قصيده للشاعر سعد بن سعيد بن نوار الملحي السبيعي في الملك عبد العزيز رحمه الله
[poem=font="Simplified Arabic,6,blue,bold,normal" bkcolor="transparent" bkimage="backgrounds/16.gif" border="groove,7,black" type=0 line=0 align=center use=ex num="0,black"]
بديت بأسم منزل الحق تنزيل=الواحد المعبود منزل كتابه من قدرته رد ابرهه ووقف الفيل=عن بيته اللي ستر ربي حجابه اللي له من الخلق سجده وتهليل=من يسأله مايحرمه من ثوابه اللي خلق له من عباده حلاحيل=نصارة التوحيد ستره ثيابه اللي عطا صقر الجزيره دواليل=عبدالعزيز اللي سمعنا جوابه عبد العزيز معدل الميل تعديل=قز الطريق المستقيم ومشابه عبد العزيز اللي رفع كل تضليل=اللي رفع سيف القضا واعتزابه عبد العزيز مذلل الصعب تذليل=ساس الوفا راس الوفا والمهابه نوراً طلع فجره وقفا على الليل=وشال الظلام النور وانفك بابه تشهد له الصحراء وتشهد له الخيل=ويشهد عليه العدل ساعة نوابه ساعة مشى من يمة الجدي لسهيل=مع صحصح البيداء تبارى ركابه قفا عليهن مع حزومٍ مصاقيل=الهم زاده والمشاكل شرابه مابه مماريح ولابه مقاييل=الكور يصرخ والذخيرة زهابه سبع ليالٍ والاصايل جهاجيل=أقبل مغامر ما حسب للمهابه ان بركوهن بركن سله شعيل=وان ثورٍ مثل القطا من غبابه كنهن على قطع الفيافي مغاليل=مع تختخٍ قام ايتقادح سرابه من فوقهن قومٍ تعرف الدواليل=أهل الوفا والعدل وأهل الصلابه يتلون أبو تركي زعيم الرياجيل=منهم سؤال وهو منه الاجابه يشيرهم وإن جنبوا عدل الميل=يسبق على غلطه لسانه صوابه رايه يحل معقد الراي تحليل=حلال عسرات الامور الصعابه متوكل بمدير الخلق توكيل=طلاب حق ومن طلب حق جابه شرب المصايب مثل شرب الفناجيل=يقول كل انسان يلقى حسابه حتى دخل في نجد زين المداهيل=واعتز به نجد وتباشر ترابه حول على عجلان بين المحابيل=بشلفاً حناها مثل قوس الربابه وتواجهو في ساعه تذهل الحيل=مافيه ظالم غير يلقى عذابه وتباهلت له سلطنه نجد تبهيل=وكل القبايل بايعوا والقرابه وخذها بعزم وحزم جهد وبهاذيل=مافيه درب الابرجله وطابه ماجت له بصوت انتخاب ومعاديل=خذها بسيف ما تراقل نصابه وارسل على كل القبايل مراسيل=كل يرجع سلته في قرابه من قبل ابو تركي في حرب وغرابيل=مابين سلب ونهب واخذ وحرابه مراً صباح ومر مع هجعة الليل=هذا يموت وذاك ينقل صوابه سفك الدماء من بينهم كنه السيل=شيٍ طبيعي مافي هذا غرابه حتى طلع من بدل الوضع تبديل=وشال الخراب وشال ساس الخرابه لين ثبتت شبه الجزيره على حيل=واهتم في الشرع القويم وبدابه معاد به جاهل ولا به جهاهيل =ولا عاد به بغضاء ولابه عصابه من عهد ابو تركي ليا آخر هذا الجيل=خلاص مابه لابه ضد لابه امن وامان وذكر خالق وتهليل=نمشي مع الاسلام ركنه وادابه هذا وصلوا على وبل الهماليل=على رسوله عد منشا سحابه الشاعر/ سعد بن سعيد بن نوار الملحي السبيعي=[/poem] |
[color=#CC3366][font=Tahoma]صح لسانك ولاهنت على النقل الرائع
تحياتي لك .. . .[/font][/color] |
[align=center]صح لسانك وصح لسان الشاعر
مشكور [/align] |
صح بدنك ياعمر ومشكور
|
جميع الأوقات بتوقيت GMT. الساعة الآن 04:06 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها