~~مذكراتي واحاسيسي ~~
 

السلام عليكم ورحمة الله وبركاته

ترددت الف مره قبل اجي اكتب هنا لكن قلت يابنت مشوار الالف ميل يبتدي بخطوه >>بدت الفلسفه

اعرفكم بنفسي

الاسم :............. الشمري
العمر :23 سنه
الهويات : اكتب شعر لكن كله مكسر وانا اعتبر هالشي ميزه فيني مثل ما يقولون خالف تعرف نمشي عكس السير
طموحاتي :لا تضحكون على طموحاتي من يوم كنت صغيره وانا عندي طموح اني احرر فلسطين >>>بتقولون هالبنت غريبه ومقاتله هههه
لكن من جد قلبي يتقطع على فلسطين وقبلها لبنان والحين العراق زي ما تقولن شايله هم هالامه
لكن الحين تغيرت طموحاتي يمكن عشان تغير الوقت واحس هالطموح ما راح يتحقق
طموحي قبل فتره اني اسجل بمنتديات مسيحيه عشان انشر الاسلام بينهم طبعا هالمنتديات العربيه بس حسيت اني ما راح اقدر يمكن لاني مو متزوده بالعلم الشرعي كثير مثل علماءنا الله يحفظهم وخفت انهم ما يتفهموني ويغلطون على الدين وانا ما راح اقدر ارد عليهم عشان ما اشوه سمعت الدين ولا كان املي اني اخدم ديني على الاقل لو خلال قعدتي على النت

اهدافي : اهدافي واجد بالحياة واهم هدف عودة الكرامه العربيه وان ربي يرزقني واتبرع باعضائي لو بعد الوفاة او حتى قبلها ماعندي مانع

مؤهلاتي الدراسيه :خريجه جامعيه تخصصي فيزياء >>>اللي عنده وظيفه لي:)
واحب اقولكم معلومه ترى دراستي ماثره علي واجد يعني الفيزياء من كثر ما درستها احس تفكيري فيزيائي ودايم اتكلم بقانون نيوتن حتى باامور الحياة العامه
اذا جاء احد قالي صار معي كذا ولا فلان قالي كذا قلت له بدون شعور وش يقول قانون نيوتن الاول لكل فعل درة فعل مساويه له بالمقدار ومعاكسه له بالاتجاه وبنفس القوه

وش اقولكم عني بعد ايوه

كتبت هالصفحه عشان يجي يوما ماء وارحل لمكان ماء يجي شخصاً ماء ويقراء مذكراتي
نسيت اقولكم ترى اللي بكتبه بعض الابيات لي وبعضها من انتقائي
وهالبيت يعبر عني ومن كتابتي
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياشينها لا صرت تضحك وانت بداخلك جرح = وياشينها لا جيت تبكي ولا تلقى لك مكان [/poem]
اختكم بنت شمر الطنايا :3:

اول بيتين بحطهم تعريف عني وبعدها بحط كل مره صفه من صفاتي طبعا من كتباتي المتواضعه وطبعا شمس هو لقبي الشعري بالمنتديات اللي هو شمس القصيد وانزل فيه احيان

هذي الابيات فيها شوي عزه وفخر ونوعا ماء غرور


[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
انا تراني للقصيد الجزل شمس=بنت الطنايا الشامخين السناعيس
الكل يسمع لي ولو شعري بهمس=وصيتي تعدا فالشعر صيت بلقيس[/poem]

[URL=http://topics.y4yy.com/][img]http://www.up-00.com/s3files/jU019363.bmp[/img][/url]

توته اختي اغلى شخص علي بالكون عمرها ثلاث سنوات اموت بلقافتها وشقاوتها ودلعها وكتبت فيها الحين ثلاث ابيات


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اغلى خواتي ياناس علي توته = تعدت بغلاها يابشر نظر عيني

اضاحكها ودمعات عيني مكبوته = بشقاوتها لحزني وهمي تنسيني

هي اول واخر واحلى حتوته = عشتها انا با اجمل ايامي و سنيني [/poem]

انا احب فزاع واجد واحب قصايده وهالقصيده تعجبني واجد احسها معبره واجد انا كنت اسمعها اغنيه لمحمد عبده بس الحين الحمد لله ربي هداني وصرت ما اسمع بس تعجبني كلمات هالقصيده

















































[URL=http://topics.y4yy.com/][img]http://www.up-00.com/s3files/Ad852235.bmp[/img][/url]






[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
فمان الله يا دربٍ على الهجر يتحراني=خذاه الوقت من جنبي ولا جاني ولا جيته

قصيدي يا قصيدي يسكن في قلبي طرف ثاني=قبل يسكن بيوتي جنه وتمسي عفاريته

تعال اسأل نجوم الليل يا هاجر من ألهاني=وانا أعلمك بالوقت الطويل وكيف قضيته

بغيت أقوى على بعدك وراح الصبر ما أمداني=أهز الشوق وان طاح الوله بالحضن ضميته

ربيعي يا خريفي يا شتاي و صيفي الهاني=تراك انته الفصول وهجرة الشعر وتشتيته

فضت كل الشوراع ما لقيت الليي يترياني=مثل طفلٍ طلع يلعب ورد وما لقى بيته

تحداني تحداني حبيبي لا تحداني=أنا لولاك لحن الهجر والفرقى ما غنيته

تمنيتك وقلت في خاطري ليته تمناني=وانا ما كل واحد شافته عيني تمنيته

على كيـفك تذكرني على كيـفك تناساني=وانا طاريك ولا في يوم في قلبي تناسيته

زرعتك وردتن حمرا تزين كل بستاني=دفنت القلب في تربة مشاعرنا وخليته

انا المجني عليه اللي يقدر طعنة الجاني=لأن جرحه يذكرني بطاريه لاحسيته

فمان الله يا دربن على الهجر تحراني=خذاه الوقت من جنبي ولا جاني ولا جيته[/poem]

صباح الخير

اولا احب ارحب واحيي كل من مر على متصفحي واقولهم مروركم اسعدني

ثانيا بقولكم ليش انا سجلت بها المنتدى الراقي

انا بدت حكايتي مع المنتديات القبليه تقريبا من اربع او خمس شهور تقريبا لاني قبل كنت اكره شي اسمه

منتدى قبلي ليش مدري حتى صديقتي تقولي سجلت بمنتدى قبيلتنا اضحك عليها واقول مسجله هناك وع بايخ

احس اذا اجتمعو عيال اي قبيله بيخرب المنتدى المهم ما اطول عليكم

صارت لي مشكله في منتدى وضاق خلقي وحسيت اني غريبه وش تسوين يابنت وش تسوين قلت المنتدى طلب

اهله وفعلا انخى العم قوقل ويوديني لاهلي وسجلت عندهم اول يومين كرهت المنتدى قلت وش جابني عندهم

بعدين وربي انبسطت بمنتدى هلي حسيت ان الدنيا ما تشيلني تحس انك بين اهلك من جد وما تكلم غير ولد العم

بنت العم تحس انهم يفهمون عليك تفهم عليهم همومكم وحده خصوصا اذا جاء احد تكلم باللهجه البدويه اموت

على هاللهجه والمهم انا والمنتدى كر وفر

وكل يومين والثاني ولا جاينا ضيف من عتيبه ومسجل عندنا وانا وربي مو مجامله اعز قبيله عندي عتيبه

وادري ان الشعور متبادل والله يديم المحبه

قلت يابنت ليه ما تروحين تسجلين عندهم مثل ما هم يعزونا ويسجلون عندنا حنا بعد نعزهم ونبي نسجل عندهم

وانا انخى العم قوقل مره ثانيه ويوديني لديار الهيلا اول رابط فتحته كان مظلم وخفت وانا ادخل ثاني رابط واجي

عندكم قعدت اتصفح شوي المنتدى اسجل ما اسجل اسجل ما اسجل بيتقبلوني ولا ما يحبون احد يدخل عندهم

ياترى انا قد اني امثل قبيلتي واسجل عندهم ولا لا المهم قدر الله وضغطت التسجيل وطلب مني نك عاد انا قعدت

فيها وش احط نك انا شخصيتي ما احب لا نكات الدلع ولا الغرور احب النك الهادي اللي يفرض نفسه

بما اني شمريه قلت بسجل بنك يدل اني شمريه وجايه ضيفه عند الهيلا

طبعا من النك تبين طبيعة الواحد >>>بدت الفلسفه

وقعدت اكتب من هالنكات وامسح اكتب وامسح مره اكتب الشمريه واحس انه بايخ وامسحه مره اكتب شمريه

ومسجله عشانهم واقول عيب لازم يكون نك زين قلت اسجل باسمي فلانه شمر ولا الطنايا قلت عيب فيها قبايل

وش تسجلين وش تسجلين قلت بنت شمر بس وش احط السناعيس ولا الطنايا قلت الطنايا له رنه اكثر وسهل

للكتابه ونك حلو واعتمدنا النك وسجلنا وانا خايفه من ردة الفعل احد بيتقبلني ولا لا قلت هم اهل الكرم

رحت لترحيب ونزلت موضوع ترحيب فيني وكل شوي ادخل القسم اشوف احد رحب ولا لا وتجي شموخه

وترحب فيني وكانت مستانسه ياعمري وانا انبسطت ويجي المدير ناصر ويرحب ويقولي شمر تقول لقينا

بالعتبان خمسة عذاريب انا هنا قعدت فيها مدري وش القصه وش عذاريبوه وانا اروح لقوقل وقالي كل القصه

وش سوا العتيبي ومو مستغرب من عتيبه هالشي ونزلت القصه كني مسويه شي جديد ويجي ويقول مكرره قلت

بقلبي يالفشيله واحس وجهي طاح بس قلت ما يخالف

الحين جاء دور اني انتشر بالمنتدى و اتعرف على العالم واصير عضوه فعاله بالمنتدى رغم اني خجلانه شوي

تعرفون غريبه والمثل يقول ياغريب كون اديب وطبعا اكثر شي حسيت اني بتعرف على العالم منه قسم الالعاب

والمواضيع الفكاهيه وفعلا صرت اتعرف هناك وصار فيه عضوه موجوده اسمها بنت شمر الطنايا وشوي

شوي صرت ادخل الاقسام رغم اني خجلانه شوي وبعدين راح شوي من الخجل وصرت ادخل مواضيع واجد و

اقسام واجد بعدين شفت قسم اللغاز انا يوم كنت صغيره كنت فلته فيها وعندي دفتر جامعه اللغاز فيه اللي احط لكم منه الالغاز وصرت معروفه والحمد لله واثبت وجودي والحمد لله رغم اني الى الحين خجلانه شوي

وان شاء الله اكون عطيتكم فكره حلوه عن قبيلتي شمر واكون مثلتها خير تمثيل ورفعت راسها بوجودي بينكم

وانا عمري ما اعتبرت حالي غريبه بينكم بالعكس اعتبركم هلي بعد شمر

بنت شمر الطنايا

وهذي القصه من طقطق لسلام عليكم

[poem=font="simplified arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
هذي امنياتـي يامبعثر سنينـي = الود ودي نجتمـع لو بتابـوت

ودي احطـك ياحبيبي في عينـي = واسكر عيونـي عليك انت وامـوت

وادخل معـك قبر الغـرام الحزينـي = واسمع تناهيد المحبـه بلا صـوت[/poem]

أمانة .. لو تفارقنا .. وكلن راح .. بدروبــه ,,

أمانة .. لاتناساني .. تراني .. مستحيل .. أنســــــــــاكـ !!

أنا .. خايف من الأيام .. تراها .. حيل مقلوبه ,,

أخاف إن جيت لكـ .. مشتاق .. ترد .. تقول لي .. ماأبغاكـ !!

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دامه زمن عقرب وحيـــه وتمساح=خل الاسود تنام ماهو زمنها [/poem]

غلطة الايام .. احنا ما غلطنا ..}
كنا مشتاقين ../ يوم انا افترقنا

كلنا ملهووف ~ واحزانه كبيره
العيون تشووف .." وايدينا قصيره




لعبة الاقدار ../ تلعب في هوآنا
والزمن غدار ..{ ما يحفظ امانه

هذا شي معرووف . من يملك مصيره
العيون تشووف وايدينا ../ قصيره ..-|


غلطة الايام .. احنا ما غلطنا ..}
كنا مشتاقين ../ يوم انا افترقنا

كلنا ملهووف ~ واحزانه كبيره
العيون تشووف .." وايدينا قصيره






ياحبيبي وين .. " كنا " و َ " انتهينا "
صآر دمع العين ../ يتحسر علينا ..!

الزمان { سيوف .. وجروحه كثره
العيون تشووف ..~ وايدينا قصيره -|




غلطة الايام .. احنا ما غلطنا ..}
كنا مشتاقين ../ يوم انا افترقنا

كلنا ملهووف ~ واحزانه كبيره
العيون تشووف .." وايدينا قصيره

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماعاد له داعي تجيني وأنا أجيك=خاب الرجا فيك وخيبت ظني
كنت أحسبك سيفي اذا ضقت أناديك=أثر البلا سيفي هو اللي طعني [/poem]