قصيدة مشعل بن محماس الحارثي أمام الامير سلطان بن عبدالعزيز
قصيدة الشاعر الملازم / مشعل بن محماس الحارثي
والتي ألقاها أما صاحب السمو الملكي سلطان بن عبدالعزيز وبالصراحه قصيده رائعه وجب علي كتابتها هنا [poet font="Simplified Arabic,4,black,normal,normal" bkcolor="transparent" bkimage="" border="double,4,sienna" type=0 line=200% align=center use=ex length=0 char="" num="0,black" filter=""] خل النياح وفارق العش ياطير=غرّد وهز الريش في كل عالي اليوم هذا غير وأيامنا غير=والبارحة ماهي سوات الليالي الأرض صارت في عيوني نواوير=والبدر تم وجا مكان الهلالي وأبها تحدت في بهاها الغنادير= فلت جدايلها وقامت تلالي وفي وجه خالد للفرح الف تعبير=وحجاج فيصل فيه كل أبتهالي من السعاده باقي شوي ونطير=عزالله أن اللي لفا الدار غالي يامرحبا ماغردن العصافي=يامرحبا مازاف نبت الرمالي ترحيبٍ أحلى من حليب المصاغير=وضحٍ رعت روضٍ ربيعٍ وخالي ياللي شكت رجله طوال المشاوير=ياطا بها درب الخطر مايبالي قرت عيون اللي يحبون يامير=طاريك.. وإلا الحين شفته قبالي ياما حسبت الوقت حسب الدنانير=أسامر نجوم الثريا لحالي مبطي وانا أسمع فيك وصف البياطير= واليوم جالي في القصيدة مجالي ياسيدي مال القوافي معاذير=عن البيوت الوافيات الجزالي من لاجعل للمدح قيمة وتقدير= ماظنتي يلفت ذهون الرجالي وأنت الذي معك سحاب المزابير= تمشي ويتبعك الحيا والخيالي وأنت الذي بأسمك تباح الأسارير=مثلك له أسماء عراضٍ طوالي سلطان ياسلطان من يومك صغير= مافي تسلطانك وشخصك جدالي كانوا ولا زالوا يسمونك الخير=وياكثر السماء اللي تزاحم فبالي كريم سبلا إلا زبون المخاسير=طلق الحجاج إلا بعيد المدالي درع البلاد إلا طويل الأشابير=أبو اليتيم إلا عشيق المعالي لاوالله لبن مسطر المجد تسطير=على حصى الأرض ونفود الرمالي واخو فهد ذروة سنام المشاهير= صفوة ملوك الأرض بأول وتالي فهد ولا قلنا فهد جاوب النير=تهتز لإسمه راسيات الجبالي زعيمنا اللي للعلا واصل السير= حتى تعلينا على كل عالي مال الطموح بوسط رأسه معايير= ولا للعوج عنده ياكود اعتدالي اليا زعل تزعل ملوك وجماهير= واليا رضا ينهي جميع الجدالي مايشبه غير الثنين المناعير= أنته وأبو متعب كريم السبالي عبد الله اللي فيه من سالم الزير=خطل اليمين الليث حام التوالي سقم العدو اليا هرج دون تفكير=رده على العدوان جاهز وحالي نفخر بكم وإلا القصايد تعابير=ياشيوخ نجد الشعب كله موالي والله لوفيكم عن الملك تقصير=ماخصكم ربي عزيز الجلالي منا وفينا مالفيتوا مداوير=حكامنا وقت الدهور الهزالي ورث الجدود أمن الليال المعاسير=قبل القصور وقبل صرف الريالي هاك الزمان سلاحنا حملة بعير=من يومها متوثقين الحبالي منهاجنا واضح ولا فيه تغيير=نموت مانرضى عليه البدالي مااستعمرونا اللي غذاهم خنازير=تشهد لنا شهب السنين الخوالي من قبل عاشر جد أبو بوش وبلير= ماهي ثلاث شهور وإلا حوالي واليوم في وقت الرخاء والتياسير= شفنا العجب لاوالله إلا الهبالي ياكثر ماقامت تسوق المقادير=وياشيب عيني لاذكرت وطرالي المسجد اللي هزه أصوات تفجير=في حزةٍ فيها يجاب السوألي والمسلم اللي ذبح من دون تبرير = ودم الرضيع اللي على الوجه سالي ينشدك يامكفر هل الدين تكفير=وش حكم ذبح المسلمين العزالي ؟ تدبر القرآن والهدي تدبير= وأخذ الجواب بصيغته والكمالي فضحكم الله يالوجيه المغابير=ياطغمة التخريب والإنحلالي واللي على الفتنة تدق المزامير=نعرف مطامعهم على كل حالي ونعرف من يدفع رسوم الفواتير=يالحية اللي جحرها الإحتلالي لنحورهم حنا سوات الأزارير= حنا حماة الدين ياهل الظلالي الأرض نزرعها رماح ومسامير= يحرم عليهم وطيها بالنعالي ديارنا ماهي بكابل وكشمير=ياهملالي صدق ياهملالي حامينها الأجداد عج ومعاصير= بسيوفهم على ظهور الجمالي واليوم ياسلطان شفهم طوابير=ملوا من المجلاس تحت الظلالي يبون يومٍ فيه للحق تكبير=عن الكلام تبان فيه الفعالي ياسيدي قل وش تبي بس ويصير=حدد هدف لوهو عسير المنالي فالجو نفاثة وفالقاع جنزير=وأن مت هاك اليوم من طيب فالي هذا وطنا ماسكناه تهجير= الجيش واحد ماجمعنا الحثالي لو ينتخي عرعر تلبيه خرخير=كل الجنوب يصير جنب الشمالي لا ياوطن لاتحسبنا مدابير=لو الدهر في بعض الأحيان مالي طالبك لاتجفل من الوقت وتذير=وكلنا أبناك وبالله الأتكالي وأن كان ماشفت السعد والتباشير=عيبٍ علينا لبسنا للبدالي نذذرٍ علىّ لاحرسك وأفديك وأغير=ديني وعرضي فيك وأغلى حلالي واللي يأثر فيك بأيات تأثير=أبرى منه لو كان عمي وخالي وأن مت واخذتني صروف المقادير=والله لاوصي فيك حتى عيالي [/poet] |
ابو سعود
مشكووور على النقل.. وصح لسان الحارثي.. تحياتي.. |
العفو مستر طلال وحياك خيوو :cool:
|
جميع الأوقات بتوقيت GMT. الساعة الآن 01:41 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها