مرثية الشاعر الكبير / محماس بن شميسان في شاعرعتيبة الكبير / عبدالمعين بن ثعلي العضياني يرحمه الله
[align=center]هذه القصيدة رثاء في المرحوم بإذن الله تعالى الشاعر العلم / عبدالمعين بن ثعلي العضياني . [/align]
[poem=font="Simplified Arabic,5,black,bold,normal" bkcolor="white" bkimage="" border="double,10,red" type=0 line=0 align=center use=ex num="0,black"] يالله ياللـي ماتـعـدد حسانـيـه =رحمتك يالمعبود جـزل الوهايـب ياواحـدٍ كـلٍ يعبـده ويرجـيـه =بفضلك تعدينـا عظيـم المصايـب واللي بعدها البوك لاهنت عطنيـه =واكتب بعد جاء للقوافـي سبايـب نويت اغني الشعر وارثـي مغنيـه =رفيق لوهو حدر عـوج النصايـب عبدالمعين اعنيه وارجـي لباريـه= يثبتـه قـدم الهـول والعجـايـب شاعر عتيبه نسـج فكـره مسميـه= نظيف طـرق ولاسلـك للمعايـب الشعر في موفـي حقوقـه نعزيـه= اللي نهج جزلـه شبـابٍ وشايـب هذاك من خلد من الشعـر صافيـه= فوق الجموس ويوم وقت الركايـب بالشعر عالج كـل ماكـان يعنيـه= بالمنهج الواضـح بعيـد المعايـب مبدع وفي حاضر زمانه وماضيـه= مواهبـه ماتنـتـج ألا غـرايـب كنـا نفيـد ونستفـيـد بمعانـيـه= واليوم راس معلـم الشعـر غايـب لاقيل بـن ثعلـي وهـذي قوافيـه= له خـط سيـرٍ مايشيبـه شوايـب يازين لجـزال المعانـي تصديـه = ياخذ عذوبة وبـل غـر السحايـب واليا نوى خصمه يضيـع هقاويـه =وعن عزوته ياقف بوجه النوايـب وشعر الوطن كسبه يجي من علاويه= والنصح عدابـه طـوال الرقايـب وحنا نعزي أهل الأدب والأدب فيه= وأنهار شعـرٍ مالهـا عنـه نايـب وقبيلـةٍ تفخـر بشعـره وطاريـه= حيثـه فقيـد بعيدهـم والقـرايـب ونرجي الكريم بجنة الخلـد يؤويـه= مع من رحم من صالحين وحبايـب وصلوا على المبعوث ماحل طاريه= وماهل وبـل وماتهـب الهبايـب [/poem] [align=center]الشاعر / محماس بن شميسان[/align] |
صح السان ابو مشعل وبيض الله وجهك ياابو وافي وبيض الله وجه ابومشعل وعبدالمعين يستحق اكثر من ذلك ويجب على كل شاعر عتيبي ان يرثيه
|
صح السان الشاعر وبيض الله وجهك ياابو وافي وبيض الله وجه الشاعر
|
مشكور يابو وافي وصح السان الشاعر محماس بن شميسان
ورحم الله عبد المعين بن ثعلي تحياتي |
صح السان الشاعر وبيض الله وجهك
ورحم الله عبد المعين بن ثعلي |
جميع الأوقات بتوقيت GMT. الساعة الآن 07:41 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها