على روح الحبيـب
وان كبر القاله سفيـه يطـق راسـه فالجـدار=وهبه من الله ماوراهـا طلبـه ودعـوى طليـب
واخذوا علي وسجلوا ما جيت اقولـه باختصـار=هالكلمتين اللي على ظنـي وظنـي مـا يخيـب
والله لو يدري جنين انـه ضنـا نسـل الحـرار=من لايمه لاشق بطن امه قبـل تسعـه تصيـب
من فرحته مـاوده يفـوت علـى عمـره نهـار=وده يعيش اكبر قدر ممكن مـع العـز الرحيـب
وانتم يالاد نفاع ربعـي عزوتـي تـاج الوقـار=نعم السند روح السعد ريف الخوي سقم الحريـب
تكفون وانتم قدهـا واهـل لهـا قـول وقـرار=توحدوا في قلب واحد مـن بعيـد ومـن قريـب
وبنجتمع بقلوبنا فـي قلـب ابـن مقعـد نـوار=مثل اجتماع قلوبنا في قلب ابـن حجنـه شبيـب

للشاعر : راشد العتيبي (كلاش)[/poem]