يا ناس خلوا كل واد(ن) ومجراه ,,, لابن سبيل الباهلي
[poem=font="Simplified Arabic,4,red,normal,normal" bkcolor="white" bkimage="" border="outset,4,red" type=0 line=0 align=center use=ex num="0,black"]
ياالله يااللي تسجد الناس لرضاه=ياوامر ٍ خلقه على حج بيته تفرج لمن سده على الناس ما ابداه=راضي على مقسومك اللي عطيته من شي يسل الحال والجسم يبراه=والناس مايشفونه ان ما شفيته قلت آه واجرحاه من علتي آه=وان حملوني حمل غي ٍ قويته قالو سفا بالحال ويش اللي اغواه=قلت آه ويش المنكر اللي وطيته قالو جهلت وبان علمك لمنهاه=قلت اه علمي ياملا ما كميته قالو طلبنا لك من الله معافاه=قلت آه وحدته وعفوه رجيته قالو هله واحباب عينه نصحناه=قلت آه هذا واردٍ مابغيته قالو ندور لك من البيض حلياه=قلت آه لو غيره بكفي رميته قالو نشاش العُود مالك بلاماه=قلت آه عُود الموز بيدي لويته قالو تزوج كود تدله وتنساه=قلت آه لو خذت اربع ٍ مانسيته قالو من اقصى الناس وين انت وياه=قلت آه ما انسى يوم جاني وجيته قالو نشوفه عند هذا وهذاه=قلت آه عمره ماعقب حج بيته قالو عليل وناقل ٍ داه برداه=قلت آه باقرابي وروحي فديته قالو نشير ولا نفع ماحكيناه=قلت آه هراّج النمايم عصيته قالو كثر شيبك وقلبك بعمياه=قلت آه لوقلبي غرير ٍ نهيته مطاوع ٍ قلبي بعجفاه وقداه=والى عطى منهاج درب ٍ عطيته ياناس خلو كل وادي ومجراه=قلتو كثير وقولكم ما لقيته[/poem] قصيدة رائعة وعفيفة لعبدالله السبيل رحمه الله |
تسلم يالحزيمي على اتحافنا بهذه القصيدة الرائعه لابن سبيل
تحياتي |
بجد ماقصرت اخوي الحزيمي
ذوق وذائقه تشكر عليها الله يعطيك الف عافيه بارك الله فيك |
[align=center]يعطيك العافيه
وقصيده رائعه , ونقل رائع تحياتي[/align] |
[align=center][size=5][color=#FF0000]شكراً لك يالحزيمي على النقل المميز
ورحم الله الشاعر / عبدالله بن سبيّل الباهلي[/color][/size][/align] |
جميع الأوقات بتوقيت GMT. الساعة الآن 04:29 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها